الموضوع: الحمد لله العربيه كانت هتتسرق وربنا ستر

يا باشا الحمد لله انها جت على قد كده وفعلا كانت حاجة بسيطة سواء خساير العربية من ازاز وتركيب وعطلة وخضة او خسارة السرقة وهى الظرف اللى طلع فيه صواريخ مش فلوس ولا ورق مهم فعلا
الاهم بقى انه حضرتك واى عضو او اى مالك عربية ما يسيبش اى حاجة ظاهرة ع الصالون لا شنطة ولا كيس ولا ظرف ولا نضارة ولا موبايل ولا اى شىء بتاتا اما فى التابلوه او شنطة العربية وما تكونش باينة لأى حد يعدى جنب العربية لا حرامى ولا غيره
وكمان مفيش حرامى عربيات مش دارس خبايا العربية وطبعا لأنه عارف انه لو فتح المسوجر من جوة بعد كسر الازاز الانذار هايضرب فطبيعى هو مش غبى عشان يعمل كده
اكيييييييييييييييييد كسر الازاز ومد ايده خد الظرف وفتح التابلوه ومشى وخلاص مش هايفتح الباب من جوة ويدخل يقعد ويدورها كمان
انذار الصنى لا يعمل الا فى حالة فتح المسوجر والباب من الداخل غير كده نزل ازاز العربية كله ع الارض ولا هايضرب
والمعلومة الجديدة عليا كمان انه فيه حماية فى دوارة العربية ضد اى محاولة سرقة بغير مفتاحها الاصلى عشان الدايرة بتفصل اتوماتيك وما ينفعش وصلات خارجية والكلام ده من حرامية عن طريق ناس معرفة
يعنى اطمنوا الصنى مش هاتروح غزة ورا السيراتو
هههههههههههههههههههه