اتخبط و عايز رأيكم في تكلفة السمكرة

**MOK3336** · 17-08-2011 11:24 PM

ازيكم عاملين ايه
كنت طالع كوبري علوى و قدامى سيراتو و كان الكوبري واقف من النازلة بتاعته
فطبعا بتاع السيراتو مكنش شايف ان الكوبري واقف من المنزل و فجأة ضرب فرامل
و انا كنت وراه و دخلت فيه و كانت عربية لانسر ورايا دخلت فيا من ورا

المهم بتاع السيراتو ولا حتى نزل بص علي العربية

المهم التلافيات
من قدام
الكبوت قب من الاجناب بتاع 0.5 سم ( بس الحمد لله مفيهوش اى اعوجاج )
من الخلف
الاكصدام اتفك من الناحية اليمين
الشنطة مش بتفتح من الريموت او المفتاح ايلي في العربية بيفتح ب المفتاح بس
و المفاجئة الكبري ( حوض الشنطة فيه مكان دخل بتاع شبر كده لجوة من الناحية الشمال نتيجة الخبطة )
و كان عندى اساسا حكة كده في الباب بطول 20سم و عرض 5 سم و عمق 2 مم هعملها بالمرة

المهم الراجل عايز 650 جنية في الليلة دى
بس ملاحظة الراجل ده شغلة عالي جدا و السعر ايلي بيقوله مش هينزله مليم حتى لو ايلي قدامة ده ابوة عشان يعتبر انضف واحد بيشتغل علي البارد

**Ahmed.TV** · 18-08-2011 01:01 AM

حبيبى يا محمد وقدر الله ماشاء فعل يا حبى والحمد لله على كدا

بص

استعدال الخبطة اللى فى تحت دى فى الشنطة على البارد على الحامى كتير اوى ياخد المبلغ ده
تانى حاجة لو مش باينة متعملهاش طالما تحت عند الاستبن ومش باينة

موضوع الاكصدام روح لحد بتاع فيبر محترف وحيتظبط

موضوع فتح الشنطة من الريموت الكالون بس عايز يتظبط عند حد بتاع كوالين .. طالما بيفتح من الريموت بس مش بيقوم صح .. وان شاء الله خير

وطمنا عليك

ولو عايز اجيلك والله دمنهور واقف معاك انا تحت امرك .. او لو عايز تيجى هنا ونعملهالك مفيش مشكلة .. احنا معندناش اغلى منك

وقدر الله ماشاء فعل

**Elshennawy** · 18-08-2011 02:24 AM

السلام عليكم ورحمة الله وبركاته
قدر الله وما شاء فعل
والله الواحد معرض لأكتر من كده بسبب طريقه السواقه الغير مسئوله لبعض الناس
والحمدلله انها جت في الصاج مش في حاجه تانيه

**SonaSteel** · 18-08-2011 02:50 AM

قدر الله وماشاء فعل
الحمد لله علي كل حال ... ومش هاقولك خلي بالك والكلام ده ... لان خلاص الواحد اتعود يتخبط وهو واقف مش ماشي كمان
ربنا يجيرك في مصيبتك ويخلفك خيرا منها
والحمد لله انها صني غيرها كانت اتأثرت جامد ماشاء الله وكان الله في عونك
اقعد بالعافية :))

**Youssef.Awad** · 18-08-2011 02:52 AM

الحمد لله على كل شىء
واكتر حاجة محتاجة نضافة الشغل الجزء بتاع الحوض
بس ممكن اخره 500 يعنى ولا انزل القاهرة احسن فى الحرفيين اعملها عند ورشة قدورة وكريم منير

**jotime** · 18-08-2011 04:58 AM

الحمد الله على كده دانا لسه شايف حادثة على كوبرى اكتوبر بسبب البنزين والزيت على الارض عربية النترا طبعا ماشية بسرعة وبتاخد ملف عند مسجد النور ووراها تاكسى فيرنا تقوم العربية النترا متزحلقة وواخدة لفة بعرض الطريق ويدوبك لطشة الفيرنا من الكبوت ويروح داخل فى جنب العربية النترا من ناحية اليمين ويتكسر المقص بتاع النترا حاجة صعبة بجد انا نفسى مش عارف ازاى حصل كل ده وانا وراهم بموتسيكل كوبرى اكتوبر دع ملعون اسبوعيا الاقى حادثة فيه ربنا يسترها علينا جميعا ان شاء الله

**WalidAdel** · 18-08-2011 05:12 AM

فعلا تنزل الحرفيين احسنلك و ارخص من الكلام ده ياباشا الراجل ده بيهزر باين عليه
انا عملت موضوع عن خبطه هنا في المنتدي كبوت و صدر يمين و رفرف و اكصدام لحامات و شغل 4 ساعات في العربيه و الواد اخد 230 و 50 جنيه لللحام الاكصدام و كانوا بيتشقلبوا في العربيه و كلها جت علي البارد
قدر الله و ماشاء فعل

-

-

-

الموضوع: اتخبط و عايز رأيكم في تكلفة السمكرة

LinkBack

أدوات الموضوع

عرض

اتخبط و عايز رأيكم في تكلفة السمكرة - انشر الموضوع فى :

-

-

-

المواضيع المتشابهه

عايز أعرف تكالي السمكرة قد أيه

اللي عايز يعمل حزب و شايل هم تكلفة الاعلانات...لا تقلق

عايز اعرف تكلفة الحاجات ديه ضروري

عايز اشغل الـinternet radio بتاع الموبيل في العربية بأقل تكلفة .. حد عنده فكرة ؟؟؟

سمحت عايز أعرف تكلفة ترخيص بيجو 405 موديل 1998 سعة

الكلمات الدلالية لهذا الموضوع

المفضلات

المفضلات

ضوابط المشاركة