الموضوع: ندمت على اختيارى ( تحذير مهم للجميع )

كل سنه وحضراتكم طيبين اولا لازم قبل ماابدأ انا لا اتحدث عن السياره لا فيعلم الله انها اجمل سياره اشتريتها خلال 8 سنوات هم عمرى فى السيارات الجديده فأمتلكت قبل اسبرانزا 516 موديل 2010
فيرنا 2008 وقبلها تويوتا عيون 2000 والأن بحمد الله معى 516 و128 جايبها كده لمشاوير معينه

المهم انا ندمت لأنى اخترت التوكيل الخطأ فعلا اسوأ توكيل من الممكن ان تقابله فى حياتك هو ابو الفتوح والحكايه ان النهارده كنت فى ابو رواش عشان صيانه ال15000 ولله الحمد مكنتش بشتكى من اى حاجه فى العربيه علما انها معايا من سنه و7 اشهر دخلت لمهندس الصيانه وهو معروف ب................ مش عايز اكمل وبص فى كتاب الضمان ودخل بيانات العربيه على الكومبيوتر وقالى انت بره الضمان عشان مبتجيش الصيانه كل 3 شهور من شهر 11 قولتلوا انا مبمشيش بالعربيه كتيير لأن عندى واحده تانيه غير الألنترا بتاعه والدى فبتحرك بيهم كتير وانا من حقى الضمان يكون 3 سنوات او 100 الف كيلو والصيانه كل 5 الاف كيلو زى منصور وغبور والسبع والناس المحترمه دى وبسبب اللى حصل ده تم خروجى من الضمان بشكل لم اكن اتوقعه وبعد ما تم الكتابه فى كتيب الضمان ان السياره خارج الضمان لعدم التزام العميل بالصيانات الدوريه ذهبت لمدير المركز لم يفعل شىء بعا خرجت من ابوالرواش الى فرع الأداره بالمعادى لم احصل على رد او اجابه تريحنى واتصلت بخدمه العملاء وانا فى قمه العصبيه وحكيت لهم عن كل اللى حصل فى الشكاوى طبعا الرد زى اللى قبلهم هو ده نظامنا وكل شويه اسال كل واحد فيهم اشمعنى ابوالفتوح فيه النظام ده ؟؟؟؟؟؟؟؟؟ يكون الرد ان كل توكيل له نظامه وكل عربيه ليها مواصفاتها وده طبعا كلام اقل مايقال عنه انه عبيط وساذج و لكن حسبى الله ونعم الوكيل
تحذيرى لأخوانى لابد للأسف غصبا عنك انك تلتزم كل 3 شهور تتحرك بالعربيه حتى لو مبتتحرك بالعربيه كتييير لكن لو مشيت على الكيلومتر هتطلع من الضمان بدرى بدرى زيى كده
وانا الحمدلله لقيت مركز هتعامل معاه فى صياناتى ولو فى اى حاجه لاقدر الله تحصل فى العربيه وده اللى بيتعامل والدى معاه فى الألنترا الخليجى بتاعته
علما انى اتعاملت مع توكيلات كتير منها غبور فى عربيتى السابقه الفيرنا ومنصور فى الأوبترا بتاعه صديقى وفى السبع فى النيسان بتاع اخويا وعمرى ماحصل نظام المده ده معايا وحسبى الله ونعم الوكيل
وانا بعتذر وبتأسف على الأطاله لكن كنت محتاج اتكلم واحذر اخوانى فى هذا المنتدى الرائع واتكلم واقول اللى حصل معايا ومره تانيه بتأسف على الأطاله والسرد الطويل للأحداث وشكرا لسعه صدركم وكل عام وانتم بخير