الموضوع: ايه اخبار الصحراوى والسفر مسافر ومحتاج مساعدة

الغربى افضل واحسن المطبات فية شبة معدومة (قبل الكماين بس ) والطريق كويس من اسيوط للقاهرة فية ضغط علية من الميكروباص والنقل وعند الكمائن دايما بيكون فية كافتريات وكدة ’ الشرقى اامن من ناحية عدد الناس الى ماشية علية بس مش اامن من ناحية الطريق يعنى الحوادث علية اكتر , ارشحلك الغربى وبما ان معاك عربية تانى ف متقلقش ان شاء الله خير

يا عزيزي تروح وتيجي بالسلامة

لو حضرتك عاوز نصيحتي

خد طبعا الصحراوي الشرقي ومن أول دخلة تاخد طريق الجيش اللي هو موازي ليه

طريق الجيش ده حاجة تاني ما شفتهاش في مصر قبل كده

عند كل محافظة فيه مدخل ممتااااااااز جدا هتلاقي فيه شرطة عسكرية هيدفعوك وصل ( رسوم ) عن كل محافظة تعدي عليها خمسة جنيه يعني من اسيوط للقاهرة هتدفع مرة واحدة خمستاشر جنيه

كل إتجاه ثلاث حارات محترمين جدا جدا وطريق فعلا عالمي ويقارن بطرق الإمارات

تقريبا كل سبعين كيلو فيه محطة بنزين تابعة للجيش اسمها محطة الوطنية لكن ما فيش فيها بنزين تمانين وفيها مشروبات وخدمة إطارات وسوبر ماركت

السرعة فيه 120 لكن الصراحة أنا كنت ماشي عليه 160 - 170 بكل راحة

لكن بعد ما خلصت الطريق وطلعت من آخر بوابة اللي هي قبل 15 مايو أو حلوان - لقيت لجنة شرطة واقفة ومديني مخالفة رادار وقالي انت ماشي 138



أنا مشيت على الغربي لا يقارن بينه وبين طريق الجيش - الجيش أفضل بكتيييييييير

لكن لو قارنت بين الشرقي العادي والغربي فالغربي أفضل لأنه حاراتين منفصلتين لكل إتجاه اما الشرقي فطريق رايح جاي


ملحوظة لو حبيت تمشي بالليل هتلاقي طريق الجيش آمن جدا لأن كل مداخله عليها شرطة عسكرية ومستحيل حد يعدي عليهم وهو بلطجي وإلا مش هيطلع من الطريق
المشكلة بقى في الكام كيلو من اسيوط لغاية ما تمشي على الصحراوي الشرقي وتحود على طريق الجيش فالمسافة دي اسأل هل فيها لبش ولا آمنة


تحياتي