مساعدة في تغيير الكاتينة و السيور و طرمبة البنزين

السلام عليكم

دلوقتي يا جماعة انا عايز اغير كاتينة بالشداد بتاعها و سيرو دينامو و باور و تكييف و فلتر بنزين و هواء و بوجيهات و طرمبة مياة

رحت لمنصور اللي في شارع الطيران قالي 1000 جنية الطقم

اتصلت بأبوغالي العباسية قالي 850 منغير طرمبة المياة و الطرمبة لوحدها ب 300 جنية

و هنا في المنتدي بتقولوا هات من ابو الحسن او المنير او اي حد بره

انا فعلا محتار جدا جدا و عايز اغير الكاتينة و اخلص من الخوف لتتقطع

ممكن بجد المشورة لاني عايز اجيب حاجة اصلي بس مش عارف اجيب مننين و في نفس الوقت خايف اجيب حاجة غالية و في الاخر تصلع مضروبة و مبقتشي عارف اي حاجة و محتار جدا

منتظر الردود و شكرا ليكم

خليك في ابو الحسن او المنير حاجتهم غالباً مضمونة واسعلارهم اهدي من التوكيلات ومراكز الصيانة

استاذ طارق متشكر جدا لردك

انا فعلا بفكر في كده بس انا طول عمري بحب اشتري من التوكيل بس في الانوس شكل الموضوع مختلف انا جديد في الانوس و محتار جدا و عايز اجيب المضمون لان مش انا اللي بركب العربية دي عربية البيت و في نفس الوقت حاسس ان التوكيل بيبيع حاجات صيني او كوري مش انتاج دايو مثلا او شيفورليه لا ده مصنع بينتج ليهم و ده محيرني جدا

انا اشتريت من البنا بالتوفيقيه
بلية الشداد الكاتينه الأصلى صنع كندا ب 150 جنيه
سير كاتينه دايكو 55
سير تكييف 15
سير دينامو 20
فلتر بنزين 35
وده مصنعية تركيبه تقريبا 50-75 جنيه
لانى غيرت اويل سيل عمود الدركسيون (السكتره) و غير زيت الفتيس ب
و الصنايعى اخد 100 جنيه
طلمبه المياه ب 75 جنيه
و فلتر الهواء ب20
و البوجيهات ب 45

يعنى الحاجات اللى انت طلبها بحوالى 400 و مصنعيه حوالى 100 جنيه