| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 52

  1. #1

    الصورة الرمزية SEATLOVER

    رقم العضوية : 4001

    تاريخ التسجيل : 07Jan2008

    المشاركات : 2,074

    الحالة : SEATLOVER غير متواجد حالياً

    Lightbulb البنزين/البيع والشراء - Facebook Twitter whatsapp انشر الموضوع فى :

    hasad">

    البنزين/ البيع و الشراء

    بسم الله الرحمن الرحيم
    السلام عليكم ورحمة الله و بركاتة


    نظراً للظروف و المتغيرات اللى حدثت لاسعار البنزين الجديدة هيكون فى تغيرات متفاوتة فى سوق السيارت بصفة عامة سواء زيرو او مستعمل هنحاول نوضحها كتوقعات منتظرة
    خاص بنايل موتورز فقط
    المعادلة اللى فى الموضوع دة بتتكون من ثلاث عوامل
    1- البنزين : سعر ارتفع و ماعتقدش ان دى هاتبقى اخر زيادة لية على المدى الغير بعيد
    2- بايع : نمط البايع اللى هايكون فى الفترة اللى جاية وطريقة تفكيرة وهايبيع اية و لية هايبيع اصلاً

    خاص بنايل موتورز فقط
    3- الشارى : نمط المشترى اللى هايكون فى الفترة اللى جاية وطريقة تفكيرة و هايشترى اية ولية


    تقسيم شرائح السيارت المستعملة (فترة / سعة لترية )
    خاص بنايل موتورز فقط
    الشريحة الاولى : من 1980-1990 > 800-1200 cc ( تمانينات - خفيف )
    الشريحة الثانية : من 1980-1990 > 1300-1600 cc ( تمانينات- متوسط )
    الشريحة الثالثة : من 1980-1990 > 2000 cc ( تمانينات- عالى )

    الشريحة الرابعة : من 90-2000 >800-1200 cc ( تسعينات- خفيف )
    الشريحة الخامسة : من 90-2000 > 1300-1600 cc ( تسعينات- متوسط )
    الشريحة السادسة : من 90-2000 > 2000 cc ( تسعينات- عالى )

    الشريحة السابعة : من 2000 > 800-1200 cc ( الفينات - خفيف )
    الشريحة الثامنة : من 2000 > 1300-1600 cc ( الفينات - متوسط )
    الشريحة التاسعة : من 2000 > 2000 cc ( الفينات - عالى )

    خاص بنايل موتورز فقط
    مدى تأثر الشرائح السابقة خلال الفترة القادمة
    فى المستعمل

    خاص بنايل موتورز فقط
    انخفاض حاد و انهيار فى سعر بيع كل من بالترتيب
    أ- ( تمانينات- عالى )
    ب- ( تسعينات- عالى )
    ج- ( تمانينات- متوسط )
    د- ( تسعينات- متوسط )
    مع انخفاض طفيف فى ( الفينات - عالى )

    خاص بنايل موتورز فقط

    ارتفاع كبير فى اسعار بيع كل من على الترتيب
    أ- ( تسعينات- خفيف )
    ب- ( تمانينات - خفيف )
    ج- ( تسعينات- متوسط )
    د- ( الفينات - خفيف )

    مع ارتفاع طفيف ل ( الفينات - متوسط ).... ثم تأخذ فى الارتفاع اكثر
    خاص بنايل موتورز فقط
    تقسيم شرائح السيارت الزيرو (سعة لترية )
    الشريحة الاولى : من 800-1200 cc ( زيرو - خفيف )
    الشريحة الثانية : من 1300-1600 cc ( زيرو - متوسط )
    الشريحة الثالثة : من 2000 cc فيما فوق ( زيرو - عالى )

    خاص بنايل موتورز فقط
    مدى تأثر الشرائح السابقة خلال الفترة القادمة
    فى الزيرو
    - انخفاض فى السعر و عروض تسويقية فى ال ( زيرو - متوسط ) مع انخفاض اكثر فى شريحة ال 1600
    - ارتفاع فى السعر و عروض تسويقية فى ال ( زيرو - خفيف ) وخصوصاً الشريحة التى تتضمن كماليات
    - ثبات فى السعر و عروض تسويقية فى ال ( زيرو - عالى ) مع ثبات اكثر كلما ارتفع السعر الاجمالى

    خاص بنايل موتورز فقط
    عناصر المعادلة القادمة (بنزين - بايع - شارى )
    اولاً : البنزين
    - السعر بقى معروف لكل نوع و خلاص تقريباً كل واحد مننا حسب هايدفع كام زيادة تقريباً كل شهر
    - النوع 90/92/95 ودى هاتفرق فى المعادلة

