ندمت على اختيارى ( تحذير مهم للجميع )

**king516** · 18-08-2011 02:40 AM

على فكره ياجماعه قبل ماالموضوع ياخد منحنى تانى انا مبحبوش ومبحبش اتكلم فيه على فكره انا صارف على عربيتى تظبيط بس ( على اسبرانزا 516 ) حوالى 5:6 الاف ج من زينون لفرش لdvd لسماعات لكماليات لا اخر لها ولا اول وده من حبى للعربيه وعملت حادثه صغيره بيها ورجعتها برضه احسن من الأول الحمدلله وده لأقتناعى التام بيها وانها الأحسن فى فئتها السعريه ( فئه الستينات )
ويا استاذ hugan اقرا الموضوع مره واتنين وتلاته كمان وشوف انا شاكر فى العربيه لكن مش لازم عشان العربيه حلوه يبقى بالتبعيه التوكيل حلو وكل سنه وحضرتك طيب
وعلى فكره انا عامل موضوع عن العربيه وتقرير يعتبر من احسن تقارير السيارات الخاصه ومثبت كمان وكان قبل مااركب فى العربيه حاجات كتيير وتقرير واخد اعلى تقييمات وشكر
ولكنه للأسف فى منتدى منافس وقوانين المنتدى هنا تمنع انى انقل اللينك لكن لو شفت التقرير هتعرف معنى كلامى وشكرا

**hugan** · 18-08-2011 02:48 AM

ياياشا مفيش حاجه
علي فكره كل الوكلاء في مصر حراميه مش ابو الفتوح مخصوص
ادخل اقسام
شيفروليه
وهيونداي
واوبل
وشوف الاعضاء ومشاكلهم مع غبور ومنصور
ولا اقولك شوف عز العرب واخباره مع بروتون واسعاره في الصيانات وقطع الغيار
انا مش بادافع عن ابو الفتوح
انا خرجت من الضمان من زمان علي 30000
وخرجت رسمي لان العربيه عدي عليها 3 سنين
لكنها سياسه عامه في البلد
مفيش حمايه للمستهلك
ولا حتي الجهاز الوهمي المسمي بحمايه المستهلك
الا اذا كان واحد فاضي ليهم
او حد معاه واسطه جامده وليه ضهر زي المستشار اللي اتحكم له ب 200000 تقريبا
اللي يهمني العربيه مريحاني واستفدت منها علي سعرها ولا لا

**hemaa_82** · 18-08-2011 12:29 PM

السلام عليكم

انا مش متضرر ... و مش متضايق من التوكيل .. الحمد لله انا بظبط اي هفوه علي الضمان ... و ماشاء الله العربية حلوة ... و الحمد لله مفيش مشاكل مش محلوله ...

بس فكرة العقد شريعة المتعاقدين دي يبقي كتاب الضمان قدامي فبل ما اخد العربية مش بعدها ...

انا كده كده بعمل الصيانات حوالين الجدول ... يعني 3 شهور 4 شهور يا عم 5 شهور و هما مبيدقوش قوي يعني ... هما طول ما جت في شهرين مبيدقوش .... يعني الحمد لله انا مش متضرر بس الفكرة نفسها فكرة سخييييييييييفة .....

مع مراعاة ان انا سألت مرة في ابو رواش قالولي ان ممكن يحصل بلاغ من العميل لو مسافر علشان الضمان ميدقش علي فكرة ال3 شهور ... ده لو كان بيسافر و يرجع يعني شهر في السنة فمش هيدقوا الا علي ال 3 سنين او الكيلو انما بيطنشوا ال 3 شهور

**raedegypt** · 18-08-2011 04:15 PM

الكتابه فى كتيب الضمان ان السياره خارج الضمان لعدم التزام العميل بالصيانات الدوريه

الموضوع العربيات الصينى رخيصه لجذب الرجلين ويكمل حسابه ابو الفتوح فما يعرف بخدمات بعد البيع وفى الصينى بنكون اصلاحات مابعد البيع . يفتح شغل عفشه او اى حاجه وكدة بيكمل حق العربيه ال باعها رخيص . انصح بالبعد نهائيآ عن الصينى

