جميع انوار التابلوه اختفت
احكيلكم علي حاجه يمكن تحصلكم وتعرفوا حلها البسيط
تابلوه العربيه عندي ديجيتال .. وكنت في الساحل الشمالي وفجأه لقيت جميع انوار التابلوه طفت والعربيه ماشيه طبيعي .
رحت لكهربائي من بتوع الساحل وهما هناك مستواهم تعبان .. قعد يفتح غطا الموتور ويوطي تحت الدريكسيون وفي الأخر قالي عندك وقت ..ليه يا سيدنا ..قالي هنفك التابلوه ..قلتلوا ده انت لو فكيت التابلوه مهتعرفش تركبه تاني .. خدت العربيه وقعدت بيها اربع ايام عايش معاها زي الاعمي مش عارف ماشي علي سرعة كام وكل شويه اخش املي بنزين واشوف قربه الميه ...الخ
نزلت مصر ورحت لكهربائي فاهم في شغل الكومبيوتر بس عيبه انه عايز ياخد اللي في جيبك كله
بمنتهي البساطه شال كابل البطاريه ورجعه تاني فعمل Reset للكومبيوتر وكل حاجه رجعت تنور .
باحكي الحكايه ربما واحد يستفيد .