مطلوب مقارنة بين m11و بريليانس كروس و بروتون ساجا

ممكن حد من اخوانا الخبراء الاعزاء يفيدنى فى مقارنة الثلاث سيارات
محتا رجيب ايه فى حدود 75 الف جنيه و خايف اتسرع و انخدع
ممكن حد يساعدنى فى المقارنة بينهم

بص البريليانس عربية كويسة جداا بس ف اختبار التصادم الاوروبى ضايعة
الساجا اختيار موفق لانها 1300 ف موفرة للبنزين و كمان اوتو
بس انت عاوز اية من العربية ثبات ولا تسارع ولا امان .......الخ و ان شاء الله نفيدك

انت عاوز اتوماتيك ولا مانيوال
لان لو مش فارقة معاك كنت رشحتلك رينو لوجان ( مانيوال ) ودى تفصيلها

اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز

العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية

* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك

طب انت ليه مش بتفكر في السانديرو دي زي اللوجان وهاتش باك كمان لو انت بتحب العربيات الهاتش باك

شكرا جزيلا على الرد
اولا انا عايز الثبات و الامان
تعبت من شغل الغفشة باستمرارفى النوبيرا
و التجديد مطلوب العربية اكثر من 3 سنوات تحس بملل
ثانيا التكنولوجيا الحديثة مطلوبه
فى انتظار الرد و شكرا

شكرا يا باشا على المعلومات القيمة دى
اكيد سوف ابدء رحلة البحث و المقارنة
تسمح لى ممكن استعين بخبرة سيادتك لو احتجت

ممكن اعرف هى انتاج شركة ايه او معلومات عنها و موقعها على النت

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/