انا بفكر اغير تكييف لانوس بتكييف نسيان

**hamada_5034** · 19-08-2011 04:46 PM

انا كنت بتكلم معاه واحد بتاع تكفييات على انى عاوز اغير كمبرسيور لانوس بتكييف تانى اكبر ولان فعلا معايا تكييف بتاع نسيان (كان مفكوك من موتور جاز ) فا الراجل دا قالى انة يركب هو نفس الشكل بتاع تكييف لانوس لكن معاه اختلاف القواعد والقاعدة الا موجودة فى كمبرسيور نسيان بتتفكك بمسامير وتعمل قاعدة تانى عند الخراط هو قالى انة التكييف دا هيخلى العربية عندك فريزر لانة بتاع عربية اكبر ولان القوة بتاعتوه اكبر بكتير من كمبرسيور لانوس - فا قولت استشير الخبراء فى المنتدى الجميل دا لانى بصراحة انا عندى قعده من الناس بتاعت التكفييات ...انصحونى

**ahmedhilmy** · 19-08-2011 05:05 PM

و الله لو ده ينفع تبقى حاجة كويسة اوي تعوض اداء تكييف اللانوس المتوسط

**egyptiandiver** · 19-08-2011 05:25 PM

The air conditioner of Lanos is good

**ashouhdy** · 19-08-2011 05:30 PM

جرب مش حتخسر غير شحنيتين فريون ب 80 جنية

**mostafa mahmod** · 19-08-2011 09:23 PM

المشاركة الأصلية كتبت بواسطة م/محمد

طيب و هل حضرتك فكرت في الموتور والحمل الزياده اوي عليه من كمبريسور قدرته اعلي ؟؟
ده التكييف بتاع العربيه بياثر عليها مابالك بتكيييف اكبر؟
انا شايف انك تدرس امكانيه تغيير الموتور كله بتكييفه زي بتاع النوبيرا

انا رايى كده برضه

و بعدين تكييف اللانوس محترم جدا و الناس بتشكر فيه اوى انت بس اغسل السربينه و نضفه و اشحنه فريون كويس مش صينى و كله هيبقى تمام

**ahmad--ezzat** · 19-08-2011 09:33 PM

عمرى مشفت حد اشتكى من تكييف الدايو
انا معايا الاتنين وبقلك مفيش اى فرق تماما

**M.Alaa92** · 19-08-2011 11:10 PM

بص هو نظريا الاتنين واحد من ناحية التبريد بس لو اداء التكيف ضعيف نضف السربنتنة و التلاجة و غير الفلتر و فريون محترم انجليزى مثلا و شوف الفرق

انما لو عاوز تجرب ع سبيل التجربة فقط ركب و اشحنو صينى و شوف هل الفرق يستاهل ولا لأ لو نجحت التجربة يبقى تشحن الفريون المحترم و عيش
بس خلى بالك هل انت بيفرق معاك السحب ولا لأ ؟؟؟
لانو لو بيفرق خلى الكباس اللى فيها افضل لو لا جرب وقولنا النتيجة

**hamada_5034** · 19-08-2011 11:16 PM

هو انا فكرت فى الموضوع الموتور وعشان كدة قولت اخد رايكم وانا بصراحة زهقت من تكييف لانوس ومن الناس بتوع التكييف انا صرفت على التكييف اكتر من 550 جنية وبرضوة التبريد مش مقنع بالذات فى الزحمة وكمان تبريد بالنهار مش عجبنى ولو كنت ماشى فى طريق سريع بالنهار التبريد يبقا زى الفل