المشكلة في أي عربية في الدنيا يا جماعة في رأيي حاجتين: أولاً في توفر قطع الغيار الأصلية و ثانياً المهارة الفنية في تشخيص و معالجة الاعطال. أنا أعتقد إن الفنيين في مصر متواجدين... يبئة النقطة الفاصلة دلوأتي هي تواجد قطع غيار أصلية برة التوكيل عشان ميئدرش يحط أسعار قطع غيار على كيفو و خلاص .... متنسوش إن أي توكيل عاوز أرض كبيرة يحط عليها المبني بتاعتو و د لوحدها عوزى ملايين و مباني و معدات فنية متخصصة كمان مباني للادارة و إدارة مالية و بيدفع كهربا ... و مايا... و مرتبات... و ضرايب...و تأمينات إجتماعية...و اكراميات .... و بعد كل د يا يكسب يا يخسر و يقفل... لازم طبعاً و من حقو يكسب. ذي ما ألت أبل كدة أنا الحمدلله ما برحش توكيل لانني مش مؤمن بيه من ناحية و كل قطع غيار عربيتي الاصلية الحمدلله موجودة بكميات كبيرة برا التوكيل يبئة اه لزمت الوكيل من اصلو؟... في ناس كتير تقولي الضمان يسقط و أنا أقول و إيه يعني ما يسقط! أنا بعمل الصيانات في موعدها و ساعات أبل موعدها كمان و نحمد ربنا كلو ماشي ok لما حاجة تبوظ يبئة الواحد يصلحها برى عند صنيعي معلم و أنا أعتقد كل المتخصصين فالميتسوبيشي يقدرو يعملو صيانة للبروتون. الخلاصة تاني في قطع الغيار الاصلي و عشان كدة في توكيلات ماترداش تبيعلك القطع إلي إنت محتاجها عشان تعمل سرفيس عندها! Business يا جماعة امال يلم كل التكاليف المرعبة إلي قلتلكم عليها دي منين؟؟؟ عشان نوصل لحل ممكن حد مننا يكون دماغه حلوة فالتجارة و يعرف إيه هي كل قطع الغيار إلي ناقصة أو سعرها مبالغ فيه و يستوردها لحسابو و يكسب بما يرضي الله و يرحم الغلابة أصحاب السيارة من اللي هما شايفينو إستغلال .... حتى لو في قوانين تمنع إن أي حد غير الوكيل يستورد قطع الغيار الاصلية لمصر ... بسيطة أوي ممكن يكون في مصانع ممتازة كتير في جنوب شرق اسيا عندها الامكانيات الممتازة إلي ممكن تصنع بيه أي قطعة غيار فالبروتون يا وحوش! بس إتحلت و أي خدمة يا رجال! و كل عيد و انتو جميعاً في أسعد حال. أخوكم أحمد سامي
المفضلات