السرعة القصوى على طريق مصر اسكندرية الصحراوى

**Ahmod** · 28-08-2011 03:49 AM

المشاركة الأصلية كتبت بواسطة Shazlovic

هو في بليل علي مصر اسكندريه رادار بيصور ؟؟ لاني كنت راجع 160 كده من يومين و حسيت كده بفلاش مرتين !!! بس مكنش في كمين ولا حاجه انا قلت زينون بس واضح كده اني اتصورت .. اما اروح كوداك بقي اجيبهم هههههه

المشاركة الأصلية كتبت بواسطة prince93

انا دورت قبل ما اعمل الموضوع هنا ولقيت حد كان كاتب مشاركة بتاريخ 21/7/2011 ان الرادارات الثابتة موجودة عند الكبارى.. معرفش صح ولا غلط

المشاركة الأصلية كتبت بواسطة icehearted girl

طيب أماكن الرادارات فين تقريبا؟؟

هو فعلا فيه رادارات بتصور بليل وللاسف محدش بيكتشف الا لما يجي يجدد الرخصة ويلاقي الغرامات !

هو اماكان الرادارات بصراحة مش عارفها لكن فيه طريقة ناس كتير بتتبعها

لو شفتلك مكروباص هاينس من اللى بيبقو شغالين على الطريق لما تلاقيه مرة واحدة مهدي وماشي على 80 اعرف ان فيه رادار

بعدها هتلاقي فضل مدة ماشي براحة بعد كدة فتح تعرف ان الرادار عدى

**icehearted girl** · 30-08-2011 08:58 PM

شفت امبارح رادار كان تحت اول كوبري بعد دينا فارم بظبط

بس معتقدش شغال انا كنت ماشية طول الطريق 130 _140 تقريبا بس الناس كلها كانت بتجري

**Dr.M.Mowafy** · 03-09-2011 02:28 PM

ياخبر يا جدعان ده انا كده لبست التمانيه
ده طول الطريق علي 180
ربنا يسترها ابويا هيسحب العربيه مني كده

**icehearted girl** · 03-09-2011 02:30 PM

أمبارح رجعة 120 الطريق فعلا كان زحمة داغير اني مبقتش اشوف بلليل خلاص

بس شفت رادار بعد بوابة اسكندرية ب 20 كيلو تقريبا وصور نيوسيراتو بيضة كانت ماشية علي شمالي

**khaled_sabry** · 04-09-2011 12:23 PM

اللى اعرفه ان على الزراعى السرعه القصوى 90
و على الصحراوى 120 ...
بس خد بالك كل مره لما بسافر اسكندريه بلاقى كتير ممسوكين رادار

**beshomilan** · 05-09-2011 07:09 AM

و على الصحراوى 120

لا يافندم 100 بس
اليافطة فى اول الطريق مكتوب 90 للملاكى و 100 للتخطى
وفعلا كان فيه كمين فى وسط الطريق فى الصحرا من كام اسبوع وكانوا موقفين عربيات مفيمة وجيب ومش عارف ده للرادار ولا للفاميه وخلافه
بس ياجماعة الطريق مش نضيف اوى للدرجة دى انا حافظه

ياخبر يا جدعان ده انا كده لبست التمانيه
ده طول الطريق علي 180

ربنا يستر ومتقلقش بس متكررهاش تانى

شفت امبارح رادار كان تحت اول كوبري بعد دينا فارم بظبط

بس معتقدش شغال انا كنت ماشية طول الطريق 130 _140 تقريبا بس الناس كلها كانت بتجري

لا يافندم محدش بيجرى عند الرادارات غير الملاكى وبس انما لو حضرتك جيتى ورا مكروباص تويوتا اللى هو شغال عالخط هتلاقيه بيهدى دايما عند كل رادار حتى لو عدسة الرادار مقفوله..واظن دول ادرى مننا بالطريق بحكم شغلهم انما بعد الرادار بيكون المكروباص ده واصل لل 160
بس حضرتك خدى بالك ان الرادارات انتى متعرفيش هى شغاله ولا لا فحضرتك بتقولى اكيد هما مش واخدين بالهم يعنى يعدوا جنب الرادار بسرعة ومش عارفين انه موجود فحضرتك بتجرى زيهم وده مش صح والواحد يخليه فى الامان افضل
ليه انا باركب عربية وبوفر مصاريف مواصلات كتيرة وفى الاخر ادفع على رحلة يوم لاسكندرية 1000 او اكتر وقت الترخيص؟؟؟