محتاج المساعدة فى تتمين العربيه...
السلام عليكم و رحمة الله و بركاته
بأختصار شديد العربية كانت بتاعت والدى ثم توفاه الله..(رحمة الله عليه و على جميع اموات المسلمين)
و انا معتز بيها و مش عاوز افرط فيها .فقلت اشدها و أظبطها و اركبها ...بس فيه كام نقطه مهمة ...
اولا : العربية دلوقتى فيها ورثة .يعنى كل واحد لازم ياخد حقه فى العربية .
ثانيا :انا مش عارف مين اللى عاوز العربية .ممكن حد من اخواتى يقول انا محتاجها.
عموما هى مش فارقة معايا كتير المهم العربية متطلعش برة .
....المهم....
انا عاوز اتمن العربيه بما يرضى الله عشان محدش يتظلم.
و بالتفصيل الدقيق حاله العربيــــة.
...النوع و الموديل...
بيجو 104 مو 1977
...الحالــــــة...
1-الجسم :واخدة خبطة جنب الفاوانيس و مطبقة خفيف وعاملة حكة فى العجل.
و الكبوت فى شغل خفيف .
و كام خبطة خفيفة فى البابين الاماميين و الشنطة .
و خابطة فى الاكصدام الخلفى عملت انبعاج فى الجمب اللى فوق فردة الكاوتش اللى ورا.
و فيها شوية برومه فى العتب و فوق الكاوتش.
و الماتور من ساعت ماتركب متحلش بقالو حوالى 6 او 7 سنين فأكيد الحوض ممكن يكون
فيه شوية شروخ او حاجات زى كدة.
و بالتالى هينزل شوية البوهيه اللى عليها و تتمعجن و تترش كلها من جديد.
2-الكاوتش :جاب اخر معالمه شبه مختفيه و ساعات بيعمل صفارة على الاسفلت الناعم فى الحر.
و الجنوط بحاله جيدة.
3-الشكمان :واخد كام لحام فى الماسورة و العلبة فيها برومة خفيفة اوى يعنى هنقول حالته تحت
المتوسطة .
4- الموتور :هو 1100 cc و زى ما ذكرت انو ماتحلش بقالو 6 او 7 سنين والمكانيكى قالى الماكنة خفت اوى و بقت بتاكل زيت كتيير اوى و بنزين يعنى عاوزة ماكنة .
5- الزجاج :الامامى كهربا و الخلفى عادة بس اللى ورا مش شغال مش عارف بقى عاوز مكنة للزجاج ولا ايه والامامى الموتور بتاعو بيزيق تقريبا عاوز شوية زيت و الزجاج الامامى بحالة متوسطة
فيه شوية خدوش خفيفة اوى واللى ورا نفس الكلام .
6-التابلوه : حالته متوسطة بس انا لو هاخدها هحتاج اغيره .
7- الكراسى : الامامية مكسورة من القواعد بس هى شغالة من زمان على كدة و ممكن تشتغل على كدة
بس برضة لو انا هاخدها هحتاج اغيرها و اجيب حاجة سبور .
8- العفشة : لازم تتغير لأنها من عمر الموتور تقريبا او اقدم شوية كمان .
9- الريداتير : مهرى و عاوز يتغير ...
يعنى من الاخر العربية عاوزة شغل جامد و هتصرف .
و المطلوب من اخوانى و اعضاء عصابة بيجو و اصحاب الخبرة الافادة فى تتمين العربية
ليا او لأخواتى و طبعا بما يرضى الله و من غير ماحد يتظلم
مع مراعاة الشغل اللى هيتعمل فى العربية
و جزاكم الله خيرا...
رجاء صغير من الاستاذ flyingرقم التليفون بتاعو