    خاص بنايل موتورز فقط
    ثانياً : البايع
    طبعاً كل عربية لا تخلو من حد بيكون بيبعها فى اى وقت , لكن فى الفترة اللى جاية الموضوع هايختلف
    مين اللى ممكن يبيع فى الفترة اللى جاية
    اكثر الشرائح التى ستكون معروضة للبيع و بسعر رخيص جداً
    ( تمانينات- عالى ) - ( تسعينات- عالى )
    واللى بيبيع من دول هايكون رايح يشترى ( الفينات - متوسط ) ولو معرفش هايجيب ( تسعينات- متوسط )

    خاص بنايل موتورز فقط
    ثانياً : الشارى
    هيكون عندة الافضلية الاولى ل ( الفينات - متوسط وخفيف ) ثم ( تسعينات- خفيف )

    الشريحة اللى هايحصل فيها تذبذب لوقت كبير سواء من الشارى او البايع هى شريحة ( الفينات - عالى )
    وهاتستمر فترة طويلة فى السوق غير محددة السعر بالظبط

    خاص بنايل موتورز فقط
    أسماء ستكون فى وضع صعب خلال الفترة القادمة
    البى ام القديم كلة -المرسيدس القديم كلة - الدايو نوبيرا و لانوس- الهوندا سيفيك (تسعينات ) - اللانسر 98 و 99 و خصوصاً ال الالفينات ال 1600 - البيجو 405 و 505 - الفيات ريجاتا و 131 و ال 2000 - السيات توليدو اوائل التسعينات -اللادا بجميع انواعها - الاوبل الفكترا و خصوصاً ال 2000 cc -الفولفو التمانينات - جميع الجيب حتى الالفينات - معظم الكرايسلر

    خاص بنايل موتورز فقط
    اسماء سوف تلمع فى الفترة القادمة
    -معظم موديلات الديهاتسو (شاريد تسعينات -ميرا تسعينات و الفينات - اغلب الزيرو )
    - سوزوكى (ماروتى تسعينات و الفينات - ماروتى و الالتو زيرو )
    -الكيا بيكانتو
    هيونداى اتوس-i10
    البونتو الالفينات والابيزا و البولو الالفينات
    التيوتا الكورولا الالفينات و خصوصاً ال 1300

    -عودة للصينى الصغير
    خاص بنايل موتورز فقط

    كلمة لمن ينوى البيع خلال الفترة القادمة
    - لو كانت عربيتك من الحاجات اللى قلنا عليها هاتنخفض جامد خلال الفترة القادمة ... ماتبعش دلوقتى اصبر شوية السوق دلوقتى هايبقى فى ذروتة و اللى جاى ليس اسواء مما يحدث الان ..ظبط امورك وادرس احتياجاتك وعيد النظر فيما تنوى علية مستقبلاً

    خاص بنايل موتورز فقط
    -إذا كانت عربيتك من الحاجات اللى قولنا عليها سوف تشهد ارتفاع فى السعر أيضاً ماتبعيش دلوقتى خالص بدايات الارتفاع سوف تحدث بالتدريج الان و سوف تأخذ فى الارتفاع تدريجياً لتصل إلى ذروتها قبل نهاية هذا العام
    - لو مصمم تبيع ماتبعيش عن طريق السوق حالياً... بيع عن طريق الاعلانات و اترك السعر مفتوح و شوف الطلب و غير فى السعر على حسب المدة الزمنية من انقضاء الاعلان مع وضع حد ادنى لا يمكن تجاوزة

    خاص بنايل موتورز فقط

    كلمة لمن ينوى الشراء خلال الفترة القادمة
    - اول حاجة ماتشتريش طبعاً من اللى قولنا عليهم هاينخفضوا جامد إلا إذا كنت منتظر نزول سعر هذة الموديلات فقد تصبح الفترة القادمة فرصة هايلة لأغتنامها ذى البى ام و المرسيدس و الجيب و هكذا

    خاص بنايل موتورز فقط
    - إذا كنت تنوى على الشراء من فترة على عربيات قولنا عليها سوف تشهد ارتفاع كبير فى الفترة القادمة ...فيستحسن ان تعجل بالشراء حتى ولو كان بالتقسيط

