ازاى اصالحها علشان عايز اخطبها؟؟

**MOUSTAFA_SAAD** · 21-08-2011 06:34 PM

طالما نت متعقد كده يبقى ابعد عنها احسن لانك مش حتعرف تعيش معاها طالما حاطط موضوع الفروقات ده فى دماغك

**pro_samir** · 21-08-2011 07:11 PM

انت ادري واحد بنفسك لو مش هتقدر فعلا تتغلب علي احساسك انك اقل منها يبقي متظلمهاش معاك وسيبها من دلوقتي بدل ما تبوظ حياتها وحياتك

**AmatoALLAH** · 21-08-2011 08:44 PM

الستات كده
تفضل تسماح مليون مره لكن لما توصل اخرها مستحيل تسامح

**MOUSTAFA_SAAD** · 21-08-2011 09:41 PM

المشاركة الأصلية كتبت بواسطة Honda4ever

لا إله إلا الله
ده انت معبي قوي يا عم العضو الذهبي انت
هههههههههههه

ازيك يا باشا؟

اه والله شوفت اللى محدش شافه ياخويا

الحمد لله احسن كتير دعواتك باكتمال الشفا

**nonetta** · 21-08-2011 10:02 PM

المشاركة الأصلية كتبت بواسطة moustafa_saad

هو فين ده

ياامة الله اللى انت بتتكلمى عليهم دول مستحيل يكونوا ستات
من واقع تجربة خطوبتى الاليمه وملامح الحزن اللى شايفها فى وش اصحابى اللى متجوزين
الستات يحبوا العكننه والنكد موت الا من رحم ربى
وعليهم بوز لما يتلوى عاوز مكوى رجل من بتاعت زمان وتسخنيها نار وتقعدى تفردى فيه اسبوع على الاقل علشان يفك ويرجع يضحك تانى
حاجه تقصر العمر

حرام عليك يا استاذ مصطفى
هتزعلنا منك ليه

الأنثى دي مرهفة الحس الى اقصى حد .. اغلبهم مش هاقول لك كلهم
والمحترمة منهم بتبقى عاوزة تعيش وتحافظ على بيتها وبتيجي على نفسها كتيييييييير عشان المركب تمشي

من النماذج اللي انا باشوفها ان الراجل هوا اللي نكدي بطبعه وبيتحكم فيها لمجرد التحكم
لدرجة انه ممكن تكون الواحدة بتشتغل ومرتبها اكتر من مرتبه وهيا اللي شايلة الليلة تقريبا وهوا ييجي يقول لها قبل ما تشتري حاجة تقوليلي هتجيبي ايه وبكام تصور دة يبقى ايه ولما تزعل يبقى ليلة سودا
وواحدة تانية تسلمه مرتبها كله وهوا يديها المصروف منه
وواحدة تالتة ال ايه هيا اللي بتصرف مرتبها كله وهوا يحوش مرتبه كله .. يا حلاوة يا ولاد دة ايه التنازل دة .. طيب ليه مش العكس

دة الواحد بيشوف بلاوي
من الاخر الراجل ما بيعجبوش العجب
دة مش معناه ان كل الستات كويسين ولا كل الرجالة وحشين

**nonetta** · 21-08-2011 10:06 PM

وبعدين الرجالة اصلا ما يستحملوش اللي الست بتستحمله
هاحكي لكم حكاية

كان هناك رجل تـعـب من الذهاب للعمل كل يوم بينما زوجته تبقى في البيت .
وعند المساء بدأ الصلاة وطلب من الله أن يستبدل جسده مع زوجته ليوم واحد لتعرف زوجته بماذا يشعر. فجأة ظهر له مارد ولبى له طلبه .

وفي اليوم التالي استيقظ و قد تبدل جسده من رجل الى كأمرأة.
حضر الفطور
...أيقظ الأولاد
حضرهم للمدرسة
ناول الأولاد فطورهم
حضر سندويتشات المدرسة
أخد الأولاد للمدرسة
عاد للبيت وغسل الغسيل
ذهب ليتسوق
ثم عاد للبيت وكانت الساعة الواحدة ظهرا
مسح الأراضي
نفض الغبار
ذهب سريعا للمدرسة ليأتي بالأولاد
أطعم الأولاد وجلس يساعدهم في وظائفهم
طوى الغسيل
كوى الملابس
في السادسه والنصف أخد يحضر طعام العشاء
بعد العشاء جلى الصحون ونظف المطبخ
حمم الأولاد وأخدهم للنوم
أصبحت الساعة التاسعة وعمله لا ينتهي

في صباح اليوم التالي استيقظ وفي الحال ركع وقال : يارب لم أكن أعرف حقيقة ما أفكر به , كنت مخطئا عندما فكرت أن البقاء في البيت مريح أكثر.
أرجوك أرجوك أعدنا كما كنا !!!!

