عرض للطباعة
ازيكو يا شباب
رمضان كريم علينا كلنا
انا بفكر ان ابيع اللوجان بتاعتي لاني هاسفر كمان شهرين كده و هاعقد بره 3 سنين علي الاقل
العربيه لونها فيراني غامق و كنت راشش الجزء اليمين تحت و حته من الشنطه لان في ولد علم عليها بي مسمار
العربيه عامله 11 الف كيلو دلوقتي و عامله صيانه 5 الاف و لسه هاروح اعمل ال 10 الاف العربيه موديل 2011 مترخصه 3 سنين و لسه قدمها سنين و 3 شهور
لو هابعها تتباع علي كام لاني اضحك عليه قبل كده في عربيتي القديمه و كانت كسر زيرو :)
و رمضان كرررررررريم
اعتقد 55 الف ولو مغربى يمكن اقل شويه وربنا يسهل لك بيعها لو اقل اخلص منها لان زبون الرينو والمستعمل مش ها تلاقيه كثير علشان تخلص قبل ما تسافر
لا حول ولا قوة الا باللهاقتباس:
المشاركة الأصلية كتبت بواسطة raedegypt
استاذ رائد هو ليه حضرتك متضايق قوي من اللوجان او اي ماركة غير الهيونداي تماما؟!!
بالنسبة لسعر حضرتك فقياسا بسعر شرائها اللي هو كان 70000 و العداد القليل يبقى نقدر نقول مثلا 62000 لو كانت كاملة و فبريكة
حضرتك رشيت اجزاء فنقدر نقول لو 60000 هتبقى عادلة جدا بس لو انت نازل تبيعها في السوق او هتعرضها على النت اعرضها بال62000 علشان الفصال بتاع المصريين و عن تجربة في بيع العربية القديمة و الله جابت اكثر خير
الاخ الفاضل تحياتى لشخصك الكريماقتباس:
المشاركة الأصلية كتبت بواسطة gebreel
رمضان كريم وتقبل الله صيامنا
انا قولت اعتقد بسعر ولم اقل بكذا. حضرتك سعرت ب 60 الف ماشى تشتريها بالسعر دة مبروك له وهو الكسبان .انا بقول سعر علشان العربيه تمشى منه بسرعه وخاصآ انه مسافر ومش بيبيع براحته وبعدين مغربى من رومانى بيفرق اكيد حطه فى الاعتبار
ويارب يسهل بيعها وتجيب 65 وفوق بس انا علشان يخلص منها بسرعه
اخوك المهندس رائد - الرياض - السعوديه
أنا لسه شاري لوجان 2010 فول أوبشن فيراني فيها خبطتين بسيتطان عاملة 40000 و صاحبها عمل صيانة ال 40 في نفس اليوم اللي اشتريتها فيه ب 58000 انا شايف ان السعر عالي ألفين جنيه بس اللوجان تستاهل
و ربنا يكرمك انا رأي من رأي أستاذ جبريل و ربنا يكرمك
لو فئة فول اوبشنز
70 الف موديل 2012 زيرو
68 الف انت جايبها بتاعت موديل 2011
البيع هيعتمد على الاتى
نقص 2000 موديل السنة
نقص 4000 استعمال 10 الاف كيلو ( كسر زيرو )
نقص 2000 ثمن الخبطة والرش
فى الغالب هتبعها على 62 - 60 الف ( لو اقل من كدة ما تبعهاش ) وخليها لما ترجع من السفر
وشيل كاوتشهاتها والبطارية واحتفظ بيها لان العربية دى مش هتتعوض
لانك دافع كل قرش فيها فى محلة
شكرا بجد لكل واحد شارك
خلاص انا ممكن ابعها علي 60 الف و اتكل علي الله
والله العربيه جميله فعلا و مش هاتتعوض بس انا خايف ارفعها اجاي الاقيها مش بحالتها و عاوزه تغير حاجات كتيررر
الله اكرم يا باشمهندس بس الفكرة في ان الرينو و خصوصا اللوجان و الكليو مبقوش زي زمان من سمعة وحشة في البيع و بقى ليهم زبونهم و اكيد هو مش عاوز يبيع بخصارة طبعا خصوصا ان العربية تقريبا ممشيتشاقتباس:
المشاركة الأصلية كتبت بواسطة raedegypt
