بعد التشاور مع اعضاء المنتدي "الاعزاء" هذا ما احتاجه للسيفك 93

انا غيرتلها 4 ببان قبل كده وجبتهم جداد وجبت فيهم قزاز كهربه , وكنت فاكر ان الموتور تعبان وديته عند الميكانيكي قالي انه يستحمل انا بس غيرتله جوان ,

1- عاوز اشتري فيلتر بنزين وفلتر هواء جديد او استيراد ايهما اصلح
2-مرايات ضم + عاوز اغير مواتير القزاز وناس قالتلي الاحسن بتاعة الاوبترا
3-عاوز اعمل فرش كامل بالتنجيد + الابعه باب
4- كساحات جديده ورا وقدام , وهل هغير الاكصدامات ولا هلحمهم فيها ؟؟ انا شايف ان حالة الاكصدامات كويسه
5-اغير كهربة العدادات كلها لان فيه لمبات مش بتشتغل واغير ورق العدادات واجيب فوانيس رينجات وليدات ورا
6-عاوز اعرف سعر الجنوط كام تقديرياً + سعر الكاوتشات هتكلفني كام كلها علي بعضها
7-هعملها ضوكوا وهرشها كامله , والسقفيه عندي الحمد لله كويسه
8- عفشه كامله بسوست نضيفه تحسسني اني راكب عربيه ولا افكر في مطبات هوا ولا احس ان فيه حموله زايده ولا تدقدق ولا تزيق ولا اي حاجه. عفشه من الاخر يعني
علما بأن استخدام العربيه في الصعيد وربنا يستر ويخليك ليا يارب

اقتباس:

---

المشاركة الأصلية كتبت بواسطة weca

انا غيرتلها 4 ببان قبل كده وجبتهم جداد وجبت فيهم قزاز كهربه , وكنت فاكر ان الموتور تعبان وديته عند الميكانيكي قالي انه يستحمل انا بس غيرتله جوان ,

1- عاوز اشتري فيلتر بنزين وفلتر هواء جديد او استيراد ايهما اصلح
2-مرايات ضم + عاوز اغير مواتير القزاز وناس قالتلي الاحسن بتاعة الاوبترا
3-عاوز اعمل فرش كامل بالتنجيد + الابعه باب
4- كساحات جديده ورا وقدام , وهل هغير الاكصدامات ولا هلحمهم فيها ؟؟ انا شايف ان حالة الاكصدامات كويسه
5-اغير كهربة العدادات كلها لان فيه لمبات مش بتشتغل واغير ورق العدادات واجيب فوانيس رينجات وليدات ورا
6-عاوز اعرف سعر الجنوط كام تقديرياً + سعر الكاوتشات هتكلفني كام كلها علي بعضها
7-هعملها ضوكوا وهرشها كامله , والسقفيه عندي الحمد لله كويسه
8- عفشه كامله بسوست نضيفه تحسسني اني راكب عربيه ولا افكر في مطبات هوا ولا احس ان فيه حموله زايده ولا تدقدق ولا تزيق ولا اي حاجه. عفشه من الاخر يعني
علما بأن استخدام العربيه في الصعيد وربنا يستر ويخليك ليا يارب

---

انا هاجاوبك حسب ترتيب الاسئلة :

1- بالنسبة لفلتر البنزين هات اليابانى ب125 جنية وفلتر الهواء هتجيبة ب110 جنية طبعا كلة جديد

2- مرايات ضم + الزرار + الضفيرة سعرهم 400 جنية مكنة الزجاج افضل حاجة الاصلى بتاعها ويكون نظيف

3- فرش كامل بالتنجيد 1200 جنية وبيطلع تحفة

4- هات طقم كيت sir سعر الواحد 250 جنية امامى وزيه خلفى

5- لمة العداد ممكن تكون محروقة فك العداد ونظفة كويس وغير اللمض كلها باخرى جديدة نفس الفولت والدنيا هتظبط وماتعملش اكتر من كدة ولو عايز تغير الورقة بتبدأ من 250 الى 300 جنية

6- احسن جنوط للعربية دية ال 15 وبتبدأ من 1800 جنية طبعا تايوانى او ماليزى لكن لو اصلى بتبقى غالية , الكاوتش حسب النوع بيفرق بس عموما الكاوتش لوحد مش هيعدى 2800 جنية

7- الرش + السمكرة بيتكلف 3500 جنية لو فية سمكرة فى العربية جامدة شوية

8- عفشة كاملة امامى وخلفى هتتكلف 3500 الى 4000 جنية بالمساعدين بس هيبقوا استيراد حالة نظيفة ودول انظف

6- احسن جنوط للعربية دية ال 15..........انا عندى مركب ال 15 يا سمسم بس لما بركب نااس الكوتش اليمين ورا بيحك فى الرفرف انا عااوز اعرف ده من ايه مع انى مركب علايات محترمه جدا بس هاتجنن لما باخد متلا نقره على السريع تسمع حكه الكوتش فى الرفرف بيبقى قلبى بيتقطع ......ارجوك اعرفلى المشكله فى ايه واشمعنى اليمييييييين..ومعلش برده هل المفروض الجنط ال 15 ميحكش ولا يحك ....معلش طولت عليكو