**esam722** · 18-08-2011 04:51 PM

ماشاء الله اكتر الردود من اعضاء خارج القسم

وكله نظام شفت ؟ مش قولنالك ؟

الشرط فعلا سخيف بس مكانش مكتوب بالحبر السرى ومتهيألى انه محطوط علشان فية ناس بتشيل فيشه العداد علشان الضمان يستمر لمده ال3 سنين
ده غير ان بعض الاجزاء ممكن تبوظ من عمرها الافتراضى بغض النظر عن الاستهلاك

معلش العربية الشاهين كانت بتتباع بكام ومكانش ليها مركز خدمة ولا ليها حد تسألة فى حاجة لو العربية حصل ليها حاجة

للاسف المنظومة هنا فى مصر بتشجع التوكيلات انهم يعملوا اللى عايزينة بدون اى رقابة

ولله الامر من قبل ومن بعد

**egypt0777** · 18-08-2011 06:40 PM

المشاركة الأصلية كتبت بواسطة hugan

اهلا بيك
انا عندي احساس اني اعرف حضرتك قبل كده

لا و الله يا استاذ هوجن

مش انا و الله العظيم ( انا بحلف و انا صايم )

انا وعدتك و موفى بوعدى معاك انى مش حتدخل معاكم خالص فى مواضيع

بس فعلا حال الراجل ده هو نفس اللى حصل معايا فى حماية المستهلك لما طلعونى من الضمان عشان الشرط ده و لفوفنى حولين نفسى
حسبى الله و نعم الوكيل فى ابة الفتوح

**king516** · 18-08-2011 06:50 PM

والله ياجماعه انا مش ندمان على العربيه لا والله ده انا حتى ناوى قدام شويه اديها لأخويا الصغير واجيب حاجه محترمه جدا بأذن الله يابانى او المانى اوتشيكى
لكن انا ندمان على التوكيل لأن الشرط ده اتحدى انه يكون حد عارفه قبل مايشترى العربيه ويستلم الضمان ودى غلطتى انى اعتمدت على اسم ابو الفتوح صاحب توكيل بى ام سابقا لكن للأسف ميستحقش توكيل 127 حتى وانا الحمدلله هتعامل مع ناس عارفه شغلها وبتقدر العميل لكن فى عربيتى الجايه بأذن الله لأنها هتكون خليجى وتوبه انى اشترى من اى توكيل مصرررررررى تاااااااااااااانى خلاص حرمت

**hugan** · 18-08-2011 07:26 PM

المشاركة الأصلية كتبت بواسطة egypt0777

لا و الله يا استاذ هوجن :y_hi_3[1]:

مش انا و الله العظيم ( انا بحلف و انا صايم ) :m_yes[1]:

انا وعدتك و موفى بوعدى معاك انى مش حتدخل معاكم خالص فى مواضيع

بس فعلا حال الراجل ده هو نفس اللى حصل معايا فى حماية المستهلك لما طلعونى من الضمان عشان الشرط ده و لفوفنى حولين نفسى
حسبى الله و نعم الوكيل فى ابة الفتوح

واحشنا يا ريس
انا دخلت في موضوع النيسان الليفينا مصادفه
لا قيتك مشارك
رميت السلام لكن يظهر انت ما خدتش بالك

**egypt0777** · 18-08-2011 08:29 PM

المشاركة الأصلية كتبت بواسطة hugan

واحشنا يا ريس
انا دخلت في موضوع النيسان الليفينا مصادفه
لا قيتك مشارك
رميت السلام لكن يظهر انت ما خدتش بالك

و الله و انتم كمان و حشنى

المنتدى فعلا ملوش طعم من غيركم

انت تشف عندنا فى القسم و تنور كمان

الموضوع: ندمت على اختيارى ( تحذير مهم للجميع )

LinkBack

أدوات الموضوع

عرض

-

-

-

المواضيع المتشابهه

ركبت فرش جلد ...... و ندمت

بعد ما استلمت السيراتو بيومين ،،،،، ندمت

أسباب اختيارى لللانسر!!!!

ندمت انى جبتها هاف اوبشن

2000 كيلومتر مع الصانى-يوم بعد يوم بتأكد من حسن اختيارى

الكلمات الدلالية لهذا الموضوع

المفضلات

المفضلات

ضوابط المشاركة