لو حبيت افتح دفتر توفير يا جماعة ايه احسن واضمن بنك يكون بيدى اعلى فائدة وايه رايكم فى البوسطة ...
لو حبيت افتح دفتر توفير يا جماعة ايه احسن واضمن بنك يكون بيدى اعلى فائدة وايه رايكم فى البوسطة ...
البوسطة افضل فى العائد من البنوك
كام فوائد البوسطة حاليا ..
9
او تزيد قليلا
السلام عليكم و رحمة الله و بركاته
طاب و هو عموما, أنهى أفضل بنك من ناحية الفوائد بصرف النظر عن الحلال و الحرام عشان ما ندخلش فى جدل يبعد عن صلب الموضوع, اللى أنا أعرفه هو البنك العربى الأفريقى اللى بيعمل شهادات الأميرالد تقريبا, لأنى بتعامل مع المصرف المتحد و بصراحة حاسس أن فوايده أقل من الباقيين و بيزود الفوايد بالتييييييييييييلة زى ماحصل فى الفترة الأخيرة لما كل البنوك زودت الفوايد و عملت اعلانات فى الجرايد و المصرف المتحد زودها حاااااااااااااااجة بسيييييييييييطة أوى و محسسنا أنه بيعمل جمايل, ده غير أن الموظفين بتوع فرع المنصورة الاسلامى شغالين زى ما يكونوا موظفين حكومة مثبتين (مش مؤقتين) مش هاممهم أن الشغل يمشى و لا لأ و كأنهم موظفين فى السجل المدنى و العملاء دول محروقين بجاز و رضا العميل مش فى الاعتبار خااااااااااااااالص.
ده, أنا مرة رحت أسحب فلوس و كان السيستم واقع و قلت للموظفة, ماتدينى الكام ألف اللى أنا عايزهم و أنا حسابى يغطيهم بزيادة أوى, قالتلى ازاى يا أستاذ !!!!!!!!!!!, مش أشوف حسابك فيه و لا لأ, قلتلها ماااااااااااااااااشى, عندك حق و الله فعلا, رغم أن حسابى فيه كتير لدرجة أن البنك عملى ماستر كارد بسقف عالى أوى من غير ما أقوله :_Alshmokh11:, المهم , يشاء السميع العليم, أن السيستم يرجع و الست تفتح حسابى و تلاقى فيه اللى يغطى و قام السستم واقع تانى, قلتلها, ياللا بأه يا ست الكل, ادينى الفلوس, قالتلى السيستم وقع تاى, قلتلها, طاب, ماهو جه و أنتى فتحتى حسابى و عرفتى فيه اللى يغطى اللى أنا هسحبه, ادينى اللى أنا عايزه و لما ييجى السيستم, ابقى خلصى الورق بتاعك بعدين, و دى دماغها و ميه صرمة قديمة, ماتعملش حاجة الا فى وجود سيادة حضرة جناب السيستم.
و موظفين تانيين يمشوا اللى يعرفوه و حبايبهم من غير الدور, كما لو أن بقيت الناس التانية دى بيروحوا البنك ياخدوا منهم معونة.
تحس أن البنك رغم أنه كبير و البنك المركزى شريك فيه, الا أنه مش محترم بالمستوى المطلوب.
سؤالين في واحد:
ايه اكتر بنك بيدي فائدة؟
و ايه اكتر بنك بيدخل النار ؟ (الا ان يشاء الله)
اخي: سألت عن حكم الفائدة الاول؟!
والاخوة الافاضل اللى بيساعدوا..... هتحملوا نفسكم نفس الوزر
ولا ناوين تدخلوا في حرب مع الله ورسوله
السلام عليكم و رحمة الله و بركاته
أنا سمعت أن بنك أبوظبى الوطنى بيدى 11%, حد يعرف بنوك تانية ؟؟؟؟
شكرا و جزاكم الله كل خير.