اصبر عليا يومين احنا بندور على عربيه للاعمال الشاقه جدا وتكون حالتها ومصرفها كويسه ...........بس هتريحنا فى السعر شويه
ربنا يوفقك في البيع
بالتوفيق ياباشا ف البيعاقتباس:
وتقدر تروح بيها شاسيه حديد ترجع بيها رانجلر بجد فلو هو مخدهاش انا هروح معاه واصرف ال5 تلاف عليها بس هطلب 22 وساعتها الوضع هيتغير لانى هشترى النص اللى فوقق على بعضه بسلطاته ببابا غنوجه
بس ممكن حضرتك توضحلنا ف حاله صرف ال 5 الف جنيه عليها ايه اللى هيتغير ؟ وايه موضوع النص اللى فوق ده ؟؟
وهل فى امل العربيه دى يبقى فيها تكيف تلاجه ؟؟
ف انتظار رد حضرتك
لقد خاننى التعبير وااسف عليه المشترى المناسب مع ان الزبون مش معناه ضحيه وابحث فى معجم اللغه اولا \ وربنا يوفقك فى البيع \ وبعدين انا قولت متحلمش مجاذا لااكثر طبقا لظروف البلد مش اكتر \ وعموما ظروف سعيده بمعرفة حضرتك \ وبعدين خلى عليه الكفته وانت السلاطات وبابا غنوج هههههههههههه
العربيه دى مختلفه عن العربيات العاديه ان ملهاش دواخل وكده والعربيه مقسومه نصين النص اللى تحت وده عباره عن فرد الشاسيه والات الجر والتعليق والموتور بالفتيس بتنك البنزين برقم الشاسيه وده اهم حاجه
النص اللى فوق عباره عن الصاج كله بالبابين والزجاج والسقف والكراسى والضفيره والعدادت والقطمه وبيكون مقفول زى العلبه من فوق ومن تحت بمعنى انك لو جبت النص اللى فوق(اللى اسمه كروسليه) نضيف ومقفل كويس ممكن تركب تكييف وانت مرتاح لانه هيكون معزول وممكن تركب موديل احدث بس مش اكتر من 96 اللى هى الفانوس المربع لان بعد كده الموضوع بيتغير والعربيه تكوينها نفسه بيتغير
انا سالت عليه كامل هنا فى شبرا شارع الجسر لقيته من 7 الى 10 وده نصب طبعا لكن فى بلبيس والقناطر الموضوع بيختلف تماما متدفعشى اكتر من 5 ولو حابب تروش مش اكتر من 7
حضرتك تعرف حد معين في بلبيس بيبيع الكروسليه التسعينات ب 5 الاف؟؟
اصل على ما أسمع ان الكروسليه فاضي ب3 الاف (من غير بيبان او سقف او كبوت او اي شيء) - و لو كامل بيكون ب 10 الاف... من غير السقف الفايبر...
السقف الفايبر لوحده من 3 - 5 الاف جنيه... يعني عشان اقفل العربية كاملة لازم في حدود 12-13 الف جنيه.... و دا حسب معلوماتي....
لو فيه شيء غلط في اللي أنا قلته أرجو أن حضرتك تبعتلي رقم و عنوان التاجر اللي عنده الحاجات اللي قلت عليها أرخص و انا هروحله فورا ... عشان انا محتاج الحاجات دي.... و أكون شاكر جدا ليك.....
يبقى كده فى حاجه غلط ياما انا سمعت غلط ياما الراجل اللى جى من بلبيس ده بيضحك عليا او ممكن يكون مجمع كروسليه حته من هنا وحته من هنا وموضوع الكشاف المربع ده اسهل حاجه بالنسبه ليه سيبنى اتاكد وارجعلك تانى
واظن احسن وسيله انى انزل هناك بنفسى واسال كانى هشترى وان شاء الله اكتب الاسعار زى ما الناس هتقولى ولا اقل ولا زياده
وبصراحه انا بثق فى كلامك جدا يا استاذ مينا من ساعه ماكنت بدخل اشوف مواضيعك فى قسم الجيب
وتقريبا كل اللى انا عرفته عن الجيب كان من خلال مواضيعك دى
:) ربنا يخليك أشكرك لذوقك و كلامك...
