ملف من تصميمي لتسجيل مصاريف العربية بمنتهي السهولة

**SYD** · 06-09-2011 01:29 PM

طب دلوقتي بعد المقدمة البسيطة دي لل Excel هنبدأ الشغل بسم الله الرحمن الرحيم علي الملف بتاعنا

دة حاجة سميتها ال Home Tab
ودي مش مؤثرة اوي علي الشغل علي الملف قد ما هو صفحة كنت عايز احط عليها لوجو المنتدي وhyperlink ليه

بتكتب اسم حضرتك في الخلية B1
وتختار اللقب بتاعك من Drop Down List القائمة المنسدلة في B2

ولو ضغطت علي اللوجو بتاع المنتدي هيفتح المتصفح Browser علي صفحة المنتدي الرئيسية

وتقدر تختار الشهر المراد الشغل عليه من الأشهر المكتوبة

يتبع ..

**SYD** · 06-09-2011 01:33 PM

المشاركة الأصلية كتبت بواسطة almgol

طيب ممكن .... تقولي المصاريف دة هتكلف كام على عربية سيات 133

بسم الله الرحمن الرحيم

السلام عليكم ورحمة الله وبركاته

اخي الكريم انا هقولك هعمل اية في العربية بدون تكاليف

باذن الله

هركب كسحات امامية وخلفية

اركب شباك سقف

هركب شكمان الي صوتو عالي

هغطي الكراسي بجلد

هركب جنوط

بس ممكن الاقي جنوط زي دة

وباذن الله هزيل مشكلة الحرارة

باذن الله دة حاجات بسيطة ولما اتطور اجيب عربية 127 واظبطها اكتر بكتيييييييييير

بس ممكن تارفلي مكان قريب منكو او مننا يكون فية الحاجات دة كلها

ولا واحد مضمون يسوهالي في السيات

وممكن تعلرفلي التكلفة كام علشان اعمل حسابي

ولك الف شكر بعد الله عزوجل

الف الف الف شكر

تعبناك والله

والسلام عليكم

ياباشا ارجوك دة مش مكان هنا نتكلم فيه عن عربية حضرتك
هرد عليك بأذن الله في قسم سيات

والله المستعان
،
،

**SYD** · 06-09-2011 01:47 PM

هننتقل دلوقتي لصفحة اي شهر من الشهور هنتناول الشرح عليها

زي ماهو واضح من الصورة الصف 1 مش هنعمل فيه اي حاجة هو عبارة عن التاريخ والساعة ودة بيعدل نفسه بنفسه في كل مرة بفتح الملف او بمعني ادق هي بتكتب وقت وتاريخ فتح الملف ولو دوست حضرتك F9 هيعمل تحديث للوقت والتاريخ تلقائيا
والخلية الي جمب الوقت والتاريخ لو دوست عليها هتنقلك الي Home Tab

الصف 2 اسمه Header Row او صف اسماء الأعمدة وهتلاقي في كل عمود من أعمدة الجدول سهم لو ضغطت عليه تقدر تختار منه اي مدخل من مدخلات العمود وتعمل بيها فلتر ؟؟؟؟

يعني ايه الكلام دة ؟؟

يعني لو افترضنا حضرتك في نهاية الشهر عايز تعرف انت مونت بنزين 92 بكام هنعمل ايه ؟
هتفتح السهم بتاع عمود "بيان" وتشيل الcheck box من علي select all وتختار بس Fuel هتلاقيه شال كل البيانات وساب بس ال Fuel واخر صف هتلاقي فيه total يبقي كدة هو جمع كل البنزين خلال الشهر
طب لو افترضنا كنت خلال الشهر مونت 92 و 90 هتعمل ايه ؟
بعد ما تعمل فلتر بالبنزين هتعمل فلتر لل92 ، ازاي ؟
بنفس الطريقة
هتفتح السهم بتاع عمود المواصفات وتشيل العلامة من امام select all وتحطها فقط امام 92 وبالتالي هيرجع يفلتر البنزين ويسيب بس ال92 وبالتالي تقدر تعرف انت حطيت بنزين 92 بكام

يتبع ..

**Khaled Seif** · 06-09-2011 02:12 PM

جزاكم الله خيرا

ماشاء الله لاقوة إلا بالله

**SYD** · 06-09-2011 02:14 PM

نيجي لتسجيل المدخلات

هتقف حضرتك في الخلية a3 (اول صف في صف المدخلات) وهتبدأ بالتعبئة

1- عمود ال "مسلسل" دة مسلسل عادي بيبدأ من 1 او اي رقم الي ماشاء الله
للأنتقال الي العمود التالي يجب الضغط علي زرار Tab

2- عمود ال "بيان" حضرتك هتختار من القائمة البيان المطلوب او تكتب البيان الي انت عايزه (مش ضروري تختار)
انا حطيت كام بيان كدة زي البنزين Fuel وزي زيت الموتور Engine Oil وهكذا ....
للأنتقال الي العمود التالي يجب الضغط علي زرار Tab

3- عمود ال "المواصفات" بناء علي اختيارك من عمود ال "بيان" هيتحدد اختياراتك في عمود ال "المواصفات" يعني القائمة List تعتبر متغيرة او بنسميها Dynamic List
وبنفس المنطق تقدر تكتب المواصفات الي حضرتك شايفها مناسبة دون الألتزام بالأختيار من اختيارات القائمة المنسدلة Drop Down List
للأنتقال الي العمود التالي يجب الضغط علي زرار Tab

4- عمود ال "الكمية" تكتب الكمية حسب الرغبة
للأنتقال الي العمود التالي يجب الضغط علي زرار Tab

5- عمود ال "سعر الوحدة" ستكتب سعر الوحدة تلقائيا ما اذا كان تم الأختيار من عمود ال "بيان" وعمود ال "المواصفات" اما اذا تم ادخال قيم من غير الموجودة في العمودين المذكورين فسوف تضطر لأدخال سعر الوحدة يدوياً
للأنتقال الي العمود التالي يجب الضغط علي زرار Tab

6- عمود ال "التكلفة" تحسب التكلفة تلقائيا بناء علي القيم المدخلة في عمود "سعر الوحدة" وعمود "الكمية"
للأنتقال الي العمود التالي يجب الضغط علي زرار Tab

7- عمود ال "مكان التغيير" يكتب في هذا العمود مكان الخدمة (مثال : محطة موبيل )
للأنتقال الي العمود التالي يجب الضغط علي زرار Tab

8- عمود ال "التاريخ" يكتب التاريخ بصيغة DD/MM/YYYY اي يوم شهر سنة
للأنتقال الي العمود التالي يجب الضغط علي زرار Tab

9- عمود ال "قراءة العداد" يكتب قراءة العداد بناء علي قراءة العداد وقت اداء الخدمة وسيكون لهذا المدخل الأثر في تحليل البيانات للزيت والبنزين انشاء الله عند عمل التقرير الشهري والسنوي وحساب الأستهلاك وعمر الزيت
للأنتقال الي العمود التالي يجب الضغط علي زرار Tab

10- عمود ال "الملاحظات" تكتب اي ملاحظات من وجهة نظرك او تترك خالية Blank
للأنتقال الي الصف التالي يجب الضغط علي زرار Tab
ملاحظة : في الملف دة تحديدا يجب الأنتقال الي الصف التالي بزرار Tab وليس Enter كما سبق الشرح

يتبع ..

**SYD** · 06-09-2011 02:35 PM

نيجي بقي دلوقتي لصفحة Specifications

كما يتضح من الصورة فهي تعكس اختيارات بعض الأعمدة في الجدول بتاع الشهور
بمعني

في الجدول الأول علي اليسار هنجد
العمود الأول من الشمال خاص بال Fuel ومكتوب فيه جميع الأختيارات من 80 و 90 و 92 و 95

تستطيع حضرتك مثلا أضافة 98 او سولار
وستجدها انشاء الله موجودة في اختيارات الFuel عند تعبئة الجدول

طب بفرض انا عايز اضيف زيت كاسترول في عمود Engine_Oil
بنفس المنطق هتفضل حضرتك تدوس Tab لحد لما يعمل صف جديد ونكتب فيه Castrol Edge او Castrol Magnatic وهكذا ...
وانشاء الله ستجدها في قائمة الخيارات بتاعة الزيوت في عمود المواصفات عند اختيارك من عمود البيان Engine_Oil

وتظهر صفحة Specifications بعد التعديلات بهذا الشكل

وفي الشهور ستظهر في الأعمدة بهذا الشكل

يتبع ..

**SYD** · 06-09-2011 02:45 PM

طب انا دلوقتي ضيفت مثلا السولار علي عمود الFuel
عايز دلوقتي ازود سعره كمان عشان الملف يفضل محتفظ بالتكامل بتاعه integration

هتلاقي في صفحة specification تحت الجدول الأول الخاص بالبيان هتلاقي جدول الأسعار وشكله كالتالي

بنفس المنطق
هتختار اي خلية فيه وتفضل تدوس Tab لحد لما يزود صف جديد وتكتب في الصف الجديد نفس بالظبط الي انت زودته يعني لو كتبت "سولار" يبقي في جدول الأسعار لازم تكتب "سولار" وفي عمود السعر تكتب سعره
بالشكل دة

يتبع ..

الموضوع: ملف من تصميمي لتسجيل مصاريف العربية بمنتهي السهولة

LinkBack

أدوات الموضوع

عرض

-

-

-

-

-

-

-

المواضيع المتشابهه

مصاريف العربية اليومية ( منقول )

بالحساب كده العربية الزيرو بتكلفنا كام مصاريف تشغيل

لماذا أخترت هذا الاسم لتسجيل

لتسجيل قرآن mp3

الكلمات الدلالية لهذا الموضوع

المفضلات

المفضلات

ضوابط المشاركة