فكرة روماني من مغربية مش فارقة لأن بكل بساطة دي مصانع لرينو بنفس المواصفات العالمية للمصنع اللي في فرنسا بنفس الquality control و نفس الquality assurance اللي بيتعمل في رينو فرنسا و المكونات نفسها كمان هتبقى هي هي لو اتصنعت في فرنسا لكن الفكرة كلها انها كشركة لازم تستفيد من ان البلد الفلاني فيها ايد عاملة رخيصة و بتشجع على الاستثمار و بينها و بين دول معينة اتفاقيات تزود مبيعاتها
بالاضافة لأن مصنع رينو في المغرب نفس المصنع بيصدر اللوجان لبعض دول اوروبا بنفس خط الانتاج بنفس الاناس مع اختلاف طفيف في المواصفات زي مثلا انها في اوروبا لاوم تنزل 2 ايرباج مثلا و ABS و EBD
نفس المبدأ ده متبعاه رينو و مرسيدس و BMW و حتى هيونداي ليه مرسيدس و BMW عملوا مصنع في مصر؟ هل هيخاطروا باسمهم علشان يوفروا شوية؟ اكيد لأ
ليه هيونداي عاملة مصنع في الهند؟
ليه تويوتا عاملة مصنع في افريقيا و عاوزين يعملوا مصنع عندنا في مصر
تقبل تحياتي
محمود جبريل
الامور دى ماينفعشى فيها اعتقداقتباس:
المشاركة الأصلية كتبت بواسطة raedegypt
لان الراجل مش لاقى فلوسه فى الشارع علشان يخسر 5 بواكى من كلمة اعتقد
عندك استعداد تشيل ذنبه
العربيه اتباعت زيها فى المتتدى ب 60 الف
وسعرها زى اللانوس بالظبط
طيب مااعادة سعر بيعها حلو اهو امال ليه الناس محسسني انها زي الميجان بتنزل نص تمنها في وقت قليل
والله انتم كده احيتوا الامل فى الواحد فسعر اعادة البيع كده ممتاز جدا حتى ولو اتباعت بخمسة وخمسين ألف فكده ممتاز جدا وسعر السوق هو الحكم واعتقد بتاعة الاستاذ مصطفى لن تقدم ولن تؤخر فمع احترامى للاخوة جميعا السوق هو الفيصل ورغبة الراجل فى البيع هى الحكم وليست الاجتهادات الشخصية واتمنى التوفيق للجميع
اقتباس:
المشاركة الأصلية كتبت بواسطة moustafa_saad
وزعلان ليه السوق وال بيدفع هو الحكم لا انا ولا انت نحدد وبعدين فارض سعر 60 وكآنك ها تشترى منه ولا بتتكلم وخلاص العبرة يا استاذى الفاضل فى المبلغ ال يندفع فيها من السوق هو دة ثمن العربيه من غير مجاملات لاحد علشان الراجل يخلص افضل حاجه ينزل معارض ومكاتب سيارات وشوف يقولوا لك كام بس خد قرار سريع . انسى الاسعار دة وخليك فى الواقع والسعر المتاح امامك
متبيعش أقل من 60 ألف
أنا كنت ببيع عربيتي لتوكيل رينو عشان أبدلها بميجان
كانت العربية ساعتها عاملة 15 ألف كيلو وفيها خبطة فى الباب الخلفي اتفقنا اني اعمل الخبطة
وهما يشترها ب 57 ألف جنيه. الكلام ده لما كانت اللواجان ب 67 ألف زيرو موديل 2010
اقتباس:
المشاركة الأصلية كتبت بواسطة raedegypt
كلامك مظبوط
بس الفرق ان اللوجان مطلوبه كتير حاليآ
وهتتباع وبسعر كويس ان شاء الله
ربنا يسهلك بيعها يا رب
و الله انا عايز عربية بس لسه هتكمل فلوسى على شهر يناير
موفق فى بيعها إن شاء الله
ماانا علشان كده بقولك بلاش كلمة اعتقد لان العربيه اتباعت اختها على صفحات المنتدى ب 60 الفاقتباس:
المشاركة الأصلية كتبت بواسطة raedegypt
يعنى مش كلام من دماغى
وارحمنا شويه الله يكرمك انا حاسس ان اللوجان بينك وبينها تار بايت
وكل سنه وانت طيب
يا ترى بعتها ولا لسة
والمطلوب نهائى كام
وعلى فكرة السوق يحكم
لسه مابعتش لكن ناوي ابيعها بعد العيد ان شاء الله و بعد حصولي علي الفيزاا
متااابع وكلاااااام جمييييييييل