    خاص بنايل موتورز فقط
    ملحوظة هامة جداً : لا تجعل كل تفكير فى الموديل اللى انت ناوى تجيبة منحصر فى نقطة توفير البنزين فقط ... قد تكون قطعة واحدة من قطع الغيار بما قد توفرة لسنة فى سيارتك القديمة عالية استهلاك البنزين
    خاص بنايل موتورز فقط
    كلمة لمن لا ينوى الشراء ولا البيع خلال الفترة القادمة
    إذا كانت عربيتك مفروض لها ان تستخدم بنزين 95 وذلك من خلال
    - مكتوب على فتحة التانك -المانيوال - سؤال التوكيل
    لا تقم بالتغير الى 92 من منطلق التوفير ...سوف تقابل بمعدل اداء اقل و سرعة تبديل لطقم بوجيهات و فلتر و ممكن طلمبة بنزين ... قد يوازى تمنهم ما قد ممكن توفرة خلال عام من وضع بنزين 92

    خاص بنايل موتورز فقط
    أو قم بالتجربة فى تفويلة واحدة فقط ...واحسب معدل الاستهلاك لهذة القطع وشوف (مغامرة)

    وعموماً لى اللى مش عارف يحط بنزين 95 او 92 بمنتهى البساطة إذا كان موتورك صغير لحد 1400 و بيدى هورس باور عالى بالمقارنة بباقى السيارات فى نفس الفئة اللترية ودة بيعنى نسبة انضغاط عالية للمحرك ..او تكون عربيتك احدى الماركات ذات الطبيعة الخاصة .... هما دول فقط الحالتين اللى لازم تحط 95 او يفضل إذا لم تتوصل لنتيجة قاطعة من الطرق السابقة
    ... غير كدة 92 يمشى كويس جداً .

    خاص بنايل موتورز فقط




    وفى النهاية
    يارب مايجيش يوم نتكلم فية فى زيادة بنزين تانية ...








    سعدت بكم وارجو ان اكون قد افدتكم
    خاص بنايل موتورز فقط


  2. #2

    الصورة الرمزية ASD peugeot

    رقم العضوية : 974

    تاريخ التسجيل : 16Jun2007

    المشاركات : 1,370

    النوع : ذكر

    الاقامة : شبين القناطر -قليوبيه

    السيارة: كده رضا

    السيارة[2]: Lanos

    دراجة بخارية: njbkjb

    الحالة : ASD peugeot غير متواجد حالياً

    افتراضي -

    شكرا ليك علي الموضوع المهم ده ودايمان موضوعاتك مفيده بس ليه سؤال عربيتي بيجو 504 gl موديل 79 و ان شاء الله هبعها اخر السنه العربيه كان سعرها قبل زياده البنزين علي الاقل تجيب 45 انا بتكلم عن عربيتي و حالتها جيده جدا دلوقتي من خلال خبرتك شايف ايه اللي ممكن يحصل لاسعار البيجو و خصوصا 504 وبعدين سعر الترخيص اصبح من 175 الي 200 جنيه يعني مش زياده كبيره في الترخيص و بعدين العربيه انا ماشي دلوقتي ب بنزين 80 بدل 90 و شغاله تمام بس السحب قل ومستني ردك




  3. #3

    الصورة الرمزية SEATLOVER

    رقم العضوية : 4001

    تاريخ التسجيل : 07Jan2008

    المشاركات : 2,074

    الحالة : SEATLOVER غير متواجد حالياً

    افتراضي -

    اسد باشا ...
    ربنا يخليك على كلامك الحلو
    لو تلاحظ فى كلامى عن العربيات اللى هايكون موقفها صعب فى الفترة اللى جاية
    ماقولتش ال 504 رغم ان اكيد كل مٌلاكها قلقانين من اللى حصل
    هاقولك لية
    لأن ال 504 حالة خاصة جداً ولها اللى طالبها و بدام لها طالبها بتبقى مسيطرة علية و مش هايفكر ويحسب و بيعتمد على التاريخ المشرف ليها و بيدور على الامتلاك مش على الاقتصادية ..يعنى بيفكر فيها (اداء وجودة ) مش مصاريف تسيير

    اما بالنسبة لمصاريف الترخيص ..انا ماتكلمتش عنها لأن تأثيرها هايبقى ضعيف
    لأن الدفع مرة واحدة كل فترة كبيرة جداً بيتنسى ومابتحطش فى الحسابات
    مع انة قد يكون مبلغ محترم احياناً فى عربيات معينة ... لكن برضو اللى هايجيب العربيات دى ..مش هايبص اوى هو هايدفع كام يوم مصاريف ترخيص العربية
    لعدة عوامل
    (مبهمة عند ناس كتير - بتدخل فى يوم فية مصاريف تانية كتير برضو - دايماً الكل بيتوقع الازيد ذى شهادة المخالفات كدة )