اقتباس:

---

المشاركة الأصلية كتبت بواسطة semsem kane

انا هاجاوبك حسب ترتيب الاسئلة :

1- بالنسبة لفلتر البنزين هات اليابانى ب125 جنية وفلتر الهواء هتجيبة ب110 جنية طبعا كلة جديد

2- مرايات ضم + الزرار + الضفيرة سعرهم 400 جنية مكنة الزجاج افضل حاجة الاصلى بتاعها ويكون نظيف

3- فرش كامل بالتنجيد 1200 جنية وبيطلع تحفة

4- هات طقم كيت sir سعر الواحد 250 جنية امامى وزيه خلفى

5- لمة العداد ممكن تكون محروقة فك العداد ونظفة كويس وغير اللمض كلها باخرى جديدة نفس الفولت والدنيا هتظبط وماتعملش اكتر من كدة ولو عايز تغير الورقة بتبدأ من 250 الى 300 جنية

6- احسن جنوط للعربية دية ال 15 وبتبدأ من 1800 جنية طبعا تايوانى او ماليزى لكن لو اصلى بتبقى غالية , الكاوتش حسب النوع بيفرق بس عموما الكاوتش لوحد مش هيعدى 2800 جنية

7- الرش + السمكرة بيتكلف 3500 جنية لو فية سمكرة فى العربية جامدة شوية

8- عفشة كاملة امامى وخلفى هتتكلف 3500 الى 4000 جنية بالمساعدين بس هيبقوا استيراد حالة نظيفة ودول انظف

---

دايما بتجيبلي من الاخر بأسعارك الجامده

بص ياسدس , انا معرفش حكاية سمكره جامده او خفيفه دي بس هو كل اللي ف العربيه تجاريح وخرابيش مش سمكره ولحام يعني ,انا معرفش تكلف كام , وثانيا العفشه كده سعرها عدي قوي , وسعر الجنوط + الكاوتشات ال4 كله علي بعضه يعمله كام ؟.؟؟

اقتباس:

---

المشاركة الأصلية كتبت بواسطة semsem kane

4- هات طقم كيت sir سعر الواحد 250 جنية امامى وزيه خلفى

5

---

بعد اذن صاحب الموضوع ... طقم الكساحات ده يركب على الاكورد ؟؟

اقتباس:

---

المشاركة الأصلية كتبت بواسطة mimmohonda

6- احسن جنوط للعربية دية ال 15..........انا عندى مركب ال 15 يا سمسم بس لما بركب نااس الكوتش اليمين ورا بيحك فى الرفرف انا عااوز اعرف ده من ايه مع انى مركب علايات محترمه جدا بس هاتجنن لما باخد متلا نقره على السريع تسمع حكه الكوتش فى الرفرف بيبقى قلبى بيتقطع ......ارجوك اعرفلى المشكله فى ايه واشمعنى اليمييييييين..ومعلش برده هل المفروض الجنط ال 15 ميحكش ولا يحك ....معلش طولت عليكو

---

طيب عموما المفروض ان ال15 دة مايحكش فى الرفرف اصلا

ودة سببة انك عندك السوست الخلفية ضعيفة بتاعة الجنب دة وممكن يبقى من المساعد

ولو مش عايز تغيرهم شوف ياسيدى اعمل اللى هاقولك علية دة

هتفك جوز المساعدين الخلفيين وتشيل العلايات بتاعتك وتجيب صدادات اصلية سعر الواحدة 30 جنية , وتخلى الفنى بتاعك يركبهم وقفل يامعلم وبالمرة اكشف على جلب الركب لو لقيتها مقطوعة غيرها وادعيلى وانسى ان قلبك يتقطع تانى

تسلم والله يا سمسم يا كبييييييييييير اوى يا ملك الهوندا ....من غيرك والله الواحد كان ضاع خااالص فعلا يا كبير طلع المساعد كتر الف خير ....غيرته جبت واحد جديد يابانى من مجدى الدسوقى ب 325 جنيه والدنيا بقت جميله ...تسلم يااارب يا سمسم

اقتباس:

---

المشاركة الأصلية كتبت بواسطة mimmohonda

تسلم والله يا سمسم يا كبييييييييييير اوى يا ملك الهوندا ....من غيرك والله الواحد كان ضاع خااالص فعلا يا كبير طلع المساعد كتر الف خير ....غيرته جبت واحد جديد يابانى من مجدى الدسوقى ب 325 جنيه والدنيا بقت جميله ...تسلم يااارب يا سمسم

---

ياباشا ربنا يخليك والف مبروك

بصراحة مالكش حل يا ا/سامح
بصراحة انت مكسب لينا كلنا