انا بفكر اغير تكييف لانوس بتكييف نسيان

**hamada_5034** · 19-08-2011 11:29 PM

طيب انا عاوز حد بتاع تكييف يكون عنده ضمير

**shaddadfalcon1** · 19-08-2011 11:29 PM

انا التكيف عندي من ساعة ماغيرت الريداتير ونضفت السربنتينه وكل اسبوع ولا اتنين بنفخها بالهواء وبصراحه التكييف اشغله شويه علي التالت وبعد كده انزل علي التاني ووبقي مخلي الريش تجيب هواء بعيد عني لانه بيوجع ايدي بصراحه من الهواء الساقع لكن ضعيف اكيد لا
في اسواء الاحوالي بيخلي الصالون درجة حرارته ربيع في حالة ان الجو نار

**Shiref_mohamed** · 19-08-2011 11:55 PM

المشاركة الأصلية كتبت بواسطة ahmedhilmy

و الله لو ده ينفع تبقى حاجة كويسة اوي تعوض اداء تكييف اللانوس المتوسط

متوسط ايه يا عم احمد التكييف بتاع اللانوس محترم جداً
انا التكيف عندى بيخليني اتجمد
وكل سنةوانتا طيب يا ابوحميد وعاوز اشوفك في مقابلة الخميس الجاى ان شاء الله

**mbx4e** · 20-08-2011 12:00 AM

امال فين محمد ممدوح هو اللي يفيدنا في الدايو
هل فيه مشاكل لو اتحط كمبروسر اعلى على موتور لانوس؟

**ahmedhilmy** · 20-08-2011 04:10 AM

المشاركة الأصلية كتبت بواسطة shiref_mohamed

متوسط ايه يا عم احمد التكييف بتاع اللانوس محترم جداً
انا التكيف عندى بيخليني اتجمد
وكل سنةوانتا طيب يا ابوحميد وعاوز اشوفك في مقابلة الخميس الجاى ان شاء الله

لأ يا شريف انت بالذات مضطر اصدقك بس مش عايز اقلهم علي سر ان التكييف بتاعك محترم جدا عمومما انا عايز احجز استشارة في يوم هتلاقيني بصلي الجمعة معاك و هقفش فيك لغاية متخلي تكييفي انا كمان محترم جدا عموما واحشني جدا و انت بألف صحة و سلامة و اول مرة اسمع عن مقابلة الخميس دي بس ان شاء الله اجي و رمضان كريم

**tarek_2005** · 20-08-2011 01:35 PM

استاذنا احمد حلمي ايه مشكلة تكييفك
انتا ما اشتكتش منه قبل ذلك

**newcar2011** · 20-08-2011 01:39 PM

تكييف الانوس ثلاجه ثلاجه اكيد انته بتشحنه فريون ردىء

**ahmedhilmy** · 21-08-2011 06:53 AM

المشاركة الأصلية كتبت بواسطة tarek_2005

استاذنا احمد حلمي ايه مشكلة تكييفك
انتا ما اشتكتش منه قبل ذلك

الحمد لله يا طارق باشا هو مفيش شكوي ربنا يديمهت نعمة بس انا اعتراضي الدايم عليه انه ادائه في الزحمة و بالنهار محدود يعني يدوبك بيبقي ملطف الجو و متهيالي القصة دي ملهاش علاج لن دي حدود امكانياته

**حماده المصري** · 21-08-2011 09:05 AM

المشاركة الأصلية كتبت بواسطة hamada_5034

هو انا فكرت فى الموضوع الموتور وعشان كدة قولت اخد رايكم وانا بصراحة زهقت من تكييف لانوس ومن الناس بتوع التكييف انا صرفت على التكييف اكتر من 550 جنية وبرضوة التبريد مش مقنع بالذات فى الزحمة وكمان تبريد بالنهار مش عجبنى ولو كنت ماشى فى طريق سريع بالنهار التبريد يبقا زى الفل

تكييف الانوس ممتاز انا كان معايا النترا 2005 تكييف الانوس احسن منها تصدق بقى

عموما اي عربيه في الزحمه مش بتبرد جامد او وهي واقفه لازم تبقى ماشيه

عموما ممكن المشكله تكون في سير او بليه شداد التكييف او السلانسيه والتكييف شغال مش هتخرج من دول

ولو العربيه عندك بتبرد وهي ماشيه تاكد من انها زي الفل

على لي صديق غير كمبرسور هيونداي اي 30 ب كمبريسور النترا كان مقتنع ان الاتنين واحد ودلوقتي كل ما يشغل التكييف العربيه تسخن منصحكش بالموضوع ده بصراحه