سؤال فني لمالكي صني اتوماتيك

**م/محمد** · 17-08-2011 10:29 PM

بخصوص ال ار بي ام
عند الضغط علي الفرامل بينزل عداد السرعه وال ار بي ام حتي يصل ل 1000 و بعدين بيلعب طالع نازل تحت ال1000 لحد متقف تماما ويثبت العداد
الكلام ده طبيعي؟
عند التوقف التام وانت علي الd احيانا و ليس كل الوقت ال ار بي ام بينزل عن 600 اللي هي اول شرطه رفيعه واحيانا يبقي علي 700
الكلام ده طبيعي ؟

**Ahmed.TV** · 18-08-2011 01:03 AM

طبيعى يا محمد متقلقش

وحشنى كتير يا حمادة .. واعمل حسابك الاسبوع الجى مع بعض .. وعايزين نرتب معاك على سحور باذن الله

**eng.octooo** · 18-08-2011 02:04 AM

المشاركة الأصلية كتبت بواسطة م/محمد

بخصوص ال ار بي ام
عند الضغط علي الفرامل بينزل عداد السرعه وال ار بي ام حتي يصل ل 1000 و بعدين بيلعب طالع نازل تحت ال1000 لحد متقف تماما ويثبت العداد
الكلام ده طبيعي؟
عند التوقف التام وانت علي الd احيانا و ليس كل الوقت ال ار بي ام بينزل عن 600 اللي هي اول شرطه رفيعه واحيانا يبقي علي 700
الكلام ده طبيعي ؟

موضوع انة بيلعب تحت ال 1000 دة مش طبيعى ممكن تحصل كل فترة وفترة وخصوصا لما التكييف يكون شغال بس مش دايما
بس العداد الى بيعمل كدة دة الار بى ام ولا السرعة ؟؟

وموضوع
وانت واقف الار بى ام بيكون من 600 :800 تحت 1000 دة عادى وعندى ولما سألت فى التوكيل قالوا مفيش مشاكل

**Youssef.Awad** · 18-08-2011 02:22 AM

يا باشمهندس احمد ربنا انه بيوطى مش بيعلى ويجننك زى ما كان بيعمل معايا قبل تغيير الضفيرة
هههههههههههه

**msalah191281** · 18-08-2011 02:01 PM

منقول من المنتدى

كيفية عمل Reset للعربية

في البداية احب انوه انك تكون قافل زجاج العربية عشان تسمع كويس اللي هيحصل جوا العربية :

هنحط مفتاح العربية في الكونتاكت و ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم عاملين الخطوة اللي فاتت تاني ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم مدورين العربية عادي جدا

في هذه الحالة تم عملReset للعربيةملحوظة هامه : اوعي و انت بتعمل الموضوع ده تكون دايس علي اي دواسة من الدواسات و خصوصا دواسة البنزين لأن و الريسيت بيحصل بيظبط حساسات و حاجات كتير في العربية منها TPS