ظهر له المارد وقال : يا ولدي ,أظن بأنك تعلمت الدرس وأنا سعيد كي ترجع الأشياء كما كانت

ولــــــــكــــــــــن

عليك الانتظار تسعة أشهر لأنك الآن حـــــــامـل !!!
ههههههههههههههههههههههههه ههههه

اضف على كدة اللي بتعمل كل دة وهيا بتروح الشغل كمان يعني دور مزدوج
وكفاية كدة عشان خرجنا عن الموضوع الاصلي

**زينة الله** · 21-08-2011 10:31 PM

المشاركة الأصلية كتبت بواسطة ashraf_ibrahim

المشكلة انك حاسس بنقص -معلش تقبل كلامي بس احنا بندردش مع بعض- نتيجة اختلاف المنصب بينك وبينها ونتيجة اختلاف المرتب واختلاف المستوى الاجتماعي بينكم انتوا الاتنين
بص يا صديقي
نتيجة احساسك دا بتتعمد انك تهينها وتقلل من وجودها وتحرجها علشان تشعر او تقضي على احساس النقص دا وتحس انك انت المسيطر وانت اللي احسن منها مش هي اللي احسن منك
قبل ما تفكر ازاي تصالحها فكر ليه انت بتفكر بالطريقة دي؟!
الحب يا صديقي مبيكونش فيه غيره !
يعني لما هيا تبقا كويسة دا شيء المفروض يفرحك ويسعدك لأنهم ساعتها هيقولوا عليها دي مراة فلان او حبيبة فلان او ما شابه
لو انت بتحبها فعلا يبقا المفروض تدفعها للأمام وللأمان
الحب اللي يخلي الواحد يرجع لورا دا مش حب دا دمار وهلاك
هي ايوة مستعدة انها تتخلى عن شغلها دا علشانك وانا طبعا بحترمها جدا على قرارها دا
بس اقف مع نفسك لحظة وفكر
انت عارف يعني ايه انها تتخلى عن الي وصلتله دا علشانك؟!
يعني بتراهن عليك بالدنيا وما فيها
يعني معتقدة وواثقة انها مش هتندم في اختيارها وقرارها دا
عارف لو انت جيت في يوم وخيبت ظنها وخليتها تشعر بالندم انها سابت شغلها علشانك ايه اللي هيحصل؟!
هيكون شرخ كبير جدا في العلاقة بينكم !
لازم تحترمها وتعرف انك لما بتحترمها وتدفعها للأمام وتشجعها انت كدة بتحترم نفسك وبتتحرك انت للأمام
مينفعش ابدا انك تكسرها علشان ترضي غرورك علشان تحس انك الأفضل
اللي فات دا كان أصل المشكلة
طيب نيجي للحل :-
الحل بينقسم لجزئين
الجزء الاول انك تعالج نفسك والجزء التاني انك تصالحها
ايه رايك ان الجزء التاني اسهل من الأول بكتير جدا !

الحل للقسم الاول دا بقا هينبع منك انت
-
-
احساسك بأنها كتير عليك وانك اقل منها او هي احسن منك دا دليل الحب مش حاجة المفروض تخوفك بس دا حاجة المفروض تخليك تحافظ عليها مش تخنقها وتقتلها
:d

+11111111111111111

كلامك عاجبنى جدا :)))

وخصوصا القسم الأول اللى هو علاج سبب المشكلة الحقيقى أما القسم التانى علاج العرض ومش حل الحقيقة

