-
المجانيين و السقف
مالهاش حل تانى
ده اكيد مجنون او مجانيين
النهارده الصبح رايح اركب العربية و طبعا مش شايف ادامى و النضاره الشمس عاملة عازل جميل و مخلية الواحد كانه لسه على السرير و نايم
مسكت المفتاح و بافتح المراية ...ايه ده ؟!!!
ايه اثار الجزم اللى على الكابوت دى ؟؟؟
ايه التطبيقات اللى فى الكالبوت دى كلها
لا حول و لا قوة الا بالله
ايه ده كمان ؟
ده السقف كمان رايح فى داهية زى ما يكون فى شهاب او نيزك نزل على سقف العربية
منحدر جامد و تطبيقات فى الجزء الامامى كله من السقف
خبطة يمين و خبطة شمال و بووم حتة اتعدلت و بوكسين من جوه حتة تانية اتعدلت بس لسه فاضل 3 تطبيقات مش بيتعدلوا عايزين سمكرى
و قبل السمكرى سروجى علشان يفك الفرش بتاع السقف
و القوايم اللى نازلة مع الزاز فيها air bags
فطبعا مشكلة
حد عنده فكرة ازاى اعمل الموضوع ده ؟؟
-
حسبنا الله ونعم الوكيل
متهيألى هتضطر تسيبها
اللعب فى السقف والقوائم مش سهل
فيه مرة ولد متخلف فى ثانوية عامة وزى العجل
لاقيته بيجرى من زميله وبيطلع على الكابوت
ربنا ياخده
والله كان نفسى اقتله
-
-
باشا فى ناس قذرة بتعمل كده فعلا او عيال فى الشارع ده الطبيعى فى مصر
احسنلك بقا تحاول تفك الفرش بتاع السقف من جواه وتعدل فية واحدة واحدة بشاكوش مثلا او بايدك
والكبوت بيطرد من جواه افتحوه واضرب علية بجنب شاكوش حيتعدل بدل التكاليف عالفاضى علشان ناس ........ ولا بلاش علشان احنا فى رمضان اصل القصة دى قبل كده حصلت معايا وكلفتنى 100 جنية عالفاضى
-
عندك حلين فك الفرش ومتخفش من الإيرباج
الحل التاني مكن الشفط الي بيشدوا بيه الصاج بس المشكله مش هتلاقي حد عنده بسهولة
الكبوت فك البطانه وردها بنفسك
وربنا ينتقم من ولاد ........ دول
-
انا عملت اللى افدر عليه
الباقى كله عايز سمكرى
الحمد لله على كل شيى
-
حسبي الله و نعم الوكيل نفس اللي حصل معايا بس كان واحد رمي كيس زبالة من البلكونة
ربنا يصبرنا جميعا انا اكتفيت اني ارده بااكام بوكس زي حالاتك و خفت بصراحة من حتة السروجي اللي هايفك, خاليها كدة اهي تاخد العين
وااا في يوم تاني نزلت لقيت غطا ااعربية كلب جايبه من عند الكبوت تشريح و معلم علي الكبوت لوحة سريالية.
-
حسبى الله ونعم الوكيل
انا لو منك بجد كنت كهربت السقف عشان التييييت ده لو جيه تانى يتكهرب
بالنسبة لمكنة الشفط موجودة هنا فى الحرفيين فى ورشة المنتدى بس بدائية شوية عشان بيلحم المكنة فى الصاج وبعدين يشفط وبعد كده بيكحت مكان اللحام
طبعا الكلام ده لو انت ها ترش لكن فى حالتك محتاج سروجى ابن حلال وفاهم فى شغله يفكلك فرش السقف وترد السقف على البارد
وبالنسبة للاير باجز شيل كابلات البطارية وبكده مش ها يكون فيه باور واصل للاير باجز عشان تفتح لو حست باى اهتزازات من الدق
-
حسبنا الله ونعم الوكيل انا حصل معايا نفس الموقف في السقف بس كان من كلب لاني لاقيت عضمة كبيرة محطوطة على السقف وبرضة كام بوكس اتعدل جزء وجزء مارضيش يتعدل وسبتة لحد دلوقتي
-
شكلى حاسيبه فعلا
انا كل ما اعمل حاجة حاجة تانية تبوظ
Content Relevant URLs by
vBSEO 3.6.0 PL2