فيه حد من الأعضاء يعرف اماكن لبيع شنط سفر خامات حلوة بأسعارة مناسبة
عرض للطباعة
فيه حد من الأعضاء يعرف اماكن لبيع شنط سفر خامات حلوة بأسعارة مناسبة
بما أنك من مدينة نصر أقرب حاجة ليك عند ميدان الاسماعيلية تحت البواكى بس مش على المترو لا الشارع بتاع عمر بن الخطاب يعنى كأنك داخل من صلاح سالم على ميدان الاسماعيلية
أو التوحيد و النور أى فرع
بس الخامات دى متوسطة نسبيا
و المكان الاخر عند شارع عدلى فى وسط البلد و بالعرض فى شارع 26 يوليو
و حاول أن الشنطة تكون ترولى ((( يعنى بتنجر بعجل )))
و سوفت مش هارد يعنى مش الحامة الجامدة زى السامسونيت و ال ديلسى
فى محلات فى الميدات العتبة بس فاصل لاقصى درجة
و ملحوظة و أنت مسافر لو الشنطة وزنها اكتر من 32 كيلو شركة الطيران حا ترفض قبول تلك الحقيبة وزن الشنطى لازم يبقى اقل من 32 كيلو
الفلكى : تشكيلة مش كبيرة
عدلى زى ما الاستاذ هشام قال
او الموسكى
كان فيه حارة معينة مش فاكر اسمها
بس الاسعار قريبة من عدلى
المهم تاخد بالك من ايه
الابعاد
يكون وزنها خفيف
الخامة
العجل : متركب كويس وكام واحدة
الشاسيه : ده الجزء اللى ماسك الشنطة
تفتح الشنطة من جوة تلاقى فيها سوستة
دى بتنفذ على جسم الشنطة من جواها يعنى هتوريك الشنطة من جوة
بعد ما تفتحها
تشوف الشاسيه اللى هو الحزام اللى ماسكها
فيه ناس بتعمله فيبر
وفيه ناس بتعمله حديد وهو الافضل
كنت بجيب ماركة اسمها three m
ممكن تلاقى دلوقت ماركات افضل
الشنطة الحجم الكبير المعتاد المقاس بتاعة اسمة مقاس 22 على فكرة
شوف الناس اللى فى اول عدلى اركن فى جراج الاوبرا واتمشى ليهم وفاصل
لما تنزل العتبة ....اقتباس:
المشاركة الأصلية كتبت بواسطة aymansaad
أسئل على ممر الكونتننتال ....
وقبل ما توصلة هتلاقى محل كبير ....
أسمة رمسيس فى عندة تشكيلة شنط بالعبيط ....
شكرا على المساعدة يا رجالة
التوحيد والنور واشتري دماغك عندهم حاجات كتير
التوحيد والنور وانت مغمض وريح نفسك من فصال العتبة وقرفه
لو هتسافر السعودية هاتها من هناك ارخص بتلت التمن :))
واهم حاجة لو سفر جوي فعلا ماتكونش اكبر من مقاس 22 لو هاتحط حاجات كتيرة عشان لو الشنطة اتقل من30 كيلو بينزلوها من على السير وتقعد في ارض المطار تفضي :-)
ولو هدوم خفيفة معاك لغاية 30 بوصة
والشاية ثم الشاسية عشان لو شفت عمال مطارنا بيتعاملو مع الشنط ازاي هاتجيبلهم قفة مش شنطة
دي مية زمز كانو بيرزعو الجراكن تفرع وتنفجر على الارض :-((
هههههههههههه أيوة يا باشا العمال على السير أدامك بيتعاملو مع الشنطة كويس بس لو تشوف جوة الى بيحصل تولع فيهم بجاز بيتعاملو مع الشنطة كأنها جولة و أرمى و طوح و طبعا الامر ما بيسلمش من ايد مخلوعة او عجلة تتكسر من الشنطة .اقتباس:
المشاركة الأصلية كتبت بواسطة karim_monir
و طبعا موضوع أن الشركة ممكن ترفض تحميل أى حقيبة أكثر من 32 كيلو دة معروف جدا و الشنطة دى بيتحط عليها ليبول هيفى و القصة ان العمل الى بيشيلها دة غلط علية صحيا و الشتطة كمان ممكن تتكسر بسهولة بسبب وزنها
