أخر تعاليم المصريين للسعوديين
طبعا معظمنا سمعوا عن نظام ساهر في السعوديه والي مش عارفة شرح بسيط كده
هو نظام مخالفات في السعوديه بس بينفخ الناس تلاقي عربيه مرميه جمب الطريق وإنت معدي كاسر سرعة تتصور بتنقل حارة ومش مشغل إشاره تتصور ماشي بليل وقافل نور تتصور :_Alshmokh11:
غير كميرات الإشارات كسرت إشاره تتصور وهكذا من الأخر هتتنفخ هتتنفخ ومبيفهمش تتخالف وتتسجل في ملف ففي ساعتها وكمان تجيلك المخالفة على الموبيل في أقل من ٥د :unhappy:
والمخالفة لو مدفعتش في أقل من شهر بتتضاعف كل شهر يعني لو مخالفة ٥٠ ريال أول ما رخصت سبتها ٣ سنين على ما تجدد الرخصة تلاقيها بقت ١٨٠٠ ريال!!!:fun_broken:
المهم ماشي النهارده على الهاي واي ولأول مرة في حياتي في السعوديه (١٥ سنة) ألاقي الطريق الناحيه التانيه بيقلبوا نور قولت عادي بيعدي فبيقلبوا نور عشان الي قدامهم يوسعوا ومرة واحده كل طريقي منور الإنتظار ومهدي ماشيين ١٠٠ والطريق رسمي ١٢٠ وأنا مش فاهم ده إيه ولقيت العربيه راكنة في اليمين وعربيه طايره من جمبي الفلاش ضرب بتاع ٣ او ٤ مرات البيه إتلقط والذ حاجة في النظام ده بيصور العربيه من قدام وورا وبيصور السواق بورتريه وبروفيل عشان متقلش مش أنا :camera:
الي موتني من الضحك إنهم إتعلموا ينبهوا بعض زي المصريين
وإفتكرت واحد كان قالي زمان السعوديين عشان محترميين مبينبيهوش بعض على الردارات :B4_556:
والنظام بتاع المخالفات ده لو إتطبق في مصر هيلم الدنيا قوي لإن مش هتعرف تنقل حارة غير بإشارة ومش هتعرف تكسر على حد ولا ترمي من الحارة الي في النص على الملف في أخر لحظة :rolleyes: