بعض الاسئله عن تعديل جولف 3 الرجاء المساعده

اخوانى الاعزاء / السلام عليكم ورحمة الله وبركاته

انا نويت بأذن الله اظبط الجولف بتاعتى وعايز رايكم فى افضل الانواع للتركيب انا هعرض عليكم دلوقتى الحجات الى هركبها وعايز اعرف منك الانواع الافضل

1- موتور 2800 سى سى . اريد افضل نوع من وجهة نظركم بغض النظر عن السعر
2- عفشه كونى كامله . اريد عرفه ايهما افضل المساعد الاصفر ام الاحمر
3- جنوط 17 نيكل طبعا نوع اصلى مش صينى اريد منكم تحديد افضل نوع
4- كراسى ريكارو اريد معرفة افضل الانواع منها
5- body kit اريد منكم افضل شكل يليق على الجولف 3
6- فوانيس كريستال قدام وفى الخلف
7- افضل عدادات لل rpm التى توضع على التابلوه
8- افضل ديفل يليق على العربيه ويكون صوته مناسب او فلتر

اتمنى من الجميع المساعده فى هذه الاشياء لانى نازل الحرفيين الاسبوع الى جاى عشان ابدأ اعمل الشغل ده

موتور 2800 حلو و فى 3200 دا بيديك 242 حصان بس بتاكل بنزين بشكل غبى
العفشه : لو حتجيب المكنه ال 3200 هات عفشتها معاها
الكونى حلوه و الالوان متفرقش
لو على جنط 17 اعتقد انه حيكون كبير و يرفع العربيه ( هى العفشه الكونى بتوطى العربيه بس برده حتفضل عاليه) الجنط ال 16 حلو على الجولف 3
لو ملقتش المانى هات اندنيسى و لو ملقتش اندنيسى هات تايلاندى
لاحظ ثقل الجنط المفروض يكون المونيوم خفيف
الديفل بيسخن العربيه هات هدرز كويس و متنساش تركب فيلتر k&N من بوجيهات سبليت فاير بعد تغير سلوك البوجيهات
انا الرينجات و الريكوريه و كل الحجات دى سهله بس شوف واحد يفيدك اكتر

اقتباس:

---

المشاركة الأصلية كتبت بواسطة bolvegari

1- موتور 2800 سى سى . اريد افضل نوع من وجهة نظركم بغض النظر عن السعر
انصحك بالABF 16V بتاع الجولف 3 برضه ... او عاوز عربيه سالكه ... لو طالبه معاك 6 سلندر يبقي ال 2900 سيسي بتاع الكورادو .. ده لو لقيته ... مالقيتوش خليك مع ال 2800 AAA

2- عفشه كونى كامله . اريد عرفه ايهما افضل المساعد الاصفر ام الاحمر
اللي هايحصل انك هاتجيب الاول الموتور بعفشته بمشتملاته .. و بعد كده هاتغير المساعدين و تجيب مساعدين كوني اصفر
3- جنوط 17 نيكل طبعا نوع اصلى مش صينى اريد منكم تحديد افضل نوع
افضل نوع بيكون الاصلي بتاع الفولكس .. بس تجيب حاجه شكلها يكون جامد
4- كراسى ريكارو اريد معرفة افضل الانواع منها
بينزل منه استوك في الجولف بس مش اللي هوه كراسي الطياره ... بيبقي half bucket (halb schalensitze).. مش زس بتاع العربيات الريسينح انما احسن و مريح اكتر
5- body kit اريد منكم افضل شكل يليق على الجولف 3
افضل حاجه اللي انا بافضله يكون الشكل من بره استوك و سيمبل .. انما لو انت مصر ممكن تدور علي النت علي البودي كيتات بتاع الشركات زي rieger و كده .. و تاخد صورته و تروح عند بتاع الفيبر ..
6- فوانيس كريستال قدام وفى الخلف
الفوانيس الكريستال بتتعمل عموله في الحرفيين لو سالت الاعضاء اكيد حد عارف منهم فين بالظبط
7- افضل عدادات لل rpm التى توضع على التابلوه
العداد الاصلي بتاع الجولف 3 بيبقي فيه عداد ار بي ام .. انت بقي هاتجيب 3 صغيرين بتاع الشحن لدينامو و الحراره و مش عارف ايه دي براحتك ..و ممكن لو وقعت في تابلوه الكورادو بيركب بيبقي شكله تحفه .. و لو وقعت في طقم عداد يكون بلازما يبقي اجمد كمان
8- افضل ديفل يليق على العربيه ويكون صوته مناسب او فلتر
هاتروح عند بتاع الشكمان يعملك هيدرز من الاول لاخر يمشي ماسوره مقاس واحد من قدام لحد ورا و يعمل هيدرز للموتور و يحط العلب اللي تعجبك

---

خليك مع مكنه 2000 سيسي 16 صباب احسن علشان الهاندلينج و الستابيليتي و الحوارات اللي انت عارفها دي .. ده غير اكل البنزين و الرسوم الضريبيه اللي غليت و حوارات

