عرض للطباعة
السلام عليكم يا شباب
إن شاء الله انا بشتري ميجان مستعملة.. و بلاقي ساعات عربيات مشية قليل 40 و 60 و 80 و متهانة
و مش بحب افتي بس من قعدتي في الصالون بحس إن العربية دي مشية كتير من زي العداد
المهم... في ال بي ام انا كنت بعرف اطلع الماتور ماشي كام من غير ماحطها على كمبيوتر الكشف (ده غير الرقم إلي في العداد).. والرقم ده ماكنشي فيه حد يعرف يلعب فيه
حد يقدر يقولي ايه نظام الميجان؟ هل ممكن اعرف الماتور ماشي قد ايه منغير ما حطها على جهاز؟
وهل الرقم ده بيتلعب فيه؟
شكرا مقدما يا شباب
ايوة خلى باللك بيشتروا امبيرات ماشية قليلة ويركبوا ...... اهم حاجة حالة العربية واكشف عليها وتكون عدد الكيلو مترات متوافق مع الحالة العامة
لاء مش فاهم؟
يعني البوردة بتاعة الماتور مش عليها عدد الكيلوامترات؟؟؟
دي في البي ام من 80 موجوده!!
رجاء توضيح كيفية اللعب فى الكيلو مترى
لانة ديجيتال
وانا حاسس انة بيكون فى عربيات كتيرة حالتها متبهدلة ولكن بتكون عاملة 20 الف بس
طب ازاى؟؟؟؟؟؟؟؟؟؟؟
بيتغير طقم العدادات من الحرفيين بأقل من 1000 جم بطقم عادد كيلو قليل.
الطريقة اللى ممكن تعرف بيها الكلام ده هى التوكيل.
عن طريق سجل الصيانة بتاعها......أمتى عملت صيانة كام.
يعنى تكون قدامك عربية عدادها 45 ألف و تروح التوكيل تكشف تلاقيها كانت عاملة صيانة 40 ألف ( أو أعلى ) من سنتين تلاتة مثلاً.
لو صاحب العربية مرضاش يكشف فى التوكيل سيبك منها لأنه غالباً هيكون فيها إن.
نفكر سوا بالمنطق
عربية حوضها او صالونها متهان وعاملة كيلو قليل
هل ده منطقى
طبعا لا
يببقى الكيلو عالى
وغير كدة
لو الكيلو قليل ومتهانة
فيه اهانة وبهدلة بتيجى مع الاستعمال
يعنى تقشير الطارة
مسح الكتابة من دراع النور ولا المساحات
ده مع الاستعمال
غير كدة
عربية متهانة يبقى غالبا صاحبها مهمل فيها
يبقى هتلاقى بلاوى فى الكهربا والميكانيكا
+111111111111اقتباس:
المشاركة الأصلية كتبت بواسطة a.saad
ونصيحة اللى ما تستريحلوش بلاش منه علشان هتبقى مش مستريع على طول
انا نزلت سوق السيارات الاسبوع اللى فات وركبت حوالى 8 سيارات ميجان
اعلى واحده كانت عامله 90 الف وكانت انضف منهم
الباقى كله عامله 40-50 -60 الف
و كلهم والله بلا استثناء
الدركسيون مقشر
الباب مقشر جاااااااااااااااامد
دا انا عربيتى الادا اللى بايعها موديل 1989 الباب وفرش العربيه اللى يشوفه يقول عربيه موديل السنه من كتر ما انا محافظ الحمد لله عليه