حد يعرف عربية اسمها موسو؟. ياريت تقوليلى ارائكم
عرض للطباعة
حد يعرف عربية اسمها موسو؟. ياريت تقوليلى ارائكم
عربية مش منتشرة بس كبيرة وواسعة ودفع رباعي بس سعرها كويس بالنسبة للجيب وهي كوري تقريبا بس اعتقد مش هتلاقيلها قطع غيار برا الضمان لانها مش منتشرة
مكنة ألمانى والصناعة كورى وبيقولوا خشنة
http://im2.gulfup.com/2011-04-30/1304184160561.jpg
http://im2.gulfup.com/2011-04-30/1304184232311.jpg
بالمناسبه هى ديزل والوكيل بتاعها وكيل سيات وبورش اللى فى شارع رمسيس
قبل غمرة
انا شفت الديزل دايرة كان صوتها بشع ولا الجرار الزراعي
علي فكرة هي عربية حلوة جدا ثبات وقوة، فاكر مرة كنت في معرض وكانت محطوطة شاسية بس، وسألت الراجل علي القوة بتاعتها خلاني انا واصحابي نطلع نطنطط علي الشاسية :)
مواتيرها مواتير مرسيدس ، وفي منها بنزين
هي كانت تبع شركة دايو اللي وقفت الانتاج في 2005 ، ودلوقتي بتتجمع في مصنعين بس في إيران وروسيا
انا فاكر من سنتين نزل ليها اعلان انها بتتجمع في مصر بس مش متأكد
معلش يا مان الذاكرة مفوتة شوية
هي بتتجمع في مصر بس اعتقد الديزل بس، ومش عارف هي لسه بتتجمع ولا لا
عموما هو المعرض بتاعهم في 1 شارع وادي النيل المهندسين وعلي فكرة الشركة هي الوكيل بتاع بورش وسيات ومابل " الشركة الهندسية للسيارات"
بس انا عن نفسي من محبي العربية ديه، بس الحاجة البايخة ان شاكلها متغيرش من زمان
ماركة كوري ضعيفة جداً
فعلا كانت بتتجمع فى مصر وكانوا منزلين فيها اعجوبه شاشتين ورا
والاير باج بتاعها بيفتح فى الخبطات الكبيره بس علشان الحساس بتاعه فى اخر الماتور من وراه ويبعد عنه بمسافه يعنى لازم خبطه جامده جدا علشان تحرك الماتور ويخبط فى الحساس فيفتح الاير باج والعهده على مسؤل المبيعات فى الوقت ده لما رحت اشوفها واتفرج عليها
متابع وتسلموا على الرد
هي فعلا مواتير مرسيدس
والعربية من انتاج دايو تحت اسم سانج يونج
وعلي فكرة بتشترك مع المرسيدس في تكنولوجيات كتيرة اوي
نزل منها مواتير 3200 و 2800 و 2900 ديزل
ومن اول لما نزلت كانت تبع smg سمير موريس غطاس وكيل سيات وبورش وايضا سانج يونج
وانا لما روحت التوكيل لقيتها فعلا كتير هناك
اعتقد عربية حلوة
والله المستعان
،
،
حلو قوى المعلومات دى بس حد يفتكر كان سعرها كام لما شافها؟
عربية مش منتشرة هتوجع دماغك وتتعبك خايك في الفيتارا احسن بكتير لو انتا بتحب ال4x4.