تحياتي ,

نفس رأي اكسبرت بالظبط و بأكد علي الاستابيليتي 3200 كتير اوي علي جولف 3 خليك في 2000 سي سي هتديك قوة و تسارع جبار و اتزان انما 3200 او 2800 اعتقد ان العربية هتطييييييييييير

و العفشة كوني ممتازة و جنطها 16 مش 17

اقتباس:

---

المشاركة الأصلية كتبت بواسطة link7200

الكونى حلوه و الالوان متفرقش

الديفل بيسخن العربيه هات هدرز كويس

---

توضيح صغير بس للينك باشا

1-الوان الكونى بتفرق طبعا طبعا...طب هما ليه نزلوها بالوان مختلفه اصلا
على سبيل المثال
1-اللون الاصفر....ودا بيرمز لاصعب اداء...انشف حاجه فى الكونى..بس مؤلكش على الثبات الرهيب...بس العربيه هتنشف اوى....وفىه بيكون ادجستبل
يعنى ممكن تطررى المساعد او تنششفو كمان

2-الاحمر
....بتكون اطرى بشكل ملحوظ عن الاصفر....بس بردو اداء رياضى و ثبات زى الفل
...وفي منها ادجستبل بردو...تقدر تنششفو اكتر

وبالنسبه للديفل.

..من اللى قال ياباشا انو بيسخن العربيه !!!!!!!!!!!!!!!!!
اممال هو اتعمل ليه اصلا...على العموم دا موضوع يطول شرحه

المهم الديفيل ...بيكون اكبر من علبة شكمان العربيه الاصلى...+ان عدد الفلاتر والمصافى اقل بكتيير يعنى...تنفس اسهل لموتور يعنى اداء احسن طبعا

وبالعكس العربيات...لما بيركبلها علبه كبيره نضيفه...الحراره ساعات بتنزل كمان عن المعدل الطبيعى

علبة الشكمان ماتسخخنش العرييه الا فى حالة

1- اصغر من الاصليه...مش هتقدر تستوعب كمية العادم
2-العلبه نفسها مكتومه لاى سبب داخلى...الفلاتر بايظه مثلا
شوية عادم هيخرجو وشويه لا...او الخروج بيبقى بطىىىىء جدا

وشكرا

اقتباس:

---

المشاركة الأصلية كتبت بواسطة bolvegari

اخوانى الاعزاء / السلام عليكم ورحمة الله وبركاته

انا نويت بأذن الله اظبط الجولف بتاعتى وعايز رايكم فى افضل الانواع للتركيب انا هعرض عليكم دلوقتى الحجات الى هركبها وعايز اعرف منك الانواع الافضل

1- موتور 2800 سى سى . اريد افضل نوع من وجهة نظركم بغض النظر عن السعر
2- عفشه كونى كامله . اريد عرفه ايهما افضل المساعد الاصفر ام الاحمر
3- جنوط 17 نيكل طبعا نوع اصلى مش صينى اريد منكم تحديد افضل نوع
4- كراسى ريكارو اريد معرفة افضل الانواع منها
5- body kit اريد منكم افضل شكل يليق على الجولف 3
6- فوانيس كريستال قدام وفى الخلف
7- افضل عدادات لل rpm التى توضع على التابلوه
8- افضل ديفل يليق على العربيه ويكون صوته مناسب او فلتر

اتمنى من الجميع المساعده فى هذه الاشياء لانى نازل الحرفيين الاسبوع الى جاى عشان ابدأ اعمل الشغل ده

---

بص ياباشا بالنسبه للماكنه.

..هو ممكن ال2000 16 صمام زى ما بيشو ومحمد قالو

بس المشكله ان الجولف 3 تقيييييله....يعنى انت لو من هواة القوه..مش هتكيفك اوى

تانى اختيار ال VR6 ...v6
ماكنه حلوه...ومتاحه...وقطع غيارها موجوده نسبيا
بس بتاكل بنزين وزيت
الماكنه نفسها وزنها تقيل

يعنى القرار راجع ليك انت
لو عايز سحب حلو..وحاجه خفيفه وفى اللذيذ....يبقى المكنه ال 2000 ال 16 صمام....هى اداءها جامد اوى بس على الجولف رابيت بس عشان الوزن
انما مع وزن عربيتك...مش هتحسها خالص....هما 140 حصان ولا راحو ولا جم

لو عايز قوه واداء رياضى قوى بصرف النظر عن سعر قطع الغيار والبنزين ومصاريف المرور الجديده....يبقى ال vr6 ودى 6 سلندر بالمناسبه
وانا شخصيا ليا واحد صحبى مركبها...حلوه ومفيش منها اى مشاكل
حوالى 170 حصان..ومناسبه اوى لوزن الجولف 3

عندك امير بتاع الحرفيين نزلة الريحانى...وديلو المكنه والعربيه
ومش هيسألك حاجه غير وهو بيديلك المفتاح ويقولك اطلع جرب

ميكانيكا عفشه كهربا.....للجولف والابيزا...ملوش حل بجد

الاسعار متافوته
بس هى بتيجى كامله وبالعفشه كمان.....فى حدود من 7500 الى 9000
وحسب شطارتك..وممكن اقل من كده كمان

بالنسبه للجنوط.

