طلب : رابطه اعضاء فولكس

**Mahmoudyoussif** · 18-08-2011 12:39 PM

يا جماعه انا بخش الفروع التانيه زي نيسان او هوندا

بلاقي روابط ليهو و احيانا ستيكرات انا هنا في المنتدى داخل على سنه

و ما شوفتش مقابله لاي حد معاه فولكس خالص

عايزين نعمل رابطه و تبقى في مقابلت بصفه شبه دوريه و الاعلان عنها هنا في المنتدى

عشان نقدر نفيد بعض و نتبادل الخبرات ... مستني رأيكو

**M.Mostafa80** · 18-08-2011 01:17 PM

كان فى يامحمود رابطه كنا عاملنها لمحبى البولو
وكنا بنتقابل ربنا يمسيه بالخير المهندس أسامه موسى ومحمد هلال اللى هو سناك سون 2 ومحمد مصطفى اللى هو أوريجينال وكان فى ناس تانيه معانا كمان بس للأسف المهندس اسامه مابقاش يشارك من ساعة محصلت شوية مناوشات كدا وهلال باع العربيه وراح قسم ابيزا واوريجنال بردو ما بقاش يشارك
عمتا شد حيلك وتبقى انت مؤسس الرابطه وانا عن نفسى مش هتاخر عنكم مع انى بعت البولو وبقيت راكب كورى فا مبقتش قد المقام والمفروض انى مشاركش معاكم لأنى مش فاهم وفتاى على رأى عضو معنا هنا اسمه تيرز

**Mahmoudyoussif** · 18-08-2011 02:21 PM

وللهي يا محمد من ساعه ما دخلت منتدى فولكس و انا بشوفك انت

بترد على الناس في استفسار ... و انا اصلا راجعت مشاكلك القديمه لقيتك كنت بتسأل برده

لغايه اما حاولت تعرف الاعطال و فدت ناس كتير مننا فعلا ... فااللي انا عايزه ان احنا تكون لينا رابطه ونتجمع

كل شويه و نتبادل المعلومات في المنتدى ... اصلا منتدى فولكس بخش عليه بحس ان القسم نايم اصلا ...

و انت اللي معاك كوري داخل بتفيد الناس اكتر من اللي معاهم الماني و في المنتدى ... الغرض وللهي اني اتعرف

على شخصيه محترمه زي سيادتك و ناس تانيه كتير ... انا صاحبي اصلا اشترى بولو بسببي فكده احنا ظالمين العربيه

دي كتير لو عملنا رابطه لبولو و لبيتلز و الجيتا مش هنخلص نخليها رابطه اعضاء فولكس من كل الموديلات

و نحاول ننشط القسم دا تاني ... و انا برد باللي اقدرت افهمه في العربيه في الفتره اللي انا شاريها فيه

**M.Mostafa80** · 18-08-2011 02:29 PM

وهو دا الغرض من موضوعى والله

**Mahmoudyoussif** · 18-08-2011 02:33 PM

المشكله اني داخل على جواز الشهر الجاي بس نبتدي نزرع بذره كده ان شاء الله

و الموضوع مفتوح للاقتراحات

**mera11** · 19-08-2011 03:44 PM

أسف على التطفل بس المقابلات دى إحنا بنعملها فى قسم الأوبل بتكون مفيدة جدا وكمان عندنا دليل أرقام تليفونات الأعضاء عشان التعارف وانك تستنجد بأى عضو فى أى وقت بنصحكوا تعملوا كده

**Mahmoudyoussif** · 20-08-2011 12:23 AM

المشاركة الأصلية كتبت بواسطة mera11

أسف على التطفل بس المقابلات دى إحنا بنعملها فى قسم الأوبل بتكون مفيدة جدا وكمان عندنا دليل أرقام تليفونات الأعضاء عشان التعارف وانك تستنجد بأى عضو فى أى وقت بنصحكوا تعملوا كده

يا باش و لا تطفل و لا حاجه كله الماني

يا ريت الناس هنا يقتنعوا بكده ولا قدر الله لوحد حصله حاجه بالعربيه و قريب من مكان حد

من الاعضاء يقدر ينجده ... خصوصا في الايام دي ... و نقدر نتبادل الخبرات ونفيد بعض

**M.Mostafa80** · 20-08-2011 04:26 AM

انا معنديش اى مانع فى مساعدة حد وكدا كدا سايب رقم موبايلى فى الصفحه الشخصيه بتاعتى

**SYD** · 20-08-2011 04:34 PM

حضرتك بتشتكي ان القسم عندكوا نايم
امال لو دخلت عندنا في السيات هتعمل ايه ؟؟؟ هتغطينا وتطفي علينا النور
انا ممكن عندنا اكتب موضوع والاقي الرد عليه بعد يومين
كتر الف خيره المهندس ايهاب منصور هو الوحيد الي بيرد وكمان الأستاذ أحمد مبارك والأتنين قابلتهم وناس زي الفل

وعندك المهندس محمد مصطفي كتر الف خيره راجل محترم وخدوم وكله زوق وواجب

انا اضم صوتي لصوتك ونعمل رابطة فولكس جروب للسيارات المتاشبهة (بولو وابيزا وجولف)
البورا والأوكتافيا والتوليدو

وهكذا

انا معاكم

والله المستعان
،
،