الموضوع: ازاى اصالحها علشان عايز اخطبها؟؟

المشاركة الأصلية كتبت بواسطة nonetta

حرام عليك يا استاذ مصطفى
هتزعلنا منك ليه

الأنثى دي مرهفة الحس الى اقصى حد .. اغلبهم مش هاقول لك كلهم
والمحترمة منهم بتبقى عاوزة تعيش وتحافظ على بيتها وبتيجي على نفسها كتيييييييير عشان المركب تمشي

من النماذج اللي انا باشوفها ان الراجل هوا اللي نكدي بطبعه وبيتحكم فيها لمجرد التحكم
لدرجة انه ممكن تكون الواحدة بتشتغل ومرتبها اكتر من مرتبه وهيا اللي شايلة الليلة تقريبا وهوا ييجي يقول لها قبل ما تشتري حاجة تقوليلي هتجيبي ايه وبكام تصور دة يبقى ايه ولما تزعل يبقى ليلة سودا
وواحدة تانية تسلمه مرتبها كله وهوا يديها المصروف منه
وواحدة تالتة ال ايه هيا اللي بتصرف مرتبها كله وهوا يحوش مرتبه كله .. يا حلاوة يا ولاد دة ايه التنازل دة .. طيب ليه مش العكس

دة الواحد بيشوف بلاوي
من الاخر الراجل ما بيعجبوش العجب
دة مش معناه ان كل الستات كويسين ولا كل الرجالة وحشين

يا نونيتا انا ماقدرشى على زعل اخواتى فى المنتدى اللى بشوف منهم كل احترام وزوق واتعلمت منهم الرقى فى التعامل

بس المشكله ان امة الله جمعت ان كل الستات ملايكه وانا ضد مبداء التعميم ولما رديت عليها قولتلها بناء على تجربتى وتجربة اصحابى لكن ماجمعتش ان كل الستات سيئين ابدا ولا كده يبقى امى الله يرحمها واختى اللى تقريبا فى سنكم نفس الموضوع وهما مش كده الحمد لله

المشاركة الأصلية كتبت بواسطة nonetta

وبعدين الرجالة اصلا ما يستحملوش اللي الست بتستحمله
هاحكي لكم حكاية

كان هناك رجل تـعـب من الذهاب للعمل كل يوم بينما زوجته تبقى في البيت .
وعند المساء بدأ الصلاة وطلب من الله أن يستبدل جسده مع زوجته ليوم واحد لتعرف زوجته بماذا يشعر. فجأة ظهر له مارد ولبى له طلبه .

وفي اليوم التالي استيقظ و قد تبدل جسده من رجل الى كأمرأة.
حضر الفطور
...أيقظ الأولاد
حضرهم للمدرسة
ناول الأولاد فطورهم
حضر سندويتشات المدرسة
أخد الأولاد للمدرسة
عاد للبيت وغسل الغسيل
ذهب ليتسوق
ثم عاد للبيت وكانت الساعة الواحدة ظهرا
مسح الأراضي
نفض الغبار
ذهب سريعا للمدرسة ليأتي بالأولاد
أطعم الأولاد وجلس يساعدهم في وظائفهم
طوى الغسيل
كوى الملابس
في السادسه والنصف أخد يحضر طعام العشاء
بعد العشاء جلى الصحون ونظف المطبخ
حمم الأولاد وأخدهم للنوم
أصبحت الساعة التاسعة وعمله لا ينتهي

في صباح اليوم التالي استيقظ وفي الحال ركع وقال : يارب لم أكن أعرف حقيقة ما أفكر به , كنت مخطئا عندما فكرت أن البقاء في البيت مريح أكثر.
أرجوك أرجوك أعدنا كما كنا !!!!

ظهر له المارد وقال : يا ولدي ,أظن بأنك تعلمت الدرس وأنا سعيد كي ترجع الأشياء كما كانت

ولــــــــكــــــــــن

عليك الانتظار تسعة أشهر لأنك الآن حـــــــامـل !!!
ههههههههههههههههههههههههه ههههه

اضف على كدة اللي بتعمل كل دة وهيا بتروح الشغل كمان يعني دور مزدوج
وكفاية كدة عشان خرجنا عن الموضوع الاصلي

انا معاكى فى ان الست بتبذل مجهود جبار اكترمن اى راجل وبقول الكلام ده للموظفين اللى عندنا فى المكتب لانهم بيشتغلوا مطحونين من 8 الى 3 غير مسئولية البيت بتاعتهم اللى انا مجربها فعليا وعارف شغل البيت يهد اد ايه لان اشتغلته فعلا

المشاركة الأصلية كتبت بواسطة a.saad

عادى
ما نص ستات مصر مزعلين اجوازهم

ايوه كده ياحمد اخويا اسند معايا والنبى احسن حيزعلوا منى هههههه

المشاركة الأصلية كتبت بواسطة stoon

الف شكر ياجماعة على المشاركات الجميلة
الحمد لله اتصالحنا وقريب جدا الخطوبة ......الف شكر يارجالة

اولا الف مبروك على الصلح
بس نصيحه من اخ ممكن يكون اكبر منك واكثر خبره

المشكله دية سببها انت مش حد تانى وده موضوع سهل ان الواحد ممكن يغير من طباعه لكن صعب تغير طباع حد تانى

انا لو مكانك حدور على واحده تكون فى منصب وعلم ومستوى جيد عامة علشان تكون مصدر فخر ليا امام الناس اهم حاجه انها تكون محترمه وعارفه حقوقها وواجباتها وفاهمه كويسه انها مش علشان احسن منى علما او منصبا فده معناه انها تسيطر عليا او تهمشنى

وواضح من كلامك ان البنت دية متربيه كويس والموضوع ده مش فى دماغها لدرجة انها عرضت انها تسيب شغلها علشانك

لو انت معندكشى القدره ان تغير من نفسك يبقى سيب بنت الناس دية لواحد يقدرها ويعرف قيمتها ويحافظ عليها بدل ماتخطبها او تتجوزها وتبهدلها معاك وتفضل معذبها بسبب احساسك بانها احسن منك

اتمنى ان كلامى مايكونش تقيل عليك وربنا يوفقك