شوف المنحنى ده!

**Mohamed_Rashad** · 19-08-2011 11:20 PM

**horas3000** · 19-08-2011 11:56 PM

يا نهار ابيض
نفسي اشوف سواق نقل مصري عليه

عموما احسن حاجه يتاخد دريفتات ههههه

**Ashraf_Ibrahim** · 20-08-2011 12:07 AM

بسم الله ما شاء الله
سواقين بحق يعني !
دانا لو بملاكي هكون مرعوب وانا باخد اللمف دا
ما بال بتاع الاتوبيس والتريلا وهما بيعدوا من جنب بعض !

**mr_vampire** · 20-08-2011 01:35 AM

المشاركة الأصلية كتبت بواسطة mohamed_rashad

ههههههههههه :) فعــلاً ده اللي هيحصل بنسبة احتمال كبيرة!
قاعدة المرور الأساسية هي الأولوية للسيارات و المركبات اللي في حالة صعود و اللي في حالة نزول منحدر هما اللي ينتظروا, ده الصح.

تحياتي!

طب ولو الاتنين في مستوي افقي واحد هيبقي ايه الكلااااااااااااااام؟؟؟؟

عموما احنا عندنا الاولية والبقاء للاقوي وابو صوت جاعوري.

**ASD peugeot** · 20-08-2011 01:52 AM

احنا كده ماشيين بالبركه
سواق مفيش زيه

**Mohamed_Rashad** · 20-08-2011 02:36 AM

المشاركة الأصلية كتبت بواسطة mr_vampire

طب ولو الاتنين في مستوي افقي واحد هيبقي ايه الكلااااااااااااااام؟؟؟؟

عموما احنا عندنا الاولية والبقاء للاقوي وابو صوت جاعوري.

لو الأتنين في مستوى أفقي واحد, و الطريق لا يسمح الا بمرور سيارة واحدة فقط, هتلاقي الأشارة دي

أوتوماتيك في أول الطريق و معناها ( أن هذا الطريق لا يسمح إلا بمرور سيارة واحده فقط و أن أولوية المرور للسيارات المتجهة في اتجاه السهم الأبيض و اللي في اتجاه السهم الأحمر هو اللي ينتظر), بس طبعاً ده مش في مصر زي ماقلت, لأن لو حد في مصر حاول يطبق القواعد دي هيفضل منتظر يومين تلاته على جنب ههههههههههه, مع أن لو كلنا التزمنا واحترمنا قواعد و اشارات المرور, كلنا هنرتاح, بس نقول ايه, لله الأمر من قبل و من بعد و ربنا يهدي الجميع و يصلح الحال!

**shaddadfalcon1** · 20-08-2011 04:41 AM

سواقين النقل في مصر محترفين عن دوول بكتيير وبجد الواحد بيشوفلهم حاجات بيثبت بيها بس هما مشكلتهم انهم بيفتقدو (مش كلهم) لسلوكيات وفنون القياده)

يعني حاجه زي للي في الفيديو ده فيها وقفة طريق مش اقل من 3 ساعات وكام خناقه ومش بعيد اصابات كمان بس راعو كمان ان الطريق نفسه فيه مكان واسع تركن فيه مش زي عندنا كنت هتلاقي الطريق زي بعضه وهتلاقي واحد يتبرع ويننزل يعدي العربيات من جنب النقل

**misoalex** · 20-08-2011 07:03 AM

على فكره عندنا طريق شببه ده

اللى طلع هضبه السلوم عارف ان فيها منحنيات وملفات اصعب من دى بكتيييييييييييييييييير

مش اى حد يقدرر يطلع الهضبه دى بسهوله الا لو دايس فيها وحافظها

مره اتوبيس سوبر جيت وقع من فوق الهضبه دى على فكره

وانا اول مره طلعتها كنت راكب السوبر جيت وكنت بجد رغم المتعه اللى انا فيها من المنظر ومنظر البحر تحت لكن كنت حاسس ان روحى وقعت فى رجلى وان الاتوبيس حيقع فى اى منحنى ومن كتر ما الطريق منحدر كمان وانت طاااااااااالع لفوق