الموضوع: كهربة العربية حتجننى!!

فى راى ان الدينمو سليم مفهوش حاجة بدليل انك بتقول اخر مرة قعدت من 15 الى 20 يوم شغاله يعنى لو الدينمو بايظ كانت البطاريه نامت على طول لكن من الواضح عندك ان فى تسريب كهربا كانك على سبيل المثال نسيت لمبه الصالون منورة فلما بتركنها بتقعد تسحب من البطاريه لغايه لما البطارية تنام

يبقى انا كدة استثنى الدينامو من الموضوع و احصر المشكلة فى حاجة من دول:

1- يكون فيه ماس و يكون بيسحب كهربة العربية زى ما elewey قال و (ده احتمال كبير).

2- كتاوت شحن الدينامو زى ما Elawany قال و (ده احتمال مكنش فى دماغى خالص).

3- بقى قالهولى واحد صاحبى و لفت نظرى ليه برضه و هو أنى كابلات البطارية تكون بتهرب الشحن و قال لى لو غلبت غير كابلات البطارية و شوف فهل الكلام ده ممكن يكون صح؟

و لو حبيت اشترى كابلات (وصلة مش للبطارية) عشان تكون معايا احتياطى لو احتجت اعمل وصلة فى نوع معين من الكابلات؟؟!! لانى قبل كدة جبت كابلات طلعت بايظة.

و الف شكر لاهتمامكم و ردكم الجميل.

كابلات البطارية نوع بـ 70 و نوع تانى بـ 85
ليييييييه؟؟!!

هو كان حابب ينصب عليا و لا دى الاسعار الفعلية؟؟
و منين اجيب كابلات توصيلة ارخص من كدة؟؟
و سؤال اخير معلش انا عندى كابلات مش بتوصل كويس هل ليها حل؟؟!!

المشاركة الأصلية كتبت بواسطة SAMER_ENGINES

من فترة نزلت أخد العربية لقيت البطارية نامت لا ماتت !!
و كنت كتبت تفاصيل اللى حصل فى موضوع قديم..
و ارجوكم تستحملونى شوية لانى مش عارف في ايه!!
اتكلت على الله و جبت بطارية كلورايد 55 امبير.
و كانت شغالة كويس لمدة شهرين تقريباً و العربية اتركنت 3 / 4 ايام و نزلت ادورها لقيتها بتعتل و البطارية ضعيفة و ولاد الحلال زقونى و دارت العربية و رحت لبتاع البطاريات قال لى المية سقطت يا بيه قلت له يعنى ايه ؟
راح ملمس القطب الموجب فى صباع البطارية الموجب و راح مورينى انى فيه زى شرز كدة و قال لى العربية كدة فيها ماس قلت له و بعدين قال لى تروح لكهربائى يشوف الماس منين و يعمله و تيجى اغير لك المية و واحد صاحبى قال لى لحد ما تروح للكهربائى ابقى بعد ما تركن افصل كابل البطارية و فعلا بقيت اعمل كدة.
و رحت بالعربية مشوار و مغبتش اكتر من نص ساعة و كنت فاصل الكابل و رجعت لقيت البطارية فى الباى باى و كان يوم حد و قعدت الف حوالين نفسى لحد ما لقيت كهربائى راح منضف الاواطيش و صوابع البطارية و دور العربية العربية دارت و قال العربية مفيهاش حاجة متشيلش و لا تحط كابل و امشى بيها زى ما هى كدة و فعلا عملت بنصيحته و العربية قعدت بعدها حوالى 15 / 20 يوم كويسة اوى و بعدين بعد ما اتركنت 5 ايام تقريبا و النهاردة بالتحديد رجعت من الشغل قلت ادورها شوية لقيت العربية بتعتل و مش عايزة تدور فياريت حد يقول لى العيب كدة من ايه بالظبط؟؟!!
هل العربية فيها ماس؟
و لا البطارية فيها مشكلة؟
و لا الدينامو و لو انى الدينامو بيشحن؟
اللى يعرف الاجابة الصحيحة يرد عليا لأنى خارج مشوار بيها بكرة و مش عارف اعمل ايه ؟!

السلام عليكم
نبدأ بسم الله الرحمن الرحيم

أول اختبار هو Charging voltage test و ده اللي هنعرف بيه إذا كان في عيب الدينامو أو منظم جهد الدينامو (الكتاوت)..... و أنا شخصيا بستبعد الاحتمال ده تماماً

تاني اختبار اسمه Parasitic load test و ده اللي هنعرف نه العطل في أنهي دايرة بالضبط
و بمجرد ما نعرف الدايرة اللي بتسحب كهربا زيادة نبدأ نمشي وراها سلكة سلكة و لمبة لمبة و زنجة زنجة
بس ماقدرش أوعد حضرتك أخدمك في رمضان أو العيد بس حبيت أعرف حضرتك اللي هيتعمل بالذات إن عربية حضرتك لادا و أنا ماظنش اني هعرف أشتغل فيها

و الله أعلم
في رعاية الله

الف الف شكر للاهتمام ده و انا اسف للتأخر فى الرد لكن المنتدى مكنش بيفتح عندى..
و المشكلة طلعت من الكاسيت لما فصلته بقت العربية عادية جدا و دلوقتى انا فاصل سلكة الارضى و لما بنزل بوصل السلكة فى اى حاجة معدن و اشغل الكاسيت الموضوع ممل بس احسن ما البطارية تنام او اعمل الكاسيت على الكونتاكت و فى الحالة دى لو عايز اشغل الكاسيت و انا واقف لازم اشغل العربية و حاجة كمان بفكر اعمل زرار للكاسيت بنفسى.
و شاكر جدا اهتمامكم.