مساء الفل علي كل الناس الي في نايل موتورز.....انا ياجماعه معايا فرنا2007 وبحطلها 92 وكنت بقول البريزه مش فارقه ده غير ان العربيه تعتبر لسه جديده بس سمعت ان حرق ال92 بيبقي اسرع وان لو حطيت 90 التنك حيمشيني حوالي 100كيلو زياده الكلام ده صح ولا اشاعه
عرض للطباعة
مساء الفل علي كل الناس الي في نايل موتورز.....انا ياجماعه معايا فرنا2007 وبحطلها 92 وكنت بقول البريزه مش فارقه ده غير ان العربيه تعتبر لسه جديده بس سمعت ان حرق ال92 بيبقي اسرع وان لو حطيت 90 التنك حيمشيني حوالي 100كيلو زياده الكلام ده صح ولا اشاعه
اشاعات طبعا دة العكس بيحصل بس مش فرق 100 كيلو يعنى
شوف يا باشا..
مع العربياتا لقديمة.. كان ال90 اقتصادي اكتر.. ال92 كان بيتحرق اسرع فعلا..
لكن العربيات الجديدة كلها دلوقتي المفضل ليها يكون اعلي من 92..
اكيد هيكون اقتصادي اكتر..و بيفرق عن ال90.. بس برضه زي ما الاخوة قالوا.. مش هتوصل ل100 كم يعني..
اخرها 20 او 30 كم في الصفيحة..
الحق يقال
النيو اكسنت معايا
بتاخد صفيحتين
لو صفيحتين 90 بتعمل معايا 550 كيلو او 600 لو علي سفر
اما لو صفيحتين 92 بتعمل معايا 550 كيلو علي سفر بشرط انني ما اعديش ال120
لو عديت ومشيت علي 160 ولا حاجه بتاخد 500 كيلو بالعافيه
انا سالت ناس كتير فى الموضوع ده - اغلبهم سواقين فى شركات
قالوا ان البنزين ال 90 بيعمل كيلوهات اكتر من ال 92 لان 92 حرقه اعلى فبيعمل كيلومترات اقل
والله اعلم
انا جربت بنفسى لقيت انا 90 استهلاكة اكتر 20 ك
شكرا اوي يا رجاله الصوره وصحت شويتين ولو ان الناس لسه مختلفه
اري والله اعلم ان الموضوع موضوع تكنولوجيا يعني لو كربروتير مش هاتفرق الا اذا كان ال92 اخف في الكثافه من ال90 وده ماعنديش معلومات عنه و بقول الكثافه -بتاعه الثانويه العامه- مش الاوكتان ولا سرعه التطاير
بس لو انجكشن ال cpu بتاع الانجكشن هيوفر في البنزين علشان كفائه الاحتراق افضل بالنسبه لل92
السلام عليكم و رحمة الله و بركاته
انا سمعت ان فعلاً 90 بيوفر اكتر