أما مية زمزم لو شركة أجنبية غير مصر الطيران و السعودية و المشابة لن يسمح بأخذ جراكن مية زمزم نهائيا على الكابينة أو أى سوائل أكثر من 100 ميللى
عذرا على المداخلة:
انا مسافر طيران (اوروبا) قريبا ان شاء الله
المفروض اشتري شنطتين مثلا وكل واحد مقاس 22 ؟ ووزن كل واحد مايزيدش عن 23 كيلو (لان اكتر من كده بفلوس) ؟
طالما مسافر أى مكان فى العالم ما عدا أمريكا بتتحاسب ب الكيلو فى الوزن الزائد مش مهم عدد الشنط المهم الوزن المسموح لك كام و الى زايد بتدفع علية فلوساقتباس:
المشاركة الأصلية كتبت بواسطة د/أحمد ابراهيم
أما لو مسافر أمريكا فدى بالقطعة يعنى مسموح لك بشنطتين فقط و حتى لو زونهم مش زائد عن الحد المسموح لو معاك 3 شنط بتدفع تمن شحن للشنطة الثالثة جتى لو فاضية تماما
موضوع وزن الشنط على حسب شركة الطيران
اما بالنسبة لعمال التحميل فانا بشوف بلاوى , شنط بتترمى وبتقع من على العربيات بتاعة الشنط وساعات تلاقى عجلة شنطة ولا ايد شنطة جوة الطيارة عاااااااااااااااادى جدا :))
السلام عليكم و رحمة الله و بركاته
تروح و تيجى بألف سلامة ان شاء الله.
أنا كنت جبت من السعودية شنط ماركة summit و كانت من أفضل الأنواع اللى أنا اشتريتها فى حياتى و كان سعرها ملائم و معقول جدا و فى منها كل المقاسات, أنا مش عارف اذا كانت موجودة هنا فى مصر و لا لأ, بس لو لقيتها, اشتريها و أنت مغمض.
يعني ايه الكلام دة يعني اخد شنطة سفر واحدة وزنها 32ك دة الشنطة فاضية ممكن يكون وزنها لوحدها 10 ك يعني الشخص الواحد الحد الاقصى ليه كام
انا ما سافرتش غير لما كنت صغيرة وكنت باشوف والدي بيدفع فلوس عالوزن الزيادة بس
ايه النظام دلوقتي
لآ مش كدة الوزن المسموح لكى بيكون مكتوب على التذكرة الالكترونى الى معاكى يفضل تراجعى الوزن لانة بيفرق من شركة الى أخرى بس هو عموما للدرجة السياحية بيتراوح من 20 الى 30 كيلو حسب الشركة الناقلة (( شركة الطيران يعنى )) و مش مهم عدد الشنط بقدر ما هو مهم الوزن الاجمالى بالنهاية دة لو مش حا تعدى المحيط يعنى مش رايحة أمريكا لان أمريكا هى الى الشنط المسموح بتحميلها بتبقى بالقطعة و ليس بالوزن مع مراعاة الوزن المسموح فى كل حقيبةاقتباس:
المشاركة الأصلية كتبت بواسطة nonetta
دة طبعا بخلاف الشنطة الهاند باج الى بتتاخد معاكى على الطائرة ((( داخل الكابينة )) و دى يفضل الا يتعدى وزنها 8 كيلو
و لو معاكى طفل رضيع يعنى السن أقل من سنتين بيكون مسموح لة بوزن 10 كيلو فقط
و على فكرة وزن الشنطة فارغ مش تقيل لانة بيتراوح من 3 الى 7 كيلو بالكتير جدا و 7 كيلو دى مش حا تلاقيها الا فى أنواع معينة من الشنط و معظمها بيبقى سامسونيت الهارد و دى مش متاحة لمعظم الناس لانها من برة و سعرها غالى شوية بتعدى ال 1500 جنية و لو أتجابت من بانكوك ممكن تتجاب ب 600 جنية مثلا بس لاالتقليد مش الاصلى