-
شممت رااااائحة الموت
طول عمري اسمع تعبير "رائحة الموت"
اول مرة في حياتي اعرف التعبير ده علي حقيقته
واتأكد انه واقع مش خيال
لما شميت فعلا رااااااائحة الموت
انهارده كان بيني وبين عزرائيل مسافة كده زي اللي بيني وبين الكيبورد اللي بكتب عليه
عملت حادثة بالعربية
بس مدمرة احكيلكو الحكاية عشان غيري بس ياخد حذره
كنت مسافر علي الطريق الصحراوي الغربي بتاع الصعيد
طريق حلو ومغري
بس فيه شوية ملفات بنت تييييييييييييييييت
اموت واشوف المهندس اللي صمم الطريق ده وخططه
مش ممكن
منحنيات عمري ما شفتها
المهم كنت مستعجل شوية وساحب بالعربية
واذا بي الاقي منحني غريييييييييب
حاولت اهدي كان الوقت فات فاخذته بسرعتي خوفا من انقلاب العربية
واذا بي افقد السيطرة علي العربية وتعوم مني وتروح يمين وشمال
وترلات يا معلم جايه ورايحة
وبعدين طاااااااااااااارت العربية في الهوا زي الطياره
في علي جانبي الطريق منحدر بسيط
ارض رملية وصخور بس منخفضة عن ارض الطريق
طارت العربية ونزلت في المنحدر ومعرفش ايه اللي حصل لها قعدت تلف حوالين نفسها زي العربية اللعبة
في اللحظة دي انا فعلا شميت راااااااااائحة الموت
مش عارف اوصف الاحساس اللي كنت فيه
المهم حسيت فعلا بالدم بيطلع في دماغي او في انفي حاجة كده اول مرة حتي اسمع عنها
قعدت العربية تلف بفعل السرعة وانا بحاول اسيطر عليه عن طريق امساكي بالدريكسيون بشدة
لكن مفيش فايدة لحد ما دخلت العربية في تبة كده فيها شوية حجارة طلعت فوقيها ونزلت واقفة علي الارض
المهم خدت شوية كده معرفش رحت فيهم فين وبعدين فقت
لاقيت دراعي بينزف وجسمي كله بيوجعني - كدمات في صدري وظهري ورجليا
لكن الحمد لله مفيش اكتر من كده
والسبب اني كنت لابس الحزام
اللي لولا لطف ربنا ورحمته اللي جعله سبب في نجاتي من الموقف ده
من الموقف ده بصراحة انصح اي حد مسافر بحاجتين
اولا حزام الامااااااااااااااان ... فعلا لولا لطف ربنا وانه جعل الحزام سببا في نجاتي كان زمانهم صلوا عليه بعد العصر انهارده
ثانيا ايك ثم اياك ثم اياك والسرعة .. اوعي يغرك طريق او عربية او اي حاجة
الحمد لله
وربنا يسلم طريقنا ويكفينا شر الطريق
ااااااااااامين
-
الحمد لله علي نجاتك من الحادث
السرعه مالهاش كبير
الحادث كان با الادا ولا الاوبترا
-
انت عملت الحادث فين بالضبط انا بمشي علي الطريق الصحراوي الغربي بس اخري عند كمين قصر الباسل
والف سلامة ليك
-
-
-
الله يسلمكو يا جماعة
ربنا يخليكو وما يكتيها علي حد
الحادثة كانت بالاوبترا يا hugan
الحمد لله
قدر الله وما شاء فعل
قضاء اخف من قضاء
لو كان انا اللي حصلي حاجة مكنش هينفعني ولا الف عربية
الحمد لله
والله يا جماعة دي بتبقي رسائل من رب العالمين
انا من فترة كنت هعمل حاجثة برضه بنفس العربية بسبب الموبايل
ويومها كمان مكنتش رابط الحزام
يعني الغلطة بفورة
بس ربنا وحده ولسبب لا اعلمه ومش بمجهود ولا خبرة مني
اتعدلت العربية ومشيت لوحدها
لكن الظاهر ان المرة دي ربنا حب يفوق الواحد
ويقوله ان كفاية استهتار كده
المرة اللي فاتت رحمتك ورأفت بيك
خد المرة دي قرصة ودن
وان شااااااااااء الله باذن واحد احد
ميكنش فيه مرة تالته
حتي لو حصلت اني مسافرش بعربيات من اصله
الحمد لله الف مرة
-
الف الحمد لله علي سلامتك
و قدر و لطف
و احترمت انك كنت رابط الحزام و معترف بفائدته
و شوف بقي لو كانت عربيتك مجهزه ب esp و ebd وايرباجز اعتقد ان احتمالات تفاديك للحادث كان هيبقي اعلي و اصاباتك اقل لكن قدر الله و ما شاء فعل
و انا اسف اني بخرج عن الموضوع بس حبيت استغل الفرصه و انبه علي اهميه عوامل السلامه و اللي ناس كتيره للاسف بتتفق مع التوكيلات انها كماليات
-
الحمد لله انك بخير وفعلا قدر ولطف
هي بتبقى لحظة شيطان و تلاقي الواحد بيجري وخلاص بس الحمد لله على كل حال
-
اللهم لك الف حمد و شكر علي سلامة حضرتك
و ربنا يكتب لك السلامة دائما بأذن الله
م.حاتم السباعي
-
سلامتك
و ده درس لكل واحد مخنوق من الحزام و بيتضايق منه و يقول لك كبر ........ الحادثة بتحصل في ثانية ...... و فعلا الحزام في اوقات كتير بيبقى الفارق بين الحياة و الموت - او اسوا - السلامة او العجز ......
ربنا يحمينا جميعا
Content Relevant URLs by
vBSEO 3.6.0 PL2