    يعنى باختصار ماتقلقش من الموضوع دة بس ماتبعش دلوقتى خالص و استنى على اخر السنة


  4. #4

    الصورة الرمزية Khalid Shalabi

    رقم العضوية : 6567

    تاريخ التسجيل : 28Feb2008

    المشاركات : 347

    النوع : ذكر

    الاقامة : Damietta

    السيارة: UNO 98

    السيارة[2]: Civic Si 93

    دراجة بخارية: Orbea

    الحالة : Khalid Shalabi غير متواجد حالياً

    افتراضي -

    كالعادة كلام جميل جداو مفيد و طريقة عرض شيقة :)

    ليا ملاحظتين - انا عربيتي سيفيك 1993 Si - يعني 1600

    اقتباس المشاركة الأصلية كتبت بواسطة SEATLOVER مشاهدة المشاركة
    انخفاض حاد و انهيار فى سعر بيع كل من بالترتيب
    د- ( تسعينات- متوسط )
    ارتفاع كبير فى اسعار بيع كل من على الترتيب

    ج- ( تسعينات- متوسط )
    أولا: بناء على رؤيتك اعتقد انك تقصد انخفاض


    اقتباس المشاركة الأصلية كتبت بواسطة SEATLOVER مشاهدة المشاركة
    أسماء ستكون فى وضع صعب خلال الفترة القادمة
    الهوندا سيفيك (تسعينات )
    انا بحطلها 92 و بتعمل 280 ك في السفر بسرعة ثابتة و 230 جوة البلد وكدا تبقى للسيفيك ميزة مش عيب او على الاقل من ناحية استهلاك البنزين

    و شكرا جدا على المجهود الجميل دا و للأمام دائما :)

    We can't solve problems by using the same kind of thinking we used when we created them. Einstein


  5. #5

    الصورة الرمزية fahd_628

    رقم العضوية : 475

    تاريخ التسجيل : 05May2007

    المشاركات : 8,407

    النوع : ذكر

    الاقامة : الأسكندرية

    السيارة: I30 & Megane estate

    السيارة[2]: E36 Coupe 328i

    دراجة بخارية: .

    الحالة : fahd_628 غير متواجد حالياً

    افتراضي -

    شكرا يا باشا على المجهود !

    الحمد لله
    [sor2]http://farm3.static.flickr.com/2639/3939929853_4547d6e150.jpg[/sor2]


  6. #6

    الصورة الرمزية ASD peugeot

    رقم العضوية : 974

    تاريخ التسجيل : 16Jun2007

    المشاركات : 1,370

    النوع : ذكر

    الاقامة : شبين القناطر -قليوبيه

    السيارة: كده رضا

    السيارة[2]: Lanos

    دراجة بخارية: njbkjb

    الحالة : ASD peugeot غير متواجد حالياً

    افتراضي -

    شكرا علي التوضيح و ننتظر المزيد من موضوعاتك المميزه




  7. #7

    الصورة الرمزية zalpany2000

    رقم العضوية : 9884

    تاريخ التسجيل : 30Apr2008

    المشاركات : 785

    النوع : ذكر

    الاقامة : Helwan

    السيارة: N/A

    السيارة[2]: Suzuki Alto 2008 F/O

    دراجة بخارية: N/A

    الحالة : zalpany2000 غير متواجد حالياً

    افتراضي -

    حقيقي موضوع هاااايل يا باشمهندس عمرو -- مع ان الواحد اتعود ان مصر مافيهاش حاجه سعرها بينهار غير البني آدم المصري تحياتي


  8. #8

    الصورة الرمزية أبومعاذ

    رقم العضوية : 1862

    تاريخ التسجيل : 22Aug2007

    المشاركات : 5,726

    النوع : ذكر

    الاقامة : Cairo Elobour

    السيارة: maruti

    السيارة[2]: Gen-2

    دراجة بخارية: no

    الحالة : أبومعاذ غير متواجد حالياً

    افتراضي -

    شكرا على الموضوع
    متنساش ان كل العربيات القديمة تقدر تحط 80 من غير ما تقلق من حاجة يعني اي عربية تمانينات خفيف او متوسط او عالي هتحط 80 و مش فارقة معاها و بالتالي اعتقد ان الكلام ده محتاج اعادة حسابات
    انا شخصيا معايا ريجاتا و معروض عليا فيها 35 الف و مش هبيعها و هريح دماغي من البنزين و احطلها 80

    ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس


  9. #9

    الصورة الرمزية SEATLOVER

    رقم العضوية : 4001

    تاريخ التسجيل : 07Jan2008

    المشاركات : 2,074

    الحالة : SEATLOVER غير متواجد حالياً

    افتراضي -

    الف شكر لكل من اهتم بالموضوع
    وعذراً لكل من يمتلك سيارة توقعت لها الانخفاض ..بس للآسف هى دى الظروف اللى احنا فيها
    ولازم ننبهة بعض و على الاقل نقدر نناقش ممكن نعمل اية او نتصرف ازاى

    ودوام الحال من المحال ... لو حد لاحظ ان معظم العربيات المتوقع لها الانخفاض فى السعر كانت بتحتل مكانة مرموقة جداً فى الفئة بتاعتها و كانت من افضل الاختيارات


    اقتباس المشاركة الأصلية كتبت بواسطة loodabds مشاهدة المشاركة
    كالعادة كلام جميل جداو مفيد و طريقة عرض شيقة :)
    ليا ملاحظتين - انا عربيتي سيفيك 1993 Si - يعني 1600
    أولا: بناء على رؤيتك اعتقد انك تقصد انخفاض


    انا بحطلها 92 و بتعمل 280 ك في السفر بسرعة ثابتة و 230 جوة البلد وكدا تبقى للسيفيك ميزة مش عيب او على الاقل من ناحية استهلاك البنزين

    و شكرا جدا على المجهود الجميل دا و للأمام دائما :)
    لا انا اقصد فعلاً الاتنين بس بنسب متفاوتة
    يعنى فئة (التسعينات-متوسط) انا قولت فى الارتفاع ترتيبها (ج) اما فى الانخفاض ترتيبها(د)
    وبكدة تبقى هى فى اغلبها مائلة نحو الارتفاع ..ومتنساش ان الفئة دى فيها موديلات كتيرة جداً و يتصل ال 1600 cc وهى دى الاكتر اللى هاتسبب هبوط فى السعر للفئة دى

    بالنسبة لعربيتك سيفيك 1993 Si - يعني 1600
    احنا كلنا عارفين ان استهلاكها للبنزين معقول ... بس للآسف النظرة اللى جاية هاتبقى فى اتجاة توفير وليس فى اتجاة مجرد استهلاك معتدل فى البنزين وبصفة عامة لعدم وجود خبرة كبيرة فى السوق الكل هايبقى عندة انطباع الهروب من سى سى قديم وعالى هروباً الى سىسى منخفض و حديث

    اقتباس المشاركة الأصلية كتبت بواسطة محمدعيسى مشاهدة المشاركة
    شكرا على الموضوع
    متنساش ان كل العربيات القديمة تقدر تحط 80 من غير ما تقلق من حاجة يعني اي عربية تمانينات خفيف او متوسط او عالي هتحط 80 و مش فارقة معاها و بالتالي اعتقد ان الكلام ده محتاج اعادة حسابات
    انا شخصيا معايا ريجاتا و معروض عليا فيها 35 الف و مش هبيعها و هريح دماغي من البنزين و احطلها 80
    احنا بتكلم فى عرض وطلب يا محمد صعب جداً حد يفكر يشترى قديم عالى او متوسط عشان يحط بنزين 80 و هو معروف مدى عدم جودتة و اداءة فى العربية


  10. #10

    الصورة الرمزية أبومعاذ

    رقم العضوية : 1862

    تاريخ التسجيل : 22Aug2007

    المشاركات : 5,726

    النوع : ذكر

    الاقامة : Cairo Elobour

    السيارة: maruti

    السيارة[2]: Gen-2

    دراجة بخارية: no

    الحالة : أبومعاذ غير متواجد حالياً

    افتراضي -

    hasad">

    ايوة انا معاك بس انا قصدي ان اللي معاه عربية قديمة هتلاقيه اصلا كان بيحطلها 80 و بالتالي هو خرج برا المعادلة بتاعة البنزين لانه اصلا مش هيفكر انه يبيع و بالتالي المعروض من العربيات دي هيفضل زي ماهو و بالتالي السعر مش هينخفض

    ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس



 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. آداب البيع والشراء
    بواسطة bshndi في المنتدى قســم خاص لبيع السيارات فقـــط
    مشاركات: 7
    آخر مشاركة: 15-06-2010, 04:13 PM
  2. خدمة البيع والشراء بين الاعضاء
    بواسطة lada2010 في المنتدى بيـــع و شــــراء
    مشاركات: 0
    آخر مشاركة: 29-05-2009, 12:07 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2