لو عاوز ابيع اللوجان لي ظروف السفر ابعها بكام ؟

**Xlance2010** · 19-08-2011 11:24 PM

والله انتم كده احيتوا الامل فى الواحد فسعر اعادة البيع كده ممتاز جدا حتى ولو اتباعت بخمسة وخمسين ألف فكده ممتاز جدا وسعر السوق هو الحكم واعتقد بتاعة الاستاذ مصطفى لن تقدم ولن تؤخر فمع احترامى للاخوة جميعا السوق هو الفيصل ورغبة الراجل فى البيع هى الحكم وليست الاجتهادات الشخصية واتمنى التوفيق للجميع

**raedegypt** · 20-08-2011 12:36 AM

المشاركة الأصلية كتبت بواسطة moustafa_saad

الامور دى ماينفعشى فيها اعتقد
لان الراجل مش لاقى فلوسه فى الشارع علشان يخسر 5 بواكى من كلمة اعتقد
عندك استعداد تشيل ذنبه
العربيه اتباعت زيها فى المتتدى ب 60 الف
وسعرها زى اللانوس بالظبط

وزعلان ليه السوق وال بيدفع هو الحكم لا انا ولا انت نحدد وبعدين فارض سعر 60 وكآنك ها تشترى منه ولا بتتكلم وخلاص العبرة يا استاذى الفاضل فى المبلغ ال يندفع فيها من السوق هو دة ثمن العربيه من غير مجاملات لاحد علشان الراجل يخلص افضل حاجه ينزل معارض ومكاتب سيارات وشوف يقولوا لك كام بس خد قرار سريع . انسى الاسعار دة وخليك فى الواقع والسعر المتاح امامك

**M.Radwan** · 20-08-2011 12:48 AM

متبيعش أقل من 60 ألف
أنا كنت ببيع عربيتي لتوكيل رينو عشان أبدلها بميجان
كانت العربية ساعتها عاملة 15 ألف كيلو وفيها خبطة فى الباب الخلفي اتفقنا اني اعمل الخبطة
وهما يشترها ب 57 ألف جنيه. الكلام ده لما كانت اللواجان ب 67 ألف زيرو موديل 2010

**Super_Star_h** · 20-08-2011 04:02 AM

المشاركة الأصلية كتبت بواسطة raedegypt

اعتقد 55 الف ولو مغربى يمكن اقل شويه وربنا يسهل لك بيعها لو اقل اخلص منها لان زبون الرينو والمستعمل مش ها تلاقيه كثير علشان تخلص قبل ما تسافر

كلامك مظبوط
بس الفرق ان اللوجان مطلوبه كتير حاليآ
وهتتباع وبسعر كويس ان شاء الله

**Neo206** · 20-08-2011 03:26 PM

ربنا يسهلك بيعها يا رب
و الله انا عايز عربية بس لسه هتكمل فلوسى على شهر يناير
موفق فى بيعها إن شاء الله

**MOUSTAFA_SAAD** · 20-08-2011 04:24 PM

المشاركة الأصلية كتبت بواسطة raedegypt

وزعلان ليه السوق وال بيدفع هو الحكم لا انا ولا انت نحدد وبعدين فارض سعر 60 وكآنك ها تشترى منه ولا بتتكلم وخلاص العبرة يا استاذى الفاضل فى المبلغ ال يندفع فيها من السوق هو دة ثمن العربيه من غير مجاملات لاحد علشان الراجل يخلص افضل حاجه ينزل معارض ومكاتب سيارات وشوف يقولوا لك كام بس خد قرار سريع . انسى الاسعار دة وخليك فى الواقع والسعر المتاح امامك

ماانا علشان كده بقولك بلاش كلمة اعتقد لان العربيه اتباعت اختها على صفحات المنتدى ب 60 الف
يعنى مش كلام من دماغى
وارحمنا شويه الله يكرمك انا حاسس ان اللوجان بينك وبينها تار بايت
وكل سنه وانت طيب