السنتر والريموت فصل وهقولكم أتحلت المشكله أزاي

السنتر فصل والريموت كمان والمفتاح لما تيجي تفتح يفتح باب واحد كأن مفيش سنتر والريموت طبعا كده برضوه مش شغال. روحت لمحل بتاع سنتر قعد يكشف على الفيوزات وفك التابلوه من تحت الطاره وفرش الباب وبعدين قالي روح التوكيل علشان كل حاجه سليمه بس مفيش كهرباء واصله للباب قولتله طيب متقفلش فرش الباب وبعدين روحت لواحد كهربائي معرفه حكيتله قالي دي حاجه بسيطه خالص ثانيه واحده وبعدين فصل كابل البطاريه بتاع العربيه لمدة 30 ثانيه وركبه تاني وكل حاجه أشتغلت تمام وقولتله معلش بقى ركبلي فرش الباب ودي حكايتي مع السنتر

أفادك الله يا باشا ....

ودي تقريبا هي إعادة برمجة الريموت ... أو علميا الـــ reset بتاع الريموت والسنتر

طيب ايه السبب برضه
قفلة يعنى ولا انت غيرت البطارية ولا شيلتها وحطيتها تانى

مش اعاده برمجه للريموت
اعاده برمجه لكمبيوتر العربيه لانه اوقات بيهنج ويحتاج يتعمل له ريستارت

اقتباس:

---

المشاركة الأصلية كتبت بواسطة y2y1500

طيب ايه السبب برضه
قفلة يعنى ولا انت غيرت البطارية ولا شيلتها وحطيتها تانى

---

والله معملتش أي حاجه ولا فكيت بطاريه مش عارف عملت كده ليه

هو عادي بيقفش مع نفسه كده عملها معايا مره و كان لمبة الصالون مش شغاله فقولت دي حاجه تبع الانذار قعدت افعكش و انعكش في الفيوزات لحد ماوصلت للعلبه اللي حنب البطاريه شيلت الفيوز و حطيته تاني كل اشتغل تاني زي الفل

الحمد لله بسيطه

اقتباس:

---

المشاركة الأصلية كتبت بواسطة hugan

مش اعاده برمجه للريموت
اعاده برمجه لكمبيوتر العربيه لانه اوقات بيهنج ويحتاج يتعمل له ريستارت

---

تمام كده

معلومة مفيدة

تعيش و تاخد غيرها.........
هي العربيات كده ساعات تدلع عليك علشان تعرف غلاوتها عندك .

اقتباس:

---

المشاركة الأصلية كتبت بواسطة walidadel

قعدت افعكش و انعكش في الفيوزات لحد ماوصلت للعلبه اللي حنب البطاريه شيلت الفيوز و حطيته تاني كل اشتغل تاني زي الفل

---

طيب السؤال بقى يا وليد باشا هو الأتي:
س: كيف عرفت أن تحدد أي الفيوزات هو المتحكم في الإنذار ؟؟
السؤال بصيغة أخرى عشان أنا عاوز إجابة نموذجية
س: ما هو رقم و ترتيب و لون الفيوز الذي قمت بشيله و حطه مرة أخرى ؟؟

منتظرين الإجابات و ناجح بتفوق إن شاء الله

اقتباس:

---

المشاركة الأصلية كتبت بواسطة mff_629

طيب السؤال بقى يا وليد باشا هو الأتي:
س: كيف عرفت أن تحدد أي الفيوزات هو المتحكم في الإنذار ؟؟
السؤال بصيغة أخرى عشان أنا عاوز إجابة نموذجية
س: ما هو رقم و ترتيب و لون الفيوز الذي قمت بشيله و حطه مرة أخرى ؟؟

منتظرين الإجابات و ناجح بتفوق إن شاء الله

---

راجع خريطة الفيوزات المرسومة على غطاء العلبة و حتعرفة بسهولة

أفضل طريقة و اللي بيعملوها في التوكيل هي الفيوز ( بدل ما تشيل كابل البطارية )
هات المساكة بتاعة الفيوزات من لوحة الفيوزات اللي ورا الدرج الصغير تحت الدركسيون حتلاقيها في نص اللوحة بالضبط
أفتح كبوت السيارة
الناحية اليمين أمامك علي طول جنب البطارية تقريبا عند صدر العربية
علبة الفيوزات الرئيسية لونها أسود و مرسوم عليها خريطة الفيوزات اللي بداخلها يعني لما تشيغل غطاء علبة الفيوزات تمسكه جنب العلبة بعدلته حيوضحلك كل فيوز بتاع أيه
فيوز الريموت هو علي قدر ما أتذكر تاني واحد من اليمين أول صف من ناحية صدر العربية
أمسكه بالمساكة و شيله من مكانه لمدة لا تقل عن 30 ثانية و بعد كده رجعه تاني و أصبر ثانيتين كده علي ما كمبيوتر العربية يشوفه تاني
بإذن الله حتلاقي الريموت أشتغل معاك زي الفل
لو ماشتغلش جرب تغير البطارية بتاعته عند أي حد بتاع ساعات و أتأكد أنه حط البطارية بعدلتها الصح
لو برضه ماشتغلش تروح التوكيل في الضمان هما عنهم أعادة برمجة لريموت العربية

انا حصلت معايا نفس المشكلة فى الريموت .. والكهربائى فعلا حل المشكلة لما شال الفيوز وحطه تانى ... المشكلة دى حصلت معايا فى الريموت مباشرا بعد ما عديت من الباب الاكترونى فى بنك والريموت فى جيبى ... انا خمنت وقتها ان الريموت اتاثر بجهاز الامن اللى فى باب البنك