بص يا سيدي... بلبيس فيها واحد مشهور اسمه الحاج رمضان... دا ورا المقابر ... بعد العدلية....
و دا أشهر واحد في الحاجات ديه في المنطقة ... أكيد في غيره....
بس اللي عايز أقوله أن بلبيس بياخدوا شغلهم من الجسر.... و بتوع الجسر بياخدوا شغلهم من القناطر.... و من كفر الشيخ (تحديدا دسوق)
كمان هتلاحظ في عربيات بلبيس أن كلها متقفلة جلد... نادر أوي أما تلاقي تقفيلة صاج أو فايبر....
السؤال... هل انت عايز توضب بعدين تبيع؟؟
ولا عايز تبيعها على حالها؟؟
في حالة أنك عايز تبيعها على حالها.... رأيي ظبطها ميكانيكيا.... و سيبك من الشكل (اللي هيشتري يظبط الشكل على مزاجه) بس أهم شيء يكون كل حاجة شغالة (الباور... الموتور متسرفس و فايق.... الفتيس زيته مش ناقص... الكوارين مش بترشح زيت - صلايب الكردان مش بتدربك....الخ....)
ميكونش فيه ترشيح زيت من أي مكان باختصار.... و كل الكهربا تكون شغالة (اشارات و انوار)
عشان بس تبقا البيعة بما يرضي الله.... و ماتعطلش بالمشتري و يحتاس نظرا لقلة خبرته....
بعد كدا.... بيع و اللي عايزها ياخدها و يشدها.....
و للأعضاء اللي بيفكروا في الرانجلر.... أحب أقولكم...الرانجلر مش العربية المريحة... اللي فيها التابلوه الشيك.... و العدادات التحفة.... لا... هي أقرب للميكروباص من جوة.... لكن بصراحة... عربية تمشي عالحيطة..... شاسيه حديد.... يعني من الاخر... لو معاك لانسر او كيا سيراتو أو اي حاجة حديثة.... تقدر تجيب الرانجلر اللي ب 15-16 ديه..... و تعملها للمشاوير البهدلة..... اللي فيها مطبات جامدة.... اللي في حتت شعبية شويتين و العيال ممكن تتشعبط عالعربية.... سوق خضار.... الخ....
و اهي تبقا حافظتلك على عربيتك التانية....
شكرا للرد الوافى واظن بعد كلامك ده انا مقدرشى اقول حاجه وانت فعلا نورت الموضوع واللى عايز يشترى لو قرا الكلمتين دول هيفهم كل حاجه
انا فعلا عايز ابيع على كده والعربيه ميكانيكا تمام والموتور والعفشه مفيهومشى حاجه بس طبعا العفشه ناشفه حبتين وده طبيعى بس موضوع الباور متعقد منه لان كان فى صنايعى اشتغل فيها بس معندوش ذمه ومع انى اشتريتله عليه دريكسيون كويسه الا انه تقريبا بوظ الاتنين ومن ساعتها وانا مش عايز اروح لحد تانى بس مش معنى كده ان الدركسيون تقيل مووت لا عادى مع ان الجنوط عريضه واظن ان المكنه لسه فيها نفس انا لسه راجع بيها حالا من بره كنت فى القاهره الجديده وفى شوراع هناك مكسره جدا ولسه ببترصف بس هى ما شاء الله كانت ثابته نفسها مع انها كسرت عضمى حبتين وكنت بجرى على 100 ل 130 فوق الدائرى هى مفيهاش عداد سرعه بس انا معايا جى بى اس من غير قلق ولا صوت من الكرونه وهى طبعا اربع غيارات بس
ناقص بس تكه كهربه بسيطه عشان النور الصغير ورا فاصل لكن العالى والواطى والفرامل مفيهومشى حاجه