مشكلة غريبة

**shark_3li** · 20-08-2011 04:41 PM

السلام عليكم
انا عندي عطل في طلمبة البنزين كان سبب اكتر من مرة ان العربية تعطل بيا بسبب ان البنزين بيخلص
انا هحاول اشرح العيب علي قد ما اقدر و يا ريت الاقي مساعدة
دلوقتي انا لو فولت العربية بيكون مؤشر البنزين عندي مليان علي الاخر و بيفضل يقرا كمية البنزين الي موجودة في التانك قراية صحيحة ويقل طول ما انا ماشي بالعربية و مبطلتهاش لكن اول ما ببطل العربية وادورها تاني الاقي العداد طلع علي الاخر تاني كاني فولت العربية طبعا انا بكون ماشي بالعربية معرفش هي فيها اد ايه بنزين و بطلت مني مرتين لان البنزين كان خلص وانا كنت فاكر ان لسا فيها كتير
انا كنت سالت علي المشكلة دي في التوكيل بتاع شارع النادي الرياضي الي في الجيزة و قالي دي مشكلة عوامة بس لازم تغير طلمبة البنزين كلها لان العوامة لازقة فيها و طبعا الطلمبة نفسها مفيهاش اي مشكلة ف انا محتاج اي حل تاني غير حلول التوكيلات الي كلها شيل و هات جديد
معلش هتقل عليكم في مشكلة كمان غريبة
عندي شاشة المعلومات الي في نص التابلوه بليل بتكون كويسة جدا و مفهاش اي مشكلة لكن اول ما بخرج بالعربية في الشمس الاقيها جابت خطوط و اختفت و مبقاش ظاهر منها اي حاجة بردو لو حد يعرف حل للمشكلة دي يا ريييت الافادة
و بجد اسف جدا علي الاطالة

**mbx4e** · 26-08-2011 09:48 PM

كان في اخ هنا عامل الحوار دا ومغير قلب العوامه
وعامل موضوع عن كدا

**mbx4e** · 26-08-2011 11:33 PM

خد ياباشا الموضوع دا موفرلك بالميت 1000 جنيه وربنا معاك بجد حوار الطرمبه دا غتيت خش وقلي ايه رايك وادعي لصاحب الموضوع وليا بالمره بس كمل قراءة الموضوع هاتستفيد اكتر

:: نــايــل مــوتــورز:: - :: NileMotors.net ::

دا بس عشان احنا جيران

**mbx4e** · 26-08-2011 11:45 PM

http://www.nilemotors.net/Nile/193124-sw307.html

ايون هو دا

**amadjoo** · 27-08-2011 01:51 AM

السلام عليكم،

بص يا باشا بالنسبة لموضوع العوامة ده هو غتيت فعلا وأنا بدأ يحصل عندى نفس المشكلة تقريبا وسألت برضو وعرفت أنه ماينفعش تغيير العوامة لوحدها لأنها متركبة فالطرمبة علشان كده انا حاليا بلجأ لعداد الرحلات وكل مرة أفول أصفره وأشوف الإستهلاك تقريبا قد إيه ومن خلاله أقدر أعرف التنك فيه قد إيه.

أما الحل التانى فممكن تفك الطرمبة وده هتلاقيه فالموضوع اللى كنت عامله (مع الأخذ فالإعتبار ان أنا عربيتى sw) وتجرب تلعب فالعوامة على خفيف كده وتنضف الطرمبة

ودى هى بس الحلول اللى انا وصلتلها إلا لو حد عنده حل تانى ياريت يقولوا

بالنسبة لموضوع الشاشة ده فغالبا الشاشة دى جه عليها ميه أو اتنضفت بفوطة مبلولة قبل كده وهو ده السبب. ف ياإما تغيرها أو تتعايش معاها كده أحسنلك

تحياتى

**gazzar91** · 27-08-2011 03:25 AM

المشاركة الأصلية كتبت بواسطة mbx4e

كان في اخ هنا عامل الحوار دا ومغير قلب العوامه
وعامل موضوع عن كدا

مشكور على جهدك...
بس المشكله هنا في العوامة أو العداد و ملهاش دعوة بموتور الطرمبة خالص

في رعاية الله

**shark_3li** · 27-08-2011 11:56 PM

أستاذ محمد اليماني أكتوبر منورة بيك وشكرا على تعبك معايا
امادجو باشا تقريبا عربيتك هي المعايا . نفس المشاكل بظبط سواء الفتيس أو العوامة ودول أكبر مشكلتين عندي والباقي كله حاجات بسيطة بس إن شاء الله نلاقيلهم حل وانا إن شاء الله زي ماقلت لحضرتك أول ما هوصل لحاجة هابلغك

**amadjoo** · 28-08-2011 12:28 AM

واضح فعلا ان نفس المشاكل بالضبط...عموما إحنا مع بعض إن اء الله لحد لما نقضى عالمشاكل كلها أو نخلص إحنا
:)

**MuhamedNabil** · 28-08-2011 01:07 AM

طرمبة البنزين بتاعت ال SW غير بتاعت الهاتش باك العادية, انا حصلى الموضوع ده و غيرت الطرمبة لانها بعد كدة ماتت خالص , الدراع بتاع العوامة بيتفك و بتركب بس المشكلة انك تلاقى اليرضى يبعلك دراع بس, على العموم كل شىء جايز

دى صورة الطلمبة بتاعت الهاتش باك من فوق يعنى لو شيلت الكنبة و شيلت الغطاء البلاستيك ده المنظر

و دى صورة العوامة