بطارية ولا دينمو

**mhbcas** · 19-08-2011 03:12 AM

السلام عليكم
احلى سلام لكل الابولاوية المحترمين
العربية كانت زى الفل ركنتها اسبوع نزلت ادور طبعا مافيش طبيعى
اللى مش طبيعى انى تقريبا كل يوم باخد وصلة علشان ادورها
فى الاول كان كل 3 ايام
وبعدين كل يومين وبعدين كل يوم
واشتريت انذار قلت اروح للكهربائى بقى يركبهولى وبالمرة يشوفلى البطارية
قاسلى البطارية قالى البطارية دى خلاص باظت واعد عملى حوار انه حايجبلى بطارية 70 امبير على 450 قلتله نوعها ايه قالى ايطالى
رحت على واحد بيبع بطاريات اسال قالى نوع العربية ايه قلتله اوبل قالى انت ينفع عندك نوعين
نوع اسمه هيلجن المانى ب 550 وفارتا ب 680
وبعدين علشان فى معرفة قالى ابصلك على اللى عندك اول لما شافها قالى هانكوك البطارية دى نوعها حلو اوى
طلعنا وجاب جهاز كبير كده وصله واعدت ادوس بنزين وفى الاخر قالى البطارية دى مستحيل يكون فيها اى حاجه غلط سليمه سليمه سليمه
قلتله امال ايه قالى الدينمو الشحن بتاعه ضعيف
رجعت على الكهربائى فتح وقاس وبنزين واقفل وافتح قالى البطارية بايظه والدينمو حلو
قلت اسال محترفين الاوبل قبل مانزل اتبهدل بكره مع الكهربائية وقبل مادبس فى بطارية

**Mr7mix** · 19-08-2011 04:07 AM

روح لاى حد تانى بتاع بطاريات او كهربائى وقيس شحن الدينامو وانت تتأكد

**zendo** · 19-08-2011 04:57 AM

عاوز تتاكد ان الدينمو شغال كويس ولا لاء اعمل الاتى
- دور العربية
-العربية وهى دايرة افصل الكابلات الموصلة فى البطارية من الطرف الموجب والسالب
- لو العربية فضلت دايرة وشغالة يبقى الدينمو سليم
-لكن لو فصلت يبقى الدينمو فية مشكلة ولو عملت كده غيرله كتاوك دينمو على طول بدون افتكاسات وحوارات كهربائية

**mhbcas** · 19-08-2011 05:58 AM

المشاركة الأصلية كتبت بواسطة mr7mix

روح لاى حد تانى بتاع بطاريات او كهربائى وقيس شحن الدينامو وانت تتأكد

تمام مانا قلت اعمل كده بس بكرة ان شاء الله علشان الساعه كانت دخلت فى 1 وانا كنت فصلت

المشاركة الأصلية كتبت بواسطة zendo

عاوز تتاكد ان الدينمو شغال كويس ولا لاء اعمل الاتى
- دور العربية
-العربية وهى دايرة افصل الكابلات الموصلة فى البطارية من الطرف الموجب والسالب
- لو العربية فضلت دايرة وشغالة يبقى الدينمو سليم
-لكن لو فصلت يبقى الدينمو فية مشكلة ولو عملت كده غيرله كتاوك دينمو على طول بدون افتكاسات وحوارات كهربائية

حلو الكلام يعنى لو مافصلتش العربية يبقى بطارية ولو فصلت يبقى الكلام على دينمو طيب الكتاوت بتاعت الدينمو دى حاتظبط الدنيا ولا على تجربة يعنى ولو كده معلش ممكن اعرف سعرها كام

**magdyelshikh** · 19-08-2011 02:16 PM

عن تجربة 10 مرات كاتوت الدينمو فاشل فاشل فاشل حتى لو اشتريته من التوكيل مفيش غير كاتوت استيراد ومش بيتاع لوحده مع الدينمو يعمل 200 او 250 اقصى حاجة

**mera11** · 19-08-2011 02:59 PM

الدينامو مش غالى لو العيب منه غيره وريح دماغك

**mhbcas** · 19-08-2011 06:50 PM

هى مش موضوع اغيرة ولا اصلحه الموضوع انى اتاكد واعرف المشكلة من ايه بالظبط هل هى بطارية ولا دينمو انا كنت حانزل الف على اكتر من كهربائى بس مش قادر شكلى حاجلها لبكرة
ربنا ييسرها من عنده

**tananybasha** · 19-08-2011 10:54 PM

العيب كان عندى بالتفصيل
حتى البطارية اللى عندى هانكوك 66 امبير
و الكهربائى قاللى كتاوت شحن و البطارية قبلت شحن
بس لسه بيجرب التفريغ
هو هيتصرف فى واحد
و للعلم اتأكدنا من العيب لما فكينا الكابل راحت العربية مبطله

**mhbcas** · 20-08-2011 03:56 AM

طيب انا النهاردة نزلت بدور العربية دارت رحت للكهربائى حسيت انه مش عارف وقالى كتاوت وبعدين قالى شحن الديمنو ضعيف وسيب العربية تبرد
المهم رجعت بعد ساعتين بدور العربية دارت قلت يا سبحان الله
ظبت العربية اؤدام المحل بطل بطلت دور دارت يا سبحان الله بدور على طول اهو
المهم اعد يقيس فى البطارية وموصل سلكين كده على ورا الماتور تقريبا واحد كهربا والتانى ارضى وعمال يجرب
الارقام تقريبا ثابته على الشاشة 13.82 ولما يوصل كهرباء ويذود بنزين تبقى 13.84 او 86 حسيت ان العربية ظابطة ومش متاثرة باللى بيعملة
قالى فى الاخر انت عايز سلكين تقوية ودى حاجه مش حاتسبب ضرر وبعد كده نشوف لو فى حاجه تانية
فانتم ايه رايكم؟؟؟؟

الموضوع: بطارية ولا دينمو

LinkBack

أدوات الموضوع

عرض

بطارية ولا دينمو - انشر الموضوع فى :

-

-

-

-

-

-

-

المواضيع المتشابهه

تسريب شحن البطارية ولا بطارية بيظة ولا مارش ولا دينمو

تسريب شحن البطارية ولا بطارية بيظة ولا مارش ولا دينمو

مشكله فى دينمو الجولف 4

دينمو الدوجان والفرامل

اجيب دينمو بيتلز من فين ...

الكلمات الدلالية لهذا الموضوع

المفضلات

المفضلات

ضوابط المشاركة