استفسار عن حشو العصب

**shaddadfalcon1** · 22-08-2011 10:13 AM

المشاركة الأصلية كتبت بواسطة shnory

لو وجعك تاني تعالي القطهولك بمكواه اللحام في المحل
نشممك شويه تنر لحد ما تدروخ وانا اظبطهولك
فكك من كتر الفلوس الي بتصرفها علي دكاتره السنان
وهما يركبوا كارينز وبي ام واحنا لا هههههههههههههههههه
واخدلي بالك يا شهدي ؟

مش عايز اقولك انه وهو عمال يحفر في الضرس كانت الريحه زي الشعر او اللحم المحروق وكل ماعيني تيجي علي العده بتاعته ببقي مرعوب بس الدكتور الصراحه تتلف في حرير

بالنسبه بقي للكارينز متهيالي دي مش مقامهم خالص ممكن تقول c300 ولا حاجه
ياراجل ده اقل واحد بيدخل ويطلع في ربع ساعه بيدفعله ورقه ب100 ويقولك الدكاتره مش لاقيين

احنا مش بنحسد والله ياجماعه احنا بنقر بس

**Khaled Online** · 22-08-2011 10:53 AM

سلامتك يا بشمهندس

**shaddadfalcon1** · 22-08-2011 11:26 AM

المشاركة الأصلية كتبت بواسطة Honda4ever

سلامتك يا بشمهندس

الله يسلمك ياجميل

**shaddadfalcon1** · 22-08-2011 11:27 AM

فين ايام زمان لما كان الواحد يفضل يحرك الضرس بايده ولسانه وفي الأخر يربطه بفتله ويشده ويقول ياشمس ياشموسه ويرمي الضرس قال عشان يطلع ضرس او سنه حلوه مكانه

**Dr_Mido** · 22-08-2011 11:35 AM

المشاركة الأصلية كتبت بواسطة shaddadfalcon1

فين ايام زمان لما كان الواحد يفضل يحرك الضرس بايده ولسانه وفي الأخر يربطه بفتله ويشده ويقول ياشمس ياشموسه ويرمي الضرس قال عشان يطلع ضرس او سنه حلوه مكانه

متقلنا عنوانه فين طيب و كشفه كام و الحشو اتكلف كام

المفرض اعمله بس انا بستهبل

**shaddadfalcon1** · 22-08-2011 11:55 AM

المشاركة الأصلية كتبت بواسطة dr_mido

متقلنا عنوانه فين طيب و كشفه كام و الحشو اتكلف كام :_alshmokh11: المفرض اعمله بس انا بستهبل

ده دكتور عندنا في كفرالدوار اسمه سيد القوبيصي وهو راجل تحس انه جييك كده شبه انيشتاين

الكشف 21 مش عارف ليه الجنيه ده بس تقريبا البنت بتاخده
اول مره حشيت حشو مؤقت دفعت 50 جندي
تاني مره بعد اسبوع لما الموضوع فشل وبدانا في حشو العصب عرفت ان التكلفه 160 حشو بما فيهم ال 50 جنيه اللي دفعتها للحشو القديم يعني باقي عليا 110

التلبيسيه في ب 150 ودي بورسلين ومن جوه معدن
وفي كلها بورسلين ب 350

الحمد لله من اول جلسه حشو عصب اول البارح حاسس باريتاح كتيير وعلي الأقل بشرب مياه عادي من غير الم والنهارده ان شاء الله رايح تاني

ونصيحه بلاش تتطنش عشان ممكن يكون فيه حاجه بسيطه وسكوتك عليه يبوظ الدنيا اكتر

**mesaharaty** · 23-08-2011 11:50 PM

المشاركة الأصلية كتبت بواسطة heshamzaky

لو فى القاهرة ممكن أقولك على دكتورين واحد فى مصر الجديدة عند ميدان هليوبولس و دكتور تانى سنا صغير نسبيا حوالى 35 سنة بس شاطر فعلا و العيادة رايقة جدا و نظيفة فعلا فى ميدان السبع عمارات مصر الجديدة برضو
و الاتنين البنج الى عندهم ممتاز هههههههههه بجد و الله مش حا تحس بحاجة
و الاسعار نفس اسعار أى عيادة خاصة و متعارف عليها

من فضل حضرتك برجاء كتابة أسماء وعناوين الدكاترة دول للضرورة والأهمية

مع جزيل الشكر