ازاى اصالحها علشان عايز اخطبها؟؟

**amr.elsayed** · 21-08-2011 12:39 AM

كل واحد ليه نصيبه .. لو ليك نصيب فيها حتتجوزها
وحاول تهدأ وتفكر كويس ... وخلى قلبك يهدئ شوية
علشان زى ما انت ليك طباع وبتحاول تغيرها علشانها
يبقى المفروض هى كمان تساعدك وتقف جنبك
لو مش مقدرة الموضوع دة .. لازم تبدأ تفكر بعقلك
علشان انت مش حتتجوز كل يوم
....................
نصيحة اخوية .. اوعى تكون انت ماغلطش فى حاجة وتعتزر
علشان الموضوع دة مش كويس وحتفضل تعتزر طول عمرك على اى حاجة
لكن لو انت مزعلها فعلا يبقى لازم تعتزرلها و تصالحها بس واحدة واحدة
..................
والاهم من دة كله ... ربنا يرزقك بالزرية الصالحة اللى تكون مطيعة ليك
واللى تخليك بطباعها الكويسة تحترمها وتشيلها فوق دماغك غير كدة يبقى فيه كلام تانى
....................
ومهما حصل ماتجرحهاش لان مافيش حاجة مستاهلة انك تضايق انسان خاصة لو كان انسان محترم
مجرد انكوا لم تتفاهموا مع بعض .... وربنا يوفقك لما فيه الخير

**nonetta** · 21-08-2011 01:14 AM

المشاركة الأصلية كتبت بواسطة stoon

متشكر جداً ياجماعة لكل ردودكم الجميلة وانا فعلا متاكد ان مشكلة الحساسية دى فيا ونفسى اتخلص منها ولازم اتخلص منها علشان ماخسرش احسن انسانة فى الدنيا بس المشكلة فى انى اصالحها اخر مرة بعتت ليا رسالة طلبت منى انى اسبها وانى ماحولش اصالحها وابعد عنها ورجعت هديتى ليها وكان اسلوبها جامد اعمل ايه من فضلكم؟علشان عايز اطلبها للخطوبة؟

على فكرة انت معذور في احساسك دة .. طبيعي ان الراجل لازم يحس انه ليه القوامة عن زوجته في كل حاجة
ويفضل انهم يكونوا متقاربين لان اي فرق بيعمل فجوة كبيرة جدا بعد الزواج
والفرق اللي بينكم سهل علاجه
وهيا كمان قدمت لك الحل على طبق من دهب انها عرضت انها تسيب الشغل
مش من السهل ان واحدة تضحي بشغلها وبنجاحها وبدخل كبيرمش كل يوم الواحد بيلاقي شغل بسهولة
وكان لازم تاخد موقف عشان تحسسك انها مش قليلة وتعرف قيمتها
وهيا فعلا مش قليلة ودة واضح من كلامك عنها
البني ادم اللي يلاقي واحدة زي كدة وما يمسكش فيها بايديه وسنانه ...يبقى ايه ؟
عشان ما تندمش يعد كدة عمرك كله

**SonaSteel** · 21-08-2011 01:37 AM

ماشاء الله عليكم والله ...... انا فرحان بالموضوع والرد الطيب من الاعضاء المحترمين دول
ربنا يجعله في ميزان حسناتكم
محدش محتاج يسأل علي اي حاجة بره المنتدي ادام اخوانه واخوته هنا بيدلوه علي الخير
احسبكم علي خير ولا ازكيكم علي الله
------------------------
انا بصراحة مش هاعرف افيدك اخي الكريم .... لاني ماليش تجربه قبل كده ... وبتعلم منكم والله
وربنا يدلك للخير ... وقبل كل ده حاول تصلي استخارة وتستخير ربنا ان هي اصلا نصيبك ولا لأ علشان تبقي علي بينه من أولها ..... وربنا ييسرلك كل خير يارب العالمين
اقعدوووا بالعافية :))

**Ashraf_Ibrahim** · 21-08-2011 03:20 AM

يبقا اللي هتعمله يا صديقي كالتالي بالترتيب:-
1- تصلي استخارة
2- تقرر انك تغير نفسك وتتخذ قرار بدا وتبتدي تخطط وتشوف انت هتعمل ايه تحديدا عشان توصل انك تتخلص من الاحساس اللي انت حاسه
3- تصلي قضاء حاجة
4- تبتدي تصالحها واوعا تيأس
البنات بيحبوا اصرار الولد على انه يصالحهم -ومن كلامك انت غلطت- يبقا اتحمل شوية نتيجة غلطتك وصالحها بكل السبل وبكل الطرق وصدقني الموضوع بسيط كلمتين حلوين او بوكيه ورد او كل يوم رسالة على الصبح حلوة وجميلة تفكرها انك فاكرها وكدة يعني
ظبط نفسك !

**heshamzaky** · 21-08-2011 03:39 AM

لو ناوى بجد و حا تقدر تتجوزها و ما تركنهاش مدة جنبك لغاية ما الامور تتظبط معاك و الموضوع داخل فى الجد و ممكن تتقدم و تخطبها فعلا و معلش فى طريقتى للنصيحة يعنى عندك مقومات الزواج و الارتباط الفعلى و حا تنجز الموضوع اسهل ما فى الموضوع انك تصالحها ازاى دة ابسط جزء
لو كل ما سبق متوافر يبقى نفذ ((( أخطفها ))) مش تخطفها يعنى تخطفها بالمعنى الحرفى لآ بس شد أنتباهها و أنزل زى الاسد بمنتهى الجراءة (((طالما الموضوع حا يبقى فية جواز و تتقدم لها ))) ممكن تعمل عفوا مجنون و ما تسيبهاش الا لما تصالحها دى مش صعبة ابدا و اسهل من السهولة

**SHNORY** · 21-08-2011 03:53 AM

انزل اشتريلها اكبر باكو شيكولاته تلاقيه في السوق
فيه بواكي كادبوري كبيره او جالاكسي مقاربه للنص كيلوا
ودبدوب يكون شكله ابن ناس
وبجوز جنيهات ورد
وقدمهملها واطلب منها تحديد ميعاد مع ابوها
وحاول تبصلها بنظره تانيه غير انها اعلي منك
لو هي اعلي منك فانت ارجل واحسن من شباب كتير
واكيد برضه هي فضلتك علي ناس كتير وارتبطت بيك انت
فيكفيك فخرا انها بتحبك وقابله انها تتنازل عن منصبها لمجرد شعورك بانها احسن منك
وربنا يوفقك
ومستنيين العزومه

**devilishtigers** · 21-08-2011 06:13 AM

المشاركة الأصلية كتبت بواسطة SHNORY

انزل اشتريلها اكبر باكو شيكولاته تلاقيه في السوق
فيه بواكي كادبوري كبيره او جالاكسي مقاربه للنص كيلوا
ودبدوب يكون شكله ابن ناس
وبجوز جنيهات ورد
وقدمهملها واطلب منها تحديد ميعاد مع ابوها
وحاول تبصلها بنظره تانيه غير انها اعلي منك
لو هي اعلي منك فانت ارجل واحسن من شباب كتير
واكيد برضه هي فضلتك علي ناس كتير وارتبطت بيك انت
فيكفيك فخرا انها بتحبك وقابله انها تتنازل عن منصبها لمجرد شعورك بانها احسن منك
وربنا يوفقك
ومستنيين العزومه

+999999999999999999999999999999999999
طيب والله كنت هقوله كدا
بوكيه ورد ومعاه دبدوب شايل ورقة وكاتب فيها انه متأسف واي حاجة تانية عايز يقولها + يكتب ويقولها انا جاي اخطبك النهاردة او بكره

**Vet.Mera** · 21-08-2011 01:24 PM

المشاركة الأصلية كتبت بواسطة syd

انا بعتذر ليكي ولكل الأخوات هنا في المنتدي
ارجوكي اقبلي اعتذاري

بس انا فعلا اقصد ان البنانيت قلبهم طيب وبيسامحوا وينسوا بسرعة لما بتلاقيك حسيت بغلطك وبتعتذر عنه
وممكن يكون دة كبر دماغ

اعمل بهذه النصائح وانشاء الله خير

وحاول مرة واتنين وتلاتة
ايه ياباشا احنا الي هنقولك ولا ايه ؟؟؟؟!!

شد حيلك

والله المستعان
،
،

على فكرة مش لازم تتأسف انا بهرج و فعلا البنات طيبين جدا و حقيقي ان البنت لما بتحب بتسامح حتى لو اللي بتحبه ده عمل فيها ايه لو حست انه بجد اتغير هتسامحه و تنسى كمان اللي فات

-

-

الموضوع: ازاى اصالحها علشان عايز اخطبها؟؟

LinkBack

أدوات الموضوع

عرض

-

-

-

-

المواضيع المتشابهه

ازاى اقدر اعرف !!!! خش علشان تعرف !!!!

ازاى ادهن التابلوه الفبر علشان يرجع لأصله؟؟

عايز أسألكم عن اسم site علشان vin #

افك فرش الكراسي ازاى علشان اغسله

حط ثمن للعربيه دي.....علشان عايز اشتريها

الكلمات الدلالية لهذا الموضوع

المفضلات

المفضلات

ضوابط المشاركة