..ال17 تحفه عليها بس هيقللك الاكسليريشن على من 0 الى 100
والعربيه مش نقصى تقل اصلا

الجنط ال16 شكلو جامد موت بردو...وهيبقى مريحلك العربيه جامد عن 17


الجنط ال 15 ....الشكل حلو بس اقل من ال 16 و17 ....انت بس توطى العربيه عليه وهيبقى شكلو كويس
بس هيخليلك العربيه دى تاااااااااااااااااااااااا اااااكل فى الارض

عندك...اشرفكو...وارابكم...وعل� �م...والرومانى....وشارع احمد سعيد

العفشه الريا ضيه ...الكونى طبعا

1-اللون الاصفر....ودا بيرمز لاصعب اداء...انشف حاجه فى الكونى..بس مؤلكش على الثبات الرهيب...بس العربيه هتنشف اوى....وفىه بيكون ادجستبل
يعنى ممكن تطررى المساعد او تنششفو كمان

2-الاحمر
....بتكون اطرى بشكل ملحوظ عن الاصفر....بس بردو اداء رياضى و ثبات زى الفل
...وفي منها ادجستبل بردو...تقدر تنششفو اكتر

جداد عند عادل وجدى بالحرفيين بس غاليين طبعا
ممكن تجبهم استيراد...من الحرفيين بردو وموجودين كتير...ارخص كتير وحالتهم جميله

كراسى ريكارو

عموله فى حدود ال800 جنيه فى الحرفيين

جداد...سيبك من اللى يقوللك اصلى كللو صينى...حتى الريكارو اللى هنا
بس حلوين طبعا

فى حدود من 1700 الى 3500 جنيه
وليد عوض ...ارابكم....شارع دمشق

الفوانيس .

...كريستال او رينجات او لينسات او ليدات
الحرفيين..الفنجرى...وآل عمار

التكلفه حسب الشغل اللى هيتعمل
من 300 جنيه الى 2000 جنيه

ال rpm

دا حسب فلوسك بردو
بيبدا من 130 جنيه لحد ال 1000 جنيه

1- صغير 120 جنيه
2-وسط بلمبة شيفت داخليه 190 جنيه
3- كبير ويحتوى على 3 عدادات قياس اخرى داخليه+لمبة شيقت خارجيه مستقله
+7 الوان للاضاءه
350 جنيه...ودا احلى نوع....سعرو معقول...وشكلو واداءو حلو..ياريت تجيبو

اما ابو 1000 دا بيكون زىالكبير اللى فات دا...بس مصنوع من الكربون فايبر
وكللو ديجيتال

شارع المطبعه...الهرم...كللو موجود وارخص الاسعار

الديفيل
...لو لفيت حاجه rs استيراد يبقى حلو اوى اوى..وموجوده فى الحرفيين
فى حدود من 350 الى 500

جديد...هتنزل التوفيقيه عند بططاح

الاحجام والاشكال اللى انت عايزها
من 400 الى 1000 جنيه

كت الفايبر
دى بيرجع لذوقك انت...على العموم اعمل سيرش على جوجل وشوف الاشكال على الطبيع احسن

بسام....سيد حواجب فى الحرفيين...او محمود ديزاين

ولو فى استفسار تانى قوللى انا معاك.
..ومع اى حد عايز يعددل العربيه
:3gears::superman:

انا وراك ياشعب لحد ماكلكو تعددلو عربياتكوhttp://www.nilemotors.net/Nile/images/icons/icon10.gifhttp://www.nilemotors.net/Nile/images/icons/icon10.gif

وياريت اى سندويتش عا الماشى عشان انا فرهدت خلاص http://www.nilemotors.net/Nile/images/icons/icon10.gifhttp://www.nilemotors.net/Nile/images/icons/icon10.gifhttp://www.nilemotors.net/Nile/images/icons/icon10.gif

يا بوب انت مش كفايه عليك الفرنساوي داخل في الالماني كمان ؟ :d

أخ flyin
جميل جدا تبين اللون الاصفر من اللون الاحمر ولا انكر انى استفدة منها كتير
بس علبة الشكمان ( عن تجربه) انا معايا سيفك 93 si
لما ركبت ديفل سخن العربيه و واحد صحبى معاه نوبيرا ركب علبه كمان و سخنة معاه العربيه واحد تانى معاه جولف 2 ركبلها و باردو
فى واحد معرفه كنت بجيب من عنده اكسسوارات العربيه من فلاتر و كبلات الخ
كان عنده مجموعة علب ( هو لو عايز يبيع كان اشتغلنى و ادانى واحده ) قلى بلاش تركب علبه بس لو تركب هيدر من اول الشكمان لاخره
و سكرا على الشرح