-
استفسار عن حشو العصب
السلام عليكم
معلش ياجماعه انا سالت في العياده بس محدش رد عليا وعايز اعرف اراء الناس في موضوع حشو العصب عشان انا كشفت علي ضرس هيموتني من الالم وكنت حاشيه من اكتر من 10 سنين وباظ الحشو والدكتور عملي حشو مؤقت الأسبوع اللي فات وارتحت عليه نص الأسبوع وبعدين بدأ في الم تاني ولما رحت يوم الخميس اللي فات وقلتله علي الألم قال يبقي هنحتاج حشو عصب وطلب اشعه علي سناني وهروحله النهارده
انا عايز اعرف ايه اللي بيتم بالظبط وهل الموضوع مؤلم ولا لآ وهل بيفضل كتير ولا كام شهر ويبوظ عشان سمعت انه بيموت العصب وان الضرس بعدها بكام سنه بيقع ولازم يتعمله تلبيسه
وعايز اعرف كمان الأسعار ايه
متشكر ليكم مقدما
-
انا عامل حشو عصب من سنة ونصف تقريبا
هو فعلا الضرس بيكون اضعف لأن العصب بيموت
والافضل يتعمله طربوش
انا ناوي اعمله طربوش لن فيه جزء منه اتكسر فطبيعي نحمي اللي فاضل بقا عشان ميروحش كله
ههههههههههههههههههه
بس هو مدام وصلت لمرحلة حشو العصب يبقا الحل الوحيد انك تحشيه حشو عصب والا هيفضل الألم دا مستمر وهيبقا فيه التهابات في اللثة وما شابه
ربنا يشفيك يا صديقي
-
لو هتعمل حشو عصب يبقى لازم طربوش بعد الحشو حشو عصب فقط يبقى حل مؤقت لاكن الحل الصحيح هو الحشو ثم طربوش .
خلى بالك الموضوع مكلف شوية بس الاسنان حاجة لا يمكن تعويضها .
-
حشو العصب لازم معاه تلبيسة (يفضل) عشان السنة بعد ازالة العصب بتضعف و ممكن تتكسر مع الأكل
أنا عملت حشو عصب مرتين
التكلفة حسب أخر مرة سألت الدكتور تقريبا ألف جنيه(حشو عصب مع تلبيسة محترمة)
المهم تكون التلبيسة نضيفة(سيراميك من برة و من جوة معدن) على حسب مأفتكر
العلاج هياخد 3 أيام أو أربعة جلسات و بين كل جلسة و التانية يوم أو يومين راحة
أي استفسار فى الأسنان أنا الخدمة من واقع تجربتى بسسسسسسسسس
-
لو هتعمل حشو عصب يبقى لازم طربوش بعد الحشو حشو عصب فقط يبقى حل مؤقت لاكن الحل الصحيح هو الحشو ثم طربوش .
خلى بالك الموضوع مكلف شوية بس الاسنان حاجة لا يمكن تعويضها .
-
انا فاهم موضوع الطربوش او التلبيسه ده
جميل قوي يبقي كده متفقين - سيراميك من بره ومعدن من جوه
ياتري لازم نفس الدكتور اللي يعمل الحاجتين ؟ الحشو والطربوش؟
هل بتحس بيه وانت بتاكل او لما تحرك لسانك عليه؟
هل بيبقي شكله باين؟
لما كنت عند الدكتور حد ساله البنت اللي هناك عل التلبيه ردت ان في ب 150 وفي حاجه نظيفه ب 350 هي دي اسعار مظبوطه ولا حاجات مضروبه؟
-
انا كان عندي زيك باظبط و اتكسر منه حته و كان بيموتني من الوجع الدكتور قالي علاج عصب و بعدين حشو و بعدين تلبيسه ....... قولتلو اخلع بلا وجع دماغ و اهو زي الفل.
بس نصيحه اختي عامله تلبيسه و الدكتور كان وحش مدايقها لحد دلوقتي فابلاش تسترخص فيها.
-
انا الضرس عندي سليم مفيهوش مشكله خالص غير انه كان زماااااااااااااااااان فيه حته تسوس بسيطه فالدكتور نضفها وحشا مكانها ووجعني م شهر وانا اتغابيت وكبرت دماغي يمكن لو كنت عملت الموضوع اول ماوجعني مكنش كل ده حصل بس ارادة ربنا والحمد لله
محدش جاوبني اسعار الحاجات دي ايه عشان اعرف ان اللي الدكتور بيقول عليها دي نظيفه ولا
-
الأسعار بتختلف من مكان لمكان
بس هو سعر الطربوش في المعمل الطبيعي يعني والمتوسط النضيف ب 150 جنيه
بس طبعا بيختلف السعر حسب المكان
يعني لو دكتور في شبرا ممكن يحاسبك عليه ب 150
دكتور في مصر الجديدة او مدينة نصر هيحاسبك عليه ب 500
دكتور في وسط البلد هيقطم وسطك
وفي النهاية هتلاقيهم كلهم واحد
اللي بيفرق الدكتور اللي بيركب وهيظبطهولك بس مش اكتر
-
انا لسه عامل الأشاعه وجي دلوقتي ورحت حجزت عشان خفت اروح بالنهار حاجه تيجي في بقي وتفطرني
سالت البنت اللي هناك قالت الحشو ب 160 (انا كنت دافع اول مره 50 فقالت دي من ضمن ال 160 يعني هدفع 110 كمان)
والتلبيسه في 150 اللي هي بورسلين ومن جوه معدن ب 150 وفي كلها تقريبا بورسلين ب 350 يعني الليله كلها هتبقي ب ب 510 + 20 كشف يعني 530 بس يارب يجي بفايده
انا بس خايف قوي من موضوع انه بشيل العصب ده وانا بيوجع جامد اصلي بصراحه في الحاجات دي اجبن خلق الله
Content Relevant URLs by
vBSEO 3.6.0 PL2