طنابير الأفيو

**drmagieed** · 18-08-2011 02:19 AM

بالأمس كشفت علي العربية بتاعتي في مركز كويس في المنصورة والمهندس قالي إن الطنابير علي وشك والأفضل تجيبهم من التوكيل ولما سألت عليهم لقيت ثمن الواحدة 376 جنيه ... فهل الطنابير الأصلي للأفيو بتتباع بره التوكيل وسعرهم كام وإزاي أعرف إنهم أصلي يعني النوع وبلد الصنع وخلافه ... وشكرا لكم جميعا.

**sammor_28** · 19-08-2011 03:59 AM

انا مش عارف ايه نظام الأصلي بس انا كنت غيرت طنابير ريسما لما كان معايا العربيه وهما ممتازين

وكان ثمنهم 350 جنيه تقريبا وهما اسمهم ريمسا وصناعه اسباني وفي علبه كلها حمرا وعليها خطوط وكتابه بالاسود

**alemam2005** · 19-08-2011 11:54 PM

المشاركة الأصلية كتبت بواسطة drmagieed

بالأمس كشفت علي العربية بتاعتي في مركز كويس في المنصورة والمهندس قالي إن الطنابير علي وشك والأفضل تجيبهم من التوكيل ولما سألت عليهم لقيت ثمن الواحدة 376 جنيه ... فهل الطنابير الأصلي للأفيو بتتباع بره التوكيل وسعرهم كام وإزاي أعرف إنهم أصلي يعني النوع وبلد الصنع وخلافه ... وشكرا لكم جميعا.

هل حضرتك عندك مشكله في الفرامل و في السرعات العاليه مثلا ان بتحس بدردره في الفرامل... انت عامل كام الف بالعربيه.... خلي باللك من النصب لان من مصلحه المراكز دي ان يغير علشان يستفاد.... علي العموم لو فيهم مشكله في محل في الحسينه شغال في قطع الغيار الاصلي للهيونداي و الشيفروليه اعتقد اسمه عادل وديع وكمان في ورش عفشه كتير هناك ممكن تغيرهم كمان

**drmagieed** · 20-08-2011 03:41 AM

المشاركة الأصلية كتبت بواسطة emamaveo

هل حضرتك عندك مشكله في الفرامل و في السرعات العاليه مثلا ان بتحس بدردره في الفرامل... انت عامل كام الف بالعربيه.... خلي باللك من النصب لان من مصلحه المراكز دي ان يغير علشان يستفاد.... علي العموم لو فيهم مشكله في محل في الحسينه شغال في قطع الغيار الاصلي للهيونداي و الشيفروليه اعتقد اسمه عادل وديع وكمان في ورش عفشه كتير هناك ممكن تغيرهم كمان

شكرا لكم جميعا. أيوه عندي علي السرعه العالية دردرة في الفرامل وبتمسك بعد الفترة وقالولي إن الطنابير معوجة أو ممسوحة من جزء وجزء لا.

**drmagieed** · 20-08-2011 07:13 PM

العربية عاملة 95000 كيلو

**hpxp** · 21-08-2011 05:01 AM

المشاركة الأصلية كتبت بواسطة emamaveo

ممكن بدل متغيرهم بجديد تخدهم وش في المخرطه و تجيب تيل جديد وكله هيبقي تمام ان شاء الله

+1111111111111111111111
انا عملت كده والحياه بقت بمبي وكانت الريجه طالعه نزله علشان كنت جبت تيل مش حلو
ولما خرطهم جبت تيل نظيف وفي فرق حلو في الفرامل

**alemam2005** · 21-08-2011 06:42 PM

موضوع مسح الطنابير ده انا مجربه كذا مره قبل كده بس لازم تاخد بالك انه مينفعش تكرر الموضوع اكثر من مره لان ده بيأثر علي قوه الطنابير و ممكن لاقدر الله تكسر منك.... علي العموم هتلاقي بعض الطنابير مكتوب عليها من الخارج سماحيه الخرط وده بيكون مكتوب بالميلي متر