شعراء المطريه ( سواقين الميكروباص والتوك توك)
طبعا كلنا بنقرا الكلام الجميل اللي بيترزع علي الميكروباص والتوك توك والكوميديا بتاعتهم متعرفش بيجيبوا الكلام ده منين :
امثــــــــال سواقين ميكروباصات المطريــــــه :
1-ربنا يحميكى من الميكانيكى .
2-متزمروش يابهايم دا السواق نايم .
3-اجرى جري الوحوش اوتوبيس 710 ماتلحقوش .
4-المجروحين يمسكوا يمين.
5-متقولش دى بكام , دى جاية بدهب المدام .
6-تعمل حسابى اقدرك , تهزر معايا اعورك .
7-ماتبصش كدة يا عبيط , الحلوة دى بالتقسيط .
8-قصه كفاح مش جايه على المرتاح .
9-دلعها فى الغيارات , وريحها على المطبات .
10-لما كنت عصفور كلونى , ولما بقيت اسد صاحبونى .
11-تركب اسليك , تنزل اولع فيك .
12-الحلوة خوخه , جت بعد دوخه .
13-الحلوة من حلوان وصاحبها راجل غلبان .
14-متبصليش بعين رضية دنا طلع عين أمى فى السعودية .
15- سولار فى التنك ولا مليون فى البنك..
16- لو كان الرزق بالجرى ماكانش حد حصلنى.
17- اللى يخاف من العفريت يعمل عبيط.
18- المضطر يركب التاكسى.
19- دى قصة كفاح مش جاية على المرتاح.
20- إيسوزو النوزو كوانونزو.
21- جبنا المازدا وجيبنا الزيت وهى عليها خراب البيت.
22- ما تبحلقش كده يا لوح دى جت بطلوع الروح.
23- مـــــيه مـــــيه عسليه مطريـــــــــــــه.
