الموضوع: تركيب زينون ل بى والى دى

المشاركة الأصلية كتبت بواسطة lonedoctor

الحقيقة نويت اركب زينون للجميلة بى واى دى وهشتريه من الصين خلال الانترنت لكن المشكلة فى نوع اللمبات اللى فى الفانوس بيسالونى عليها وانا موش عارف الحقيقة ياريت اللى يعرف يشاركنا فى الموضوع
الانواع زى H1 or H4 or H7 زى كدة وهل النور الواطى والعالى كل واحد عايز وحدة زينزن منفصلة؟

السلام عليكم ورحمة الله

كل عام وحضرتك والأسرة الكريمة باتم صحة وعافية ورضا من الله

الحقيقة لي تجربة مع النور الزينون للجميلة BYD

ركبته من حوالي سنة تقريبا من عند محل إبراهيم بشارع دمشق وعلي فكرة هو أخ فاضل وصديق عزيز وجار في نفس الوقت

المهم النور الزينون الذي ركبته عندي علي النور العادي فقط وليس علي العالي لأن العالي صراحة يؤذي السيارات الأخري فضلا عن ندرة إستعماله بل ان العادي ايضا غن لم يتم ضبط مستوي الكشاف يمكن ان يؤذي ايضا عافانا الله وإياكم أن نكون سبب لإيذاء الناس بالطرقات

والميزة بالجميلة BYD أن العادي له لمبة والعالي له لمبة مستقلة أخري أي جهاز مستقل بلمباته لكل نور فيسهل تغير كل علي حدة وإن كنت لا انصح مطلقا بالعالي الزينون

لما اشتريت الجهاز منذ عام كان الموجود فيليبس وأوزرام ودول كانوا غاليين جدا صراحة لم اعيرهم اهتمام ولكن لفت نظي نوع تايواني جميل من نفس الماركة التي تصنع عدادات رياضية للسيارات المسماه Auto-Gage ففضلتها وكان سعرها وقتها 900 جم ضمان شامل لمدة عام علي اللمبات والموديول (وحدة الزينون) وماشاء الله حتي الآن لم يحدث منه اي مشكلة وكان متوفر نوع آخر صيني لا أذكر إسمه وكان منتشر بجميع المحلات وكان بضمان علي الموديول (وحدة الزينون) فقط دون اللمبات بسعر 300 جم وأيضا متوفر نفس النوع لكن بدون ضمان علي أي شيء ب 150 جم

ومنذ اسبوع وجدت عنده عرض علي أجهزة زينون صيني إستيراد خاص له بالضمان بسعر 275 جم وفي رأيي أنها جيدة طالما يضمنها لأنه يسافر للصين بنفسه ويحدد مواصفات الجهاز من المصنع وهو يتمسك بجودة الموديول ( وحدة الزينون) لأنها إذا كانت رديئة تكون سبب أي عطل

والنوع الذي يركب في الجميلة BYD هو H7















خالص تحياتي

كل وانتم بخير وتقبل الله منا ومنكم صالح الاعمال فى الشهر الكريم وربنا يبارك فى حضرتك
جزاك الله كل خير على ردك الجميل وشرحك الوافى والله كده انا هاغير رايى وموش هاشترى الا لما انزل مصر
حقيقة انا بالفعل كنت تعرفت على موقع متخصص فى كماليات السيارات فى الصين وتحدثت مع المسؤل عن المبيعات وقد احالنى على هذا الموقع الاخ طه اللى كنت حدثتكم عنه والذى يدير ورشة للسيارات فى مكة وقد رشحت له سيارتنا الجميلة بى واى دى ليشتريها فى مصر والذى اثنى عليها جدا وفوجئت به فى يوم بيكلمنى انه اشترى دى فى دى خاص بالسيارة عن طريق الصين ووصله بالبريد الدولى دى اتش ال والحقيقة الجهاز جميل جدا ومتكامل بالجى بى اس وتلفزيون وفتحات يو اس بى واى بود وميمورى كارد فالمهم انا اشتريت جهاز ايضا وهو الان وصل الرياض وغالبا هاستلمه على يوم السبت ان شاء الله واشتريت معاه حساسات ركن وكاميرا وكنت ناوى اصوره واعمل لكم بيه موضوع حلو واذكر اسم الشركة ومسؤل المبيعات بس يوصل الاول وكده انا ضيعت عليكم وعلى المفاجأة
المهم انا قلت بالمرة اركب نور زينون كمان علشان يبقى كل الكماليات وكنت باتكلم مع اكتر من بائع فى الصين على النت فكان دائما يسالونى على نوع الفيشة وبصراحة انا موش عارف وحاولت ادور فى المانيوال الخاص بالسيارة ففوجئت انه موش موجود على موقع الشركة وبالمناسبة ده موضوع تانى كنت باكلم فيه الاستاذ عماد حبيب النهاردة وهو انه موقع الشركة لايوجد فيه الان الا السيارات الكهربائية بس ومذكور فيه انه الشركة اتوسعت ماشاء الله بشكل مرعب وبالذات بعد ما فتحت فرعها فى امريكا واصبحت رائدة فى مجال الطاقة النظيفة وبالمناسبة انا باتوجس خيفة فى انهم فى المستقبل القريب يمكن يبطلوا ينتجوا سيارات بنزين اصلا وياريت الاستاذ عماد يكتب لنا توضيح فى الموضوع ده
المهم كده الكلام اللى حضرتك ذكرته هيخلينى اغير رايى واركبه فى مصر احسن لان الاولاد معايا فى مكة الان وكنت هارسله مع الدى فى دى يركبوه فى مصر
وانا اليوم دخلت على بعض المواقع الصينية واتاكدت انه النور الواطى h7 والنور العالى h1
المهم ربنا يقدرنى اجهز لكم الاسبوع القادم موضوع الدى فى دى والباركنج سنسور والكاميرا
بالمناسبة ياترى فانوس نور الشبورة الامامى متوفر الان ولا لأ لانه متوفر باحد المواقع الصينية بالشحن حوالى 40 دولار؟
تقبلوا تحياتى

ألف مليون مبروك عليك الكماليات الرائعة

وللأسف حتي الان بمصر لا يوجد أحد يبيع نور شبورة كويس للجميلة byd

وفي إنتظار موضوع الـ dvd بشدة خاصة السعر والجودة لأني متشوق له وعاوز أركبه منذ زمن


تحياتي

والله الحمد لله انا استلمته اليوم من مندوب ال dhl وان شاء الله هاخد شوية صور كدة للكماليات دى واعملكم بيها موضوع كويس
بس فرصة كام يوم كدة لانى مشغول شوية ورمضان كل سنة وانتم طيبين