هو صحيح الكارينز الخليجى طلاؤها مش ضد الصدأ مفيش فية عازل صدأ

**ashouhdy** · 18-08-2011 12:51 AM

السلام عليكم ورحمة الله

فى رحلة بحثى التفصيلية لشراء الكارينز

وفى قمة حيرتى بين الخليجى السعودى هاى لاين و الوكيل هاى لاين

اتقالى الأتى عن الخليجى

الطلاء بتاعة تقيل عشان مش واخد برايمر Primer ودى المادة العازلة للصدأ عشان الدول الخليجية دول جافة مش ذى مصر

واتقالى ان التكييف بتاع الخليجى السعودى مختلف تماما عن المصرى وأكفا بمراحل

والأدهى اتقالى ان الازاز بتاع العربية معالج حراريا أفضل من المصرى عشان جو الخليج !!!

واتقالى ان الفرش ومستوى التقفيل الخليجى اعلى من الوكيل

وفى نفس الوقت من المعرض اللى بعدة على طوووووووووووول

اتقالى

الوكيل عفشة خدمة شاقة مناسبة للطرق المصرية غير الخليجى

واتقالى الوكيل اعلى عن الأرض عشان مطبات مصرنا العزيزة

وكمان اتقالى ان الوكيل معالجة ضد الصدأ وان مفيش فرق فى التكييف ...
واتقالى ان الخليجى حتى لو دفعت الفين ونص عشان تشترى ضمان لو حصل حاجة اساسية عيب يعنى جير بوكس او محرك مش حتطول حاجة ؟!!

طب انا اصدق مييييييين واعمل ايييييية

بالنسبة للكماليات

السعودى تزيد فقط تكييف تاتش ومرايات فى الاشارة وتقل عن الوكيل فى ابرباج الراكب الأمامى

اية رأيكم فى الكلام دة واعمل اية بجد محتار

**ashouhdy** · 18-08-2011 01:45 AM

طب و العفشة و الباقى بجد التكييف مختلف؟

**Khaled_Nowaihy** · 18-08-2011 01:53 AM

أعتقد كله كلام بياعين وفتاوى
الجو فى الخليج على حد علمى رطب زى مصر ويمكن أكثر

التكييف ممكن يكونوا شايلين الفلتر عشان يسبب تأثير أقوى

ارتفاع العربية هو هو فى الوكيل والخليجى

اهم حاجة فى الموضوع ده هو لو ظهر عيب صناعة فى الموتور لاقدر الله بعد سنتين أو 3 سنين .... ويمكن دى اللى ترجح كفة التوكيل بصرف النظر عن الكماليات

**ashouhdy** · 18-08-2011 02:12 AM

خالد بية تخيرا ظهرت .... طب انت قوللى انا أعمل اية ؟

**hugan** · 18-08-2011 02:34 AM

الشيء المتاكد منه
انه لايوجد مواصفات مصريه عند تصدير العربيات لنا من منشا ئها
والاكثر تاكيدا هو وجود المواصفات الخليجيه عن خروج العربيه من بلد المنشاء
حسب كلام البائع ان العفشه مناسبه للطرق المصريه علشان الطرق عندنا زفت
طب يقولك التعديل المعمول في العفشه علشان يكون مناسب للطرق المصريه
الغير معترف بيها اصلا كبلد له مواصفات عند دخول اي منتج الي مصر
ثم موضوع الدهان
جميع مصانع السيارت يتم طلاء السيارت بها ضد المياه عن طريق غمرها استاتيكا في حوض مليء بالفوسفات وليس البرايمر
لمنع الصداء
والطلاء التقيل ميزم اكثر من رائعه لتحمل درجه الحراره المرتفعه وشده سخونه الشمس

ولو لاحظت ان كل او معظم السيارات المجمعه محليا
الدهان بتاعها عامل زي ورقه السيجاره
بيتخدش من اقل حاجه
وده طبعا لتوفير ثمن البويه
علشان تتاكد من جوده الخليجي عن المصري
ملا حظه بسيطه انا لا حظتها
الشبكه الاماميه في الكارينز
في الخليجي نيكل
وفي الوكيل بلاستيك من ام 3 شلن
لو مكانك اجيب خليجي
وموضوع الضمان شيء بتاع ربنا
والوكيل اظن بياخد اكتر من حق قطع الغيا ر
في الصيانات الفرديه اللي ما فيهاش تغييير ولا زيت ولا قطع غيار
مجرد فحص السياره

**ashouhdy** · 18-08-2011 03:13 AM

يعنى اتكل على الله وأجيب السعودى ؟ أصل تقريبا مسمعتش عن كارينز فيها عيب تصنيع صح الكلام ؟ لو على كلامكم مفيش حاجة اسمها مواصفات مصرى اصلا! طب مواصفات اية كورى مثلا؟

**hugan** · 18-08-2011 03:21 AM

المشاركة الأصلية كتبت بواسطة ashouhdy

يعنى اتكل على الله وأجيب السعودى ؟ أصل تقريبا مسمعتش عن كارينز فيها عيب تصنيع صح الكلام ؟ لو على كلامكم مفيش حاجة اسمها مواصفات مصرى اصلا! طب مواصفات اية كورى مثلا؟

ياباشا اللي انا اعرفه من زمن
المواصفات الخليجيه من ايام العربيات اللي كانت بتيجي مع المصريين ا لعاملين في الخليج ايام السبعينات والثمانينات
وكانت بتكون مكتوبه علي القايم
مطابق للمواصفات الخليجيه
طبعا المواصفات الاوربيه والامريكيه
ودي مش علي العربيات بس انما علي كل حاجه لحد الحلبه اللي بنشربها مع اللبن
انما عمرك سمعت عن مواصفات مصريه
التجار بيروحو الصين ويجيبو زباله مصانع الصين ويبعوها لنا
ولا في حد قالهم عيب كده المصريين اجدع ناس ولازم يدخل لهم افضل منتج
قيس الكلام ده علي كل حاجه
عربيات
لحمه
فراخ
شاي
ملابس
انتظر يمكن ملاك الوكيل يفيدوك اكتر

**ashouhdy** · 18-08-2011 03:41 AM

عندك حق والله فى كل كلمة قلتها .... ياريت حد يفيدنا من ملاك الوكيل....

-

الموضوع: هو صحيح الكارينز الخليجى طلاؤها مش ضد الصدأ مفيش فية عازل صدأ

LinkBack

أدوات الموضوع

عرض

هو صحيح الكارينز الخليجى طلاؤها مش ضد الصدأ مفيش فية عازل صدأ - انشر الموضوع فى :

-

-

-

-

-

-

-

المواضيع المتشابهه

سؤال عن الكارينز الخليجى

حد عنده معلومات عن الكارينز الخليجى؟

الكارينز الخليجى

هو صحيح مفيش جين 2 موديل 2009 ؟؟

مفيش بنزين صحيح ؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة