انا النهاردة روحت مركز الصيانة كنت هناك الساعة 1.30 إستلم منى المهندس العربية وغيرت زيت موبيل 10000 وغيرت فلتر البنزين ونضفوا الموتور بالهواء وبعد كده بمادة شالت كل حاجة على الموتور ورجعت الموتور نضيف أوى وانا داخل كان لى شكوى قلتها لمهندس الخدمة وهى موضوع الفرامل لما أجى أفرمل بلاقى رجرجة قالى العربية عاملة 4500 كم ولسه التيل ما تكبعش لأن واضح إن سواقتك لسه خفيفة ما قرصتش على الفرامل ومش عارف هل الكلام ده صح ولا هو بيشتغلنى الله أعلم. ونضفلى فلتر التكييف وكان عغندى ريحة كل ما شغل التكييف بتقرفنى فطلب مى إنى أجيب الفواحة الشجرة وحطها فى فلتر التكيييف عملت ريحة كويس جدا فى العربية . وربط العفشة وبعد كده غسل العربية من بره غسلة محترمة وبعديت أتوكلت على الله. ودفعت 323.5 بس حسيت إن العربية فاقت خالص وبقيت زى الفل الحد لله