اصلاح اسطوانه الدبرياج والرعشه فى الطلعه بدون فك المحرك

**essamenen** · 17-08-2011 04:00 PM

عند بدايه التحرك بالعربيه وتحدث رعشه ورجه على الاول نجد ان سبب ذلك سببين
1- عدم ظبط الكربراتير او نظام حقن الوقود
2- عيب فى اسطوانه الدبرياج عامة عند الذهاب الى المكانيكى بيقلك غير الاسطوانه والدسك
رحت انا والحاج عند ميكانيكى اول مره نروحله لان فى عربيه الحاج مشكله بسيطه المهم عملها وبعد مخلص قلتله انا بشتكى من الرجه فى بدايه التحرك وتكون بشكل واضح عند وصول درجه الحراره الى 90 ْ مع ان السحب تمام وفى الكبارى والمطالع تمام فقلى نفك الماتور ونكشف على الاسطوانه فقعدت اتكلم معاه شويه المهم قلى انا هجرب حاجه
ركب العربيه وشد فرامل اليد وداس على فرامل الرجل والدبرياج مع بعض وعشق على الاول وحاول يطلع بالعربيه بالراحه كررالموضوع ده 3 مرات قدام ووره خرج من العربيه وقلى جرب جربت لاقيت مفيش برجله ورعشه
والعربيه زى الفل
تفسيرى للى عمله الميكانيكى على حد علمى
اسطوانه ادبرياج فيها سست ممكن تكون السوست ديهه ناشفه او عليها اوساخ فعندما قام الميكانيكى بالموضوع السابق يقوم بالضغط على السوست لتلينها وتحريرها من الاوساخ
ممكن كل واحد يجرب الموضوع ده ويقبنا على النتيجه

**elewey** · 18-08-2011 01:11 AM

اللى عمله الميكانيكى دة تشيك على الاسطوانه و الديسك المفروض العربيه تبطل معناها ان الاسطوانه تمام اما لو فضلت دايرة يبقى الاسطوانه راحت خلاص

**ahmedhawas** · 18-08-2011 04:43 AM

الله ينور عليك يا عصام بيه.
وتفسيرك سليم فعلا ،
بس في حتة انه جرب 3 مرات قدام ووره .. فانا عايز أقول ان قدام متفرقش عن ورا لان اتجاه الدوران واحد في الحالتين (الحدافة والديسك والاسطوانة بيلفوا في نفس اتجاه الدوران).

وده مختلف عن الاختبار التاني بتاع الاسطوانة (تجيب رابع وتحاول تطلع بالعربية براحة لو العربيه بطلت معناها ان الاسطوانه تمام اما لو فضلت دايرة يبقى الاسطوانه راحت خلاص).

**essamenen** · 18-08-2011 05:25 PM

الف شكر يا استاذ احمد
انا عندى الرعشه اختفت تماما

**gazzar91** · 19-08-2011 08:18 AM

المشاركة الأصلية كتبت بواسطة essamenen

ركب العربيه وشد فرامل اليد وداس على فرامل الرجل والدبرياج مع بعض وعشق على الاول وحاول يطلع بالعربيه بالراحه كررالموضوع ده 3 مرات قدام ووره خرج من العربيه وقلى جرب جربت لاقيت مفيش برجله ورعشه
والعربيه زى الفل

تقريباً الاسطوانة كانت مأززة و هو قعد ينحر فيها شوية لحد ما شال الطبقة اللي عليها

و الله أعلم
في رعاية الله

**khaled_sabry** · 14-03-2013 03:39 PM

رغم انى عارف انه موضوع قديم لكن حبيت اخد خبرتكم
انا غيرت اسطوانه و ديسك و بعد كده العربيه بقيت ترعش على الطلعه
انا عملت الطريقه المشروحه دى لكن بعهدها بيوم او اتنين لاحظت ان دواسة الدبرياج بقيت واطيه اوى
http://www.nilemotors.net/Nile/341498-a.html
فهل ده ليه علاقة بالموضوع ده - يعنى تفتكرو انى اكون نحرت اوى فى الاسطوانه ؟؟ رغم انى ماطولتش فى الموضوع و النحر ده

**momo44** · 14-03-2013 08:13 PM

غريييييييييييييييبة

**ahmed_belta** · 17-03-2013 03:50 PM

هي غريبة فعلاً أنا عندي الرجة مع السخونية فقط واحد يقولي هنغير الديسك بس و التاني يقولي هنمسح الفولام و الديسك و الثالث يقولي نمسح الفولام و الديسك في المخرطة و مش هنغير حاجة من غير منحل سبتلة العربية و رجعت لقيته حالل الفتيس و عمال يغسل فيه و قاللي لازم نغير جلبة عشان بتجيب زيت قولتلوا الفتيس لما بيتحل مابيرجعش مكانه تاني قاللي عيب غير اسطوانة و ديسك ومسح الفولام في مخرطة اليكتروني عى حد قوله بثمن اسطوانة تانية وبعد ماركب .. ونه في الفتيس مش لاقيلها حل المشكلة ظهرت تاني بعد فترة بسيطة آخر واحد قاللي بص يا باشا إحنا نغير طقم دبرياج كامل فاليو ونجيب بلية دريك للفتيس و العربية هترجع زي ما كانت قولتلو طيب و ماعملتش حاجة .. ما العمل ؟