لانوس 2012

**zaraawad** · 19-08-2011 09:56 AM

شكرااااا جداا ربنا يكرمكم ادعولى ربنا يدينا خيرها ويكفينى شرها انا توكلت على الله ربنا يعمل لى اللى فيه الخير ان شاء الله

**shaddadfalcon1** · 19-08-2011 11:41 AM

لو العربيه عاجباك يبقي اتوكل علي الله ومتسمعش كلام حد
مفيش عربيه كامله من كل حاجه وكل عربيه علي قد تمنها وطالما بتدور علي عربيه اعتماديه ومفيهاش مشاكل كتيير ورخص قطع غيار وصيانه يبقي اكيد لانوس
الفيرنا حلوه بس انا برده سمعت كلام عليها وموضوع فراملها كمان مقلق
اللوجان برده جمليه بس طالما قطع الغيار فارقه معاك يبقي بلاش منها

**aboomar22** · 19-08-2011 02:10 PM

بصراحة انا مش شايف فرق بين اللانوس والفيرنا انا ركبت الاثنين يمكن الفيرنا سحبها احسن وتكيفها احسن لكن اللانوس ثباتها اعلى وبعتبر شكلها احسن عن نفسى بحب اللانوس ربنا يديكى حيرها ويكفيكى شرها

**mero100** · 19-08-2011 02:51 PM

اللانوس اختيار موفق ...مقارنه بالفيرنا و اللوجان ....أهم حاجة معرفتيش ايه هيه الكماليات الجديده اللي فيها اللي بيعلنوا عنها ؟؟

**hazemhassan** · 19-08-2011 02:55 PM

اختيار موفق ربنا يباركلك فيها ويكفيكى شرها
وبالنسبة للكماليات الجديدة
اريال مدمج الزجاج الخلفى وزجاج حرارى فى الفئتين اما الفل بيبقى فيها فامية خلفى زاى الكارنز

**raedegypt** · 19-08-2011 03:03 PM

لانوس ايه ال افضل من الفيرنا؟؟؟ الماكينه 1600 سى سى اعلى . مكيف اللانوس ضعيف واركب الاتنين وجرب على فكرة ماتاخد الكلام وخلصنا. اركب الاتنين واقفين تحت الشمس وشغل وانت واقف وشوف الفرق واتحداك . الفيرنا ممكن تجنط كروم مع لون اسود ولا فيرانى وكماليات بتخلى شكلها احلى بعكس اللانوس لايقبل جنوط ولا اى كماليات مش ماشى عليها وممكن الابيض مع سقف استيكر اسود وجنوط واتفرج . وبعدين عندك الاتوماتيك افضل لك من الهم دة كله والمانيوال فى الزحمه وانت قرر واحنا بنتكلم عن عربيه ماليه الشوارع مش حاجه مش معروفه

**د.محمد الغمازى** · 19-08-2011 04:07 PM

دايو لانوس اعتماديه اكثر من الفيرنا لاتترددى

**mahmoudysf** · 19-08-2011 04:28 PM

مبروك مقدما وان شاء الله هترتاحي مع اللانوس

**shaddadfalcon1** · 19-08-2011 09:02 PM

المشاركة الأصلية كتبت بواسطة raedegypt

لانوس ايه ال افضل من الفيرنا؟؟؟ الماكينه 1600 سى سى اعلى . مكيف اللانوس ضعيف واركب الاتنين وجرب على فكرة ماتاخد الكلام وخلصنا. اركب الاتنين واقفين تحت الشمس وشغل وانت واقف وشوف الفرق واتحداك . الفيرنا ممكن تجنط كروم مع لون اسود ولا فيرانى وكماليات بتخلى شكلها احلى بعكس اللانوس لايقبل جنوط ولا اى كماليات مش ماشى عليها وممكن الابيض مع سقف استيكر اسود وجنوط واتفرج . وبعدين عندك الاتوماتيك افضل لك من الهم دة كله والمانيوال فى الزحمه وانت قرر واحنا بنتكلم عن عربيه ماليه الشوارع مش حاجه مش معروفه

مين بس اللي قال ان تكييف اللانوس ضعيف؟
ومين قال ان اللانوس شكلها مش بيتظبط ؟ دي اقل حاجه بتبان فيها ياراجل

عموما القرار لصاحب الموضوع وربنا يوفقه ويباركله في اي حاجه هيجيبها