كنت قاعد بفكر لو لاقدر الله حصلت حرب بين مصر و اسرائيل احنا ايه استعدادنا لحاجة زي كدة دلوقتي و تجهيز الجيش بتاعنا مقارنة بالجيش الاسرائيلي اخذا في الاعتبار الامدادات الامريكية اللي هتروحلهم ايه؟
عرض للطباعة
كنت قاعد بفكر لو لاقدر الله حصلت حرب بين مصر و اسرائيل احنا ايه استعدادنا لحاجة زي كدة دلوقتي و تجهيز الجيش بتاعنا مقارنة بالجيش الاسرائيلي اخذا في الاعتبار الامدادات الامريكية اللي هتروحلهم ايه؟
كنت هاقول بلاش احراج احنا ماشيين ببركة دعا الوالدين بس فكرت شويه لو مافيش توازن قوي كنت لقيت الاسرائيليين في باب الشعريه اظن ان فيه حاجه رادعاهم ويارب تكون قوتنا العسكريه
ومن امتى كان العدو اضعف مننا عسكريا ... طول عمره اقوى وطول عمره بيشوف الويل
و مين قال اننا معنداش معدات ولا سلاح هو فيه اكتر من السلاح فى مصر !!!
يا راجل دة الناس بتتعارك بالمولوتوف دلوقتى
سيبك انت .. من واحد كان فى الجيش الموضوع مش بالسلاح بس الموضوع بالقلب وقدرة تحمل حالة الحرب مع جيش خطير جدا زى جيش مصر برجالته وبعقيدتهم وايمانهم الموضوع مش سهل نهائى على العدو
خلى بالك رجالة عدوك من اجبن رجالة شعوب الارض
ليه يحاربوا ؟؟
ما احنا كنا مظبطين الناس على الآخر..
سيناء.... داخلين طالعين براحتهم على الآخر
القناة....هاتتقفل فى حالة الحرب و مش هايستنفعوا منها
الغاز كانوا واخدينه من عندنا ببلاش..بدل ما كنا نديهم أى كنوز بتطلع من باطن أرض سيناء ( إذا لم يكن هذا حادثا بالفعل مثلما الوضع مع الغاز)
قوات مسلحة مصرية لا وجود لها فى سيناء....
حتى أى خطط تنمية قومية مصرية فهى حبر على ورق ( و حياة مياه ترعة السلام إللى شفتها فى التليفزيون من كام سنة و دلوقتى مش شايف من وراها حبة قمح و لا حتى طماطماية )
المشكله مش مشكلة قلب وشجاعه لان ده مهم في الحرب المباشره علي الارض راجل لراجل لا الي بيحصل دلوقتي حرب معدات وجهيزات وطيارات بدون طيار ودبابات موجهه عن بعد وصواريخ بالليزر بنسبة خطأ قليله واظن هو ده سؤال الموضوع
أحب أطمئن الجميع بس...العالم بيعانى من أزمة مادية...
مافيش فلوس
لا مع الأمريكان و لا الإسرائيليين
و كمان الشعوب أصبحت تطمح للتنمية بالذات مع وجود صراعات اقتصادية بين الغرب و شرق آسيا و على رأسهم الصين....
كمان هما مش أغبياء أوى كده..يكرروا نفس التجربة تانى..ما أخدوها فى 67...و أخدناها منهم تانى..و الأسوأ ما عرفوش يفرحوا بيها فى سلام..كل يوم دمهم كان بيسيح...لحد ما أكلوا علقة 73...
و بعد 30 سنة من تدمير الأخضر و اليابس...لسه البلد واقفة برضه....وعرفت تقوم بعمل انحنى له الجميع احتراما و تقديرا....
لو عندهم أدنى أمل إن الحرب ممكن تجيب لهم المكاسب إللى نفسهم فيها ..عمرهم ما كانوا هايستنوا علينا....
كمان التوقيت مش مناسب خالص مع شحنة الكرامة إللى ناقحة على الشعوب العربية..
لو فكروا يعملوا حاجة لمصر ..هيلاقوا زحف من لبنان و سوريا و ممكن الأردن يحصل فيها تغيير كمان...و الخليج مش بعيد عن إللى بيحصل ( عندك انتفاضات و لو محدودة فى عمان و السعودية و كبيرة فى البحرين )
و ساعتها مافيش حاكم خايف على كرسيه يقدر ما يدعمش الحرب المقدسة و إلا شعبه هايحس بالعار فى وقت الشعوب كلها عندها شعور طاغى بالكرامة
حتى الغرب مش هايسمح بالحرب دى..هاتضر بمصالحه التجارية و تدفق النفط و حركة التجارة الدولية....
و فى الآخر علشان إيه....ما يلموا نفسهم شوية عن مصر و يبطلوا ضرب فى غزة و الموضوع هايمشى...
لو فعلا بيستخدمو بناتهم كمجندات فالجيش الاسرائيلي يبقي في ظل الشباب البيكي بيكي اللي مسقط بنطلونه عشان يبين (( قوطونيله )) يبقي كسبو الحرب من غير نقططططططططططة دم.
ده غير الشباب اللي هيسلمو سلاحهم بسجارة او يبلغ عن كتيبته وياخد رقمها ههههههههههههههه.
ربنا يستر.
هي أصلا بتبقى حرب عقيدة أكتر منها حرب قوى وإحنا حاليا ما شاء الله شبابنا أخر حلااااااوة
احنا خايفين قوي كده ليه ؟
اذا كان حماس بشوية الاسلحه البدائيه الي معاهم مش مخلينهم يناموا الليل !
إلا حد يعرف....هو إزاى هتبقى دولة فلسطينية واحدة و جغرافيا إسرائيل تمتد طوليا كفاصل بين الضفة الغربية و قطاع غزة ؟؟؟....
ده منظر الخريطة بيؤكد إن التخطيط الإسرائيلى بالتأكيد يدل على نية ضم الضفة للأردن و القطاع لمصر و أخيرا نلغى كلمة فلسطين من القواميس و الخرائط...
http://www.betterbytheyear.org/pales...estine_map.gif
على فكرة الكلام اللي بيتقال ان الشباب بتوعنا بتوع قوتونيل .. شفهم بس لما يدخلوا الجيش و ياكلوا بامية و يرجدوا :d
بعد الجيش بيبقوا حاجة تانية .. وشوف اللي استشهدوا على الحدود ما سنهم بردو 22 و 23
ولو ربنا قدر ان يبقى في مواجهة بينا وبينهم ربنا يستر بقى عشان ساعتها الحكاية مش بالعدد ولا التسليح .. شوف مين هيقف معاهم و مين معاك .. هتجيلك امدادات ازاي و هما ازاي
الجملة دى إللى قالها ضابط فى القوات المسلحة فى إدارة قوات الدفاع الشعبى على ما أتذكر - أثناء أداء التربية العسكرية لطلاب الجامعات...
اسمه "جهاد" و رتبته كانت وقتها "رائد"...الله يمسيه بالخير...كان عفيف اللسان و محترم فى تعامله معانا و صبور...
على عكس كتييير جدا من زملائه سواءا فى نفس الرتبة أو أعلى..
كانوا سيئيين فى تعاملهم معانا و كمان فى تعاملهم مع بعض
و الحقيقة كلنا كنا بنكرههم و بنكره الحياة العسكرية بسبب التسلط المفرط و عدم وضوح الرؤية بالنسبة لأى خطوة أو قرار....
يعنى يبقى مثلا ( على سبيل المثال و ليس الحصر ) المعروف إن فى راحة من الوقت س للوقت ص....فجأة تلاقى ضابط شكله و صوته وحش داخل بقمة التجبر و لاغى الراحة....بدون إبداء أسباب طبعا و يبقى كويس لو كانت دخلته مافيهاش شتيمة و لوم لينا...
مع إنى كنت من ضمن الناس المعفاة من أداء تدريبات و عروض عسكرية لأسباب صحية فكنت بأحضر مع الناس إللى بتدرس من خلال المحاضرات بعضا من مبادىء العسكرية..
يعنى ناس قاعدة فى قاعة بتاخد محاضرة..لا حد عمل له حاجة و لينا دعوة بباقى الكون أصلا....
الطريف فى نهاية التدريب بيكون فى امتحان تحريرى للناس بتوع المحاضرات و عرض عسكرى لجماهير الطلاب...الامتحان كله غير إللى أخدناه فى المحاضرات و تقريبا كانت النتيجة جيد لمعظم الناس...
و أهم حاجة العرض يعجب القائد إللى هايشرف وقتها...و أى حاجة تانية مش مهم أوى....
بصراحة عجبتنى نقاط كتيرة فى الحياة العسكرية.... زى المساواة و التعاون الوجوبى و وحدة الهدف و روح الجماعة
لكن واضح إن فى بلاوى سودة فى التطبيق على أرض الواقع تخلى إللى جرب ينفر من الجيش و التجنيد و البلد كلها....
و الدليل إن من أصل عدد كبييير من أصدقائى إللى قضوا سنة تجنيد إجبارى فى قطاعات متنوعة فى القوات المسلحة و فى أماكن مختلفة ..لكن المحصلة ...إن هو تعبير واحد بس إللى وصفوا بيه السنة دى من حياتهم مفاده ....إن الجيش هو أكبر -------- فى البلد....و حط مكان النقط أسوأ تعبير يخطر ببالك
مافيش غير واحد بس إللى قابلته فى حياتى و كان بيقول عليها أيام جميلة و لكن هو تجربته كانت كلها تعليم للظباط إزاى يستغلوا الكانتين فى تحصيل أموال طائلة من المجندين بدلا أن توفر القوات المسلحة الحد الأدنى من الإنسانية لأبناء الوطن و كيفية التحايل المحاسبى للاستيلاء على هذه الأموال و تقضية مصالح مشتركة بين الأطراف بنظام شيلنى و أشيلك ...قصص كلها تندى بالفساد الضارب بإحدى المؤسسات المصرية فى النهاية....شأنها شأن باقى مؤسسات الدولة لكنها فوق المحاسبة المدنية بحكم العادة (الخبيثة للأسف )...