-
طلب مساعده لشراء ميجان
السلام عليكم جميعا و كل عام و انتم بخير
انا ناوي اجيب عربيه في حدود 60 ل65 كده و دورت كتير و صراحه لقيت الميجان شكل و كماليات و كمان سيفتي عاليه جدا و خصوصا انها واخده 5 نجوم في اختبارات التصادم الاروبيه
انا طبعا استغربت جدا اني الاقي عربيه زي دي 2005 او 2006 و بالسعر ده و على النقيض عربيه كوري امانها صفر اغلى منها
لما سألت عرفت ان فيها مشاكل في دوائر الكنترول و ان شغل الكهربا فيها عالي شويه
فانا بصراحه طالب رأيكم 2005 ولا 2006 ؟
هل فعلا الاعطال كتيره اوي و محتاجه كل كام يوم زياره للتوكيل ؟
وهل العربيه تتحمل الشغل ؟
خصوصا اني طالب جامعه وهحتاجها كتير اوي و اول عربيه ليا
وايه اخبار اداء العربيه في المدينه و الطرق المفتوحه ومع التكيف ؟
واخر حاجه معلش طولت عليكم
قطع الغيار خارج التوكيل و الفنيين خارج التوكيل موجودين ولا ؟ مع اني طبعا مايل ان يكون شغلي ديما مع التوكيل بس برضو في حدود المعقول
واسف للاطاله
-
انا مش معايا ميجان
بس بدور علشان اشتري وحده
قبل ماأرد عليك : انا هنصحك علشان انت لسه طالب جامعي انك تخليك في بورا
علشان مشاكل اقل بكتير وقطع غيار ارخص
وفوق ده كلوا ألماني .. وركوبة جميله قوي
بالنسبة للميجان..
الأول اقرى الموضيع دي كويس
http://www.nilemotors.net/Nile/24062-ii.html
و انا هقولك إلي اعرفه من التدوير بتاعي الكام اسبوع إلي فاتوا
1- السيدان ابعد عنها كلها علشان هي تركي
*فيه ناس بتبيع سيدان بتقول عليها فرنساوي... الحقيقة انا مش عارف الكلام ده صح واله لاء
2- الهاتش باك : جبها و انت مغمض
وده علشان هي الشكل الأصلي وكلها فرنساوي 100%
وكمان مشاكل التكيف مش موجوده قوي فيها
الفرق ببين 2005 و 2006
2005 بتلاقي عربيات هاي لين ورغم كده مافيهاش مثبت سرعة
بس ساعات بلاقي 2005 ب مثبت سرعة بس بيقلولي دي فرنسي مش تركي
2006 فيه منها اول السنة واخر السنة
اول السنة نفس شكل السنين إلي قبليها
اخر السنة غيروا شنب العربية بقى مسحوب والفانوس بقى مسحو وفيه عدسات
الفونيس الخلفية مختلفة
نور الطبلوة ابيض ثلجي بدل اللون الأورنج
الفرق بين الشكلين قبل اول 2006 و اخر 2006 والسنين إلي بعدها
انه ظهر عيب في السوفتوير بتاع الفيتاس في موديل 2005
طبعا الناس إلي بتفهم راحت التوكيل نزلوا سوفتوير جديد والفتيس بقى زي الفل لحد النهاده
بس علشان المصريين بيتعقدوا ويتشأموا وبتاع... الشركه قررت تعدل الشكل علشان تقول ان العربية مافيهاش مشاكل بالشكل الجديد
علشان كده هتلاقي فرق سعر بين الشكلين مع انهم واحد
الخلاصه:
1- خليك في الهاتش باك
2- ياريت تخليك في 2006 فيما فوق علشان لمه تيجي تبيع وكمان إحنا 2012 دلوقتي و 2005 بقت بعيده
3- لو هتركب سيدان انصحك تسأل كويس على موضع الفرنساوي إلي قولتلك عليه
مشاكل الميجان من وجهة نظري:
1- الصاج: كلها فبر : طبعا خفيفه في الجري بس مش هتعرف تبلطج في السواقة المصري
2- التكيف: كل الأوروبي كده , بس هتكره نفسك في الصيف في الزحمة علشان العربية مش هيخشلها هواء كفاية تبرد
الهاتش باك مش بيشتكوا من المشكلة دي قوي
3- كويل الموبينة: وده تمنه حوالي 175 دلوقتي بعد ماكان 500
وده لمه بيقطع بقطع البوجية إﻷي ركب عليها يعني كإنها قطعت بوجية بالضبط
ملهوش ميعاد تغير واضح بس هو بيضرب انت وظروفك
4- طرمة المية: ودي فيها كلام بس تقريبا كل الموديلات عد 2006 مش عندهم مشاكل فيها
ولو حد 2006 وقبل كده وبيتعامل مع التوكيل بيغيروها بنوع جديد مش بييتغير كتير
دي المعلومات إلي اتقلتلي ودورت ورها
بس إستنى حد معه ميجان يرد عليك احسن برضوا
وربنا يوفقك
-
ده حضرتك ادتني معلومات مهمه جداا خصوصا اني كنت بفكر في السيدان
بجد تسلم اوي اوي
انا بقرأ في المواضيع دي من امبارح والله و باين ان معظم المشاكل اللي الناس بتتكلم عنها بتكون لجهلها بالhigh tech اللي في العربيه
على العموم ادينا بندور في عالم الميجان اهو و خلينا على تواصل :)
-
إن شاء الله ربنا يكرمك بعربية تكون كويسة
ولو فيه اي حجه كلمني برضوا
Content Relevant URLs by
vBSEO 3.6.0 PL2