لأن طول ما السبب موجود يبقى هيحصل زعل ويتكرر ونسكنه بالاعتذار والمصالحة كل شوية

مشكلتنا فى مصر إن المنافسة عندنا غالبا غير شريفة للأسف :)) يعنى عايز تثبت ذاتك بدل ما تكد وتجتهد وتتعب .. لأ .. أنسف المنافسين وأكسرهم عشان تبقى أنت الزعيم الأوحد :)) جبروت وفرعنة .. ودا فى كل المجالات فى السياسة ، فى العمل ، فى الحياة الاجتماعية

((( وكمان الحكاية دى مش بس من الراجل تجاه الست الأفضل منه .. لأ ممكن تكون برضه من الست اللى حاسة إن جوزها أفضل منها وحاسة بالنقص وخايفة يبص لغيرها وساعتها بتخليه يلف حوالين نفسه وتعرف ازاى تلخبطه وتنكد عليه .. وكذلك يفعل الرجل اللى عنده شعور بالنقص )))

الحكاية يا أخوانا اننا بنتكلم على انسان إن كان راجل والا ست :)) بس المشكلة مع الرجل بتكون أكبر وأسوء .. لما عليه من مسئولية القوامة والحماية ومسئولية الانفاق على البيت وتمثيلة القدوة للأبناء

**زينة الله** · 21-08-2011 11:08 PM

بالنسبة لمسألة التكافؤ بقى :)))

ربنا بيميز كل انسان بنعم مختلفة عن غيره :))

يعنى واحد عنده ذكاء وقدرة على التحصيل ومتفوق فى دراسته ، واحد عنده ذكاء اجتماعى وقدرة على التعامل مع مختلف الاشخاص والتعاون معاهم ، وواحد عنده ذكاء فى التجارة وكيفية تنمية الموارد ، واحد عنده اخلاق وتحمل مسئولية و ....

احنا مش ماكينات كل مكنة لها قطع غيار بالمقاس :))) لكن هناك نوع من التوازن المطلوب فى رأيى والصدق مع النفس قبل الغير

وبعدين البنى ادم مش شهادة أو قرشين أو مركز اجتماعى وبس :)) البنى أدم أكبر من كدا بدينه واخلاقه وعزيمته وارادته وكفاحه وعمله

اضرب لكم مثل بالشريف صاحب مصانع الشريف للبلاستك وبدايته انسان بسيط لكن بكده وتعبه وارادته شوفوا بقى ايه

وكذلك العربى صاحب مصانع العربى وكان بيشتغل عامل فى محل خردوات .. يمكن مش معاه أى شهادة .. وشوفوا أصبح ايه

ارجع زمان وافكركو بأبو الفوارس عنترة بن شداد العبد الذى لا يملك حتى حريته .. وكيف اعتمد على قوته وصبره وروحه المقاتلة للحصول على حريته والزواج بمحبوبته عبلة :)) ويجيب الالف ناقة الحمراء ههههههه

مع ان عبلة ماكنش فارق معاها النياج الحمر قد ما كان فارق معاها الفارس الهمام فى حد ذاته :)) اعتقد ماكنتش مادية ههههههههههه

عايزين نرجع نشوف رجالة يضرب بيهم المثل بكفاحهم ونضالهم ..:)) زمان كنا بنقول النظام كاسر نفس الكل وحابسهم :))) لكن بعد 25 يناير عايزين نشوف بقى الجدعان ... الجدعان أوى هههههههههه

شوفتوا أحمد الشحات اللى طلع 22 دور والا تقولوا صاعقة ولا فرقة 777 ولا 555 ههههههههههههه

لو كانت هى لها منصب اجتماعى اكبر ... خليك انت صاحب عمل ناجح أوتجارة اكبر وقد المسئولية وياريت ترييحها من الشغل والتعب

نفسى كلمة راجل ترجع تحمل كل معانيها وهيبتها واحترامها ومسئوليتها بود واحترام

وتقبل تمنياتى بحياة كريمة قوية سعيدة

-

-

الموضوع: ازاى اصالحها علشان عايز اخطبها؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ازاى اقدر اعرف !!!! خش علشان تعرف !!!!

ازاى ادهن التابلوه الفبر علشان يرجع لأصله؟؟

عايز أسألكم عن اسم site علشان vin #

افك فرش الكراسي ازاى علشان اغسله

حط ثمن للعربيه دي.....علشان عايز اشتريها

الكلمات الدلالية لهذا الموضوع

المفضلات

المفضلات

ضوابط المشاركة