الموضوع: ندمت على اختيارى ( تحذير مهم للجميع )

المشاركة الأصلية كتبت بواسطة king516

والله ياجماعه انا مش ندمان على العربيه لا والله ده انا حتى ناوى قدام شويه اديها لأخويا الصغير واجيب حاجه محترمه جدا بأذن الله يابانى او المانى اوتشيكى
لكن انا ندمان على التوكيل لأن الشرط ده اتحدى انه يكون حد عارفه قبل مايشترى العربيه ويستلم الضمان ودى غلطتى انى اعتمدت على اسم ابو الفتوح صاحب توكيل بى ام سابقا لكن للأسف ميستحقش توكيل 127 حتى وانا الحمدلله هتعامل مع ناس عارفه شغلها وبتقدر العميل لكن فى عربيتى الجايه بأذن الله لأنها هتكون خليجى وتوبه انى اشترى من اى توكيل مصرررررررى تاااااااااااااانى خلاص حرمت

معهلشش انا معترض مع حضرتك كل توكيلات العربيات اللى بتتجمع فى مصر بلا استثناء زى الزفت واتحدى حضرتك انك تقول ان فى حد ميه ميه
النيسان واحد بيشتكى من عيب فى الموتور والفتيس وطلعوا عينه وبرضه ماعملوا حاجه
هيونداى عبور طبعا مش محتاج اى كلام مصيبه من مصايب الزمن
ابو غالى كارثه
بالعكس انا شايف ان ابو الفتوح اكثر تعاونا من الناس دى انا معاك فى الموضوع بتاعك بس مافيش داعى انك تقول تحذير

حضرتك فاهمنى غلط يااستاذ osa ان الناس لازم تروح كل 3 شهور مش يبعده هو ده تحذيرى انهم ميطنشوش مش العكس فاهمنى حضرتك ؟؟؟ يعنى مش قصدى ان احذر من العربيه لا اطلاقا ابد
اما بخصوص التوكيلات فعندك حق لكن ابو الفتوح اسوأهم بمررررررررررررررررراحل كتير وروح كده توكيل السبع فى المعادى وانت تتأكد ( على فكره الراجل بتاع النيسان مشاكله اتحلت كلها وابعتله رساله خاصه على المنتدى الأخر وهتعرف انه حل كل مشاكله وفى التوكيل )

وعلى العموم ياجماعه انا اسف انى اتكلمت او وضحت مشكلتى واللى بيعانى منها ناس كتيييييير جدا معى
ولو الموضوع مضايق حد ارجو من الأداره الكريمه والمشرف المحترم على هذا القسم غلق او حذف الموضوع وانا والله معنديش اعتراض وعن طيب خاطر ولكم منى اجمل وارق التحيات وكل عام وانتم بخير

ياباشا لاء تغلق موضوع ايه بس .. انت بتتكلم صح ودة حقك واحنا واجبنا اننا نقف معاك حتى الى مبيشتكيش من التوكيل لازم يقف معاك لان احنا عمر ماحالنا هيتصلح الا لو وقفنا جنب بعض وصدقنى المشكله الى حضرتك بتتكلم فيها دى مهمة جدا لان معظم التوكيلات فى مصر كدة ومش سيارات بس دة حاجات كتييييير .. ربنا يهدى الجميع

المشاركة الأصلية كتبت بواسطة king516

وعلى العموم ياجماعه انا اسف انى اتكلمت او وضحت مشكلتى واللى بيعانى منها ناس كتيييييير جدا معى
ولو الموضوع مضايق حد ارجو من الأداره الكريمه والمشرف المحترم على هذا القسم غلق او حذف الموضوع وانا والله معنديش اعتراض وعن طيب خاطر ولكم منى اجمل وارق التحيات وكل عام وانتم بخير

حضرتك اوعى تستسلم كده انت كده حتسيب اتباع ابو الفتوح اللى ريحتهم فايحة اوى و باينه جدا يبرتعوا فى القسم برحتهم و يضحكوا على الناس و يبيعلهم الترام

رجعنا تانى للحورات اللى تخنق
والله الواحد كان مستريح من الجدال ده
اللى بيقول كلمه وحشه فى العربية يبقى راجل بيفهم واللى بيقول كلمة حلوة يبقى من اتباع الدين الجديد

انا حاسس ان صاحب الموضوع ندم انه عمل الموضوع ده لانه الموضوع راح لحته تانية

وبعض الناس بتكتب فى الموضوعات اللى بتهاجم العربية فقط لكن الموضوعات اللى فيها اى استفسار او اى مساعده كأنهم مش مشتركين فى المنتدى اساسا
والله بقت حاجة ممله
وحسبى الله ونعم الوكيل

المشاركة الأصلية كتبت بواسطة egypt0777

حضرتك اوعى تستسلم كده انت كده حتسيب اتباع ابو الفتوح اللى ريحتهم فايحة اوى و باينه جدا يبرتعوا فى القسم برحتهم و يضحكوا على الناس و يبيعلهم الترام

والله العظيم ضحكتنى طيب ماتقول احسن فلول النظام اة مجموعه احنا اسفين ياريس قصدى احنا اسفين يابو الفتوح ----------------
يرجى عدم شخصنة الحوار حتى تتجنب تطبيق قواعد المنتدى ....تم الاكتفاء بالتنبيه
مشرف7ب
20/